KI NON KOMBATTE KADE

SES POESIA

SES POESIA

Ses tui chi mi donas poesia
cun is ogus chi bint su chi biu
candu che pippieddu scumpudiu
fais s'acost'acosta acanta mia.

Delicata e maliziosa in su fueddai
t’allutas in chistionis proibidas
e sentimentus cun disigius scidas
chi aterus non podint pensai.

M’arrodias in menti che su cau
eternu e fideli amigu de su mari
prus mi xircas e prus seus impari
prus mi torrat a gosu su pecau.

Ses poesia e mi ndi parit spantu
candu scabullìa de cuccus bistiris
ses bella e frisca comuncas ti giris
e donas boxi a unu gioiosu cantu.

Per lei..

AndreA