Area personale- Login
TagCerca in questo BlogMenuUltimi commentiChi può scrivere sul blog
Solo l'autore può pubblicare messaggi in questo Blog e tutti gli utenti registrati possono pubblicare commenti.
|
Post n°79 pubblicato il 26 Settembre 2011 da diadetti
Óna óltä on Porsèl pié d'ènzègn, che 'l riàä da on sito lontà, el ga dis a on Asèn italià de troàgä on méstér en cità. El Somar el rispond: - Mé m'èmpègn oléntérä per dat ona ma', ta ma disèt per fil e per sègn cose l'è che ta sét bu de fa'.
- Vendet al vì? - Nó pòs migä sufril, me fa mal àc apenä a nasàl. - Sét botéghér? - Ma gnè manc a pensal! Só nervus e béé migä 'l cafè. - Sét tenur? - Per neènt! Tat per dil ma vé förä 'na us come 'n gal... - Sé l'è issé turnä a casä tranquil che sté posti i fa migä per té.
- Mé, però, - el gà dit al Majàl - fó 'l porsèl, pò gó per moér la pö belä fra töté le tròe, co' serti öcc che i fa encantà. L'ó spusadä, ma sté gróp legal ogni tat al se slössä, ...se vòe. - Se l'è issé, - el dis l'Asèn nostrà - restä ché, che l'afaré s'el fa'.
liberamente tratto da " La carriera del Porco " di Trilussa
Post n°78 pubblicato il 07 Aprile 2011 da diadetti
L'EVOLUSSIÚ - On Comunistä el ga fa' a ona Galinä: - Quàcc àgn él che ta ga sé? Tàncc e tàncc ! Épör nó ta ghé fat on pas ennàncc e ta sét restadä la solitä cretina ! Sarà dai tèmp de Noè che 'ndel fa l'öf té ta cantèt còcòcò, còcòcò-còcò-öf ! -
E la Galinä la rispond: - L'è la natürä. Vorèsset fórse vidim a fa i öf con de ona furmä de on laur nöf, col rós vérd e co la ciarä scürä ? El mé laorà, 'nvece, l'è semper engual e la me cansù la restä chèlä ; el còcò-öf ta stöfèl ? Chèstä l'è belä ! Che öt che cànte ? L'Internassional ?
Post n°77 pubblicato il 25 Marzo 2011 da diadetti
Tag: fi de mars 1848, Margì Margì e 'l socio de la birä
_ Suä ecelensä, gran Maressial, cose gài fat i prisunér de mal perchè söi du pè i siès condanàcc a finì cuträ on mür e pò füsilàcc? Ma sa presènte, sarèsse l'ostérä che töcc i conos per Margì cafeterä: col siòr Delegat del Distret mé so ché a pregal de molài, che l'è zènt de bé! Che culpä gài se per amur del paés i gà dat föc a tre caràte e a ona sés? E Lü, garèssel fat a parì de neènt se i forester armàcc finä ai dèncc i gàrès pröàt a brüsà casä Sò, co l'asèn, la pajä, o la àcä col bò? - An de chèlä la sènt che 'l suspirä; la pensä: - ga sóm, sòcio de la birä. - ... e col scuriadì el fa sègn ai soldàcc che i poèr prisunér i vègne liberàcc.
Post n°76 pubblicato il 02 Marzo 2011 da diadetti
Tag: Margì cafétérä Vintisèt de mars de l'òssèntquarantòt: turnàä da Milà con qualche òs rót Radeschi, 'l maressiàl, co i sò sücù, vignìt a Bagnöl a sercà Febrarù che con tresènt guardié çiviché armàde el ghìä tentat de saràgä le stràde de Cavréà e Cortésèle, 'n Castelvècc, a sté tütèr, tat per fagä i despècc. Piero Febrér, prim de scapà, a la filandä l'è 'ndat a 'ncrusà ona patugliä de majä candéle che i ga domandä 'ndó sta de ca' ' Pietro Fepprari', e lü 'l ga rispond de 'nà vers Manèrbe, enfinä là 'n fond. I sa n'éncorz de esser stacc bidunacc e i te ga ciapä nöf o dés disgrassiacc: giü l'è 'l spéssiér, el sa ciamä Febrér, Gioan, fradel de don Febrér Febrér, e sò fiòs, Piassä, par che 'l sa ciàme, tra crìcc de spuse, de fiöi e de mame. Ades la s'embrösiä, i vorès füsilai per viä del fato de le legi marsiài; èco che aliurä saltä förä l'ostérä da töcc cunussidä, Margì cafétérä, che compagnadä dal sior Delegat la va da Radeschi, catìf e piàt, e la ga dis de molà chèstä zènt che nó la ga c'ènträ, la gà fat neènt; issé col sò garbo la i-à fa liberà, fenès che la stóriä, vivä la libertà.
Post n°75 pubblicato il 13 Gennaio 2011 da diadetti
En font al Castèlvècc en quàc àgn fa vignìä a Bagnöl da Cavreà on òm a pè col fiöl an simä a on asèn. Potä, an del vidìi a passà, la zènt, la ghe ciciarä dré, e lur i sènt: - " poèr òm, al s'cèt l'è zuèn, fil 'nà a pè, 'nì ó sö l'asèn".- E l'omassì el la scultä; el fa smontà 'l fiöl e 'l va sö lü. Dopo vint metèr el tróä de l'óträ zènt che la ga bruntulä dré, e lur i sènt: - "virgugnìf, on òm a caàl de l' asèn e 'l s'citulì a pè, poarì ! " - Alurä el ciapä 'l s'cèt e 'l sa la tirä an gropä a l'asèn, ansemä a lü. El riä a fa sinquantä metèr che el t'èncrusä amó la zènt, scandalizadä, che ghe dis, e amó i la sènt: -" saltì zó da chél poèr asèn lé, vidìf migä come 'l patés a portàf en gropä en dù? poérä bestiä ".- E issé 'l bubà e 'l fiöl i saltä zó e i va a pè töcc tré, e dopo on pó: - " ma che cojó, " - la dis la zènt, - " perchè vai a pè, sté beleló ? " - Come ? Se i la sènt ? Certo che i la sènt! Sé, ma stéóltä i fa a parì de neènt.
|
Inviato da: diletta.castelli
il 11/10/2016 alle 15:39
Inviato da: topsienne
il 11/06/2012 alle 18:31
Inviato da: diadetti
il 29/09/2011 alle 18:49
Inviato da: diadetti
il 03/02/2008 alle 22:40
Inviato da: topsienne
il 01/02/2008 alle 10:14