ANIMAE FRAGMENTA

SOLA

Sola, dint'a stu lietto

fa friddo pure sott'e cuperte

e 'o suonno nun vene...

me sento comme 'a 'na foglia ca tremma

quanno scioscia 'o viento

supporta stu turmiento

fino a quanno cade

e pò trova pace;

e accussi è l'anema mia,

comme 'a nu fiore,

cà nun s'è schiuso,

sta dint'o scuro....

Ma chianu chianu vene fora

s'arape

scarfato d'o sole 'e l'ammore.

Sola, 'ncopp'a stu lietto

me vene a chiagnere, rifletto....

sola, 'ncopp'a stu lietto,

'o suonno me vene pe dispietto!

E' 'o mumento 'e stutà sta luce,

pè putè truvà nu poco 'e pace;

sogni d'oro, notte felice...

pecchè 'a vita è l'ammaro primma d'o doce!