scugnizzo on web

O’Presepe e’nu povero Ddio.

Chist’anno comm’e ll’ato anno , comme sempe

Me so attrezzato a fa  nat’o presepe

Ma st’anno me so miso pe cchiù tiempo

T’o giuro, nce’aggio perzo overo a’capa

Ll’aggio accumminciato na semmana fa’

Pe spazio fra sufferenza e nata

Nu tentativo scemo e’te scurdà

Doppo che e’tre dicembre, m’e lassato.

E piglianno a’creta mmano , aggio creato

E che pacienza, pastore pe pastore

Doppo tre ore nun m’ero stancato,

ma pensavo a tte, quanno me chiammave ammore,

allora doppo poco ce pensaje,

faccio nat’o pastore, faccio a essa

ma dint’o presebbio ,nun se vista maje

chi miette ‘lloco ncoppo chi t’e lassa?

Ma je te facette . a’faccia, e ‘mmane , ll’uocchie,

e na vesta rossa , ‘ncuollo te mettette

e po’ e capille nire, e rosa a’ vocca,

che nat’a vota appriesso , me perdette.

E ‘ncopp’o presepio, nun ce steva storia…

A grotta e’ Cristo senza considerazione,

Ma come , nun ce staje e je ancora moro?

Me fosse annammurato e’ nu pastore.

Passaje Natale. E ce pensaje

E pe tenerte cchiù vicino

A Capodanno t’e luvaje a copp’o presepe

E te mettette ncopp’o comodino.

E a mezanotte chiagnette d’a primm’ora

Lacreme sole e nu’ povero Ddio

Ca se ggiraje e vicino a nu pastore

Dicette sulo : “Auguri ammore mio.”

Salvatore Mennillo