la mia terra

LIzu de monte, preziosu frore,

drucche comente una samaritana,

accheradi  o bella a sa ventana,

reina de su eranu e de s'amore.

Virgine sarda, fiza'e su nuraghe,

cando moves donosa a sa funtana,

resuscitas un'epoca lontana,

profumada de ispigas de paghe.

Parene fogos mannos,istasidos,

custos tramuntos longos de attunzu:

rampos troppu a traddu froridos,

cando su coro si lassat andare

a lentos bolos carrigos de ammentos.

Sunu 'olos chi andan cun sos bentos,

ninnade,abbellu,sa malinconia,

dae sas serras a sa marina.

E s'anima s'intregat a s'olvidu,

in cust'oru de Santa Caterina