diario di viaggio

"Popolo mio... ti ricordi, popolo mio, come eri ridotto..."

Il 16 luglio di 360 anni fa, in una cella del monastero attiguo alla chiesa del Carmine a Napoli, veniva ucciso il Lazzaro Masaniello.
La sua avventura era cominciata il 7 luglio infuocando la piazza e dando voce al popolo col grido “Viva il Re di Spagna! Mora il malgoverno”, chiaro esempio di sottomissione all’autorità regia ma anche di intolleranza verso la mala gestio del viceré e dei rappresentanti politici della città.
Ma i suoi nove giorni di “governo” non esaurirono l’ondata di rivolta del Fedelissimo Popolo Napoletano: la sua fu solo la miccia…
Bisognò aspettare il 5 aprile 1648 affinché don Giovanni d’Austria potesse aver ragione della Real Repubblica Napoletana ed essere in grado di ristabilire i privilegi agli aristocratici nella città di Napoli.
L’eco delle gesta di Masaniello e degli eventi napoletani giunse fino in Inghilterra dove Oliver Cromwell instaurò la repubblica nel 1648.
Il napoletano Tommaso Aniello D’Amalfi era nato in Vico Rotto nel Quartiere Mercato il 29 giugno 1620. Diede la vita per il suo popolo all’età di soli 27 anni!


'O Cunto 'e Masaniello

A lu tiempo de la malora
Masaniello è nu piscatore
piscatore nun le rincresce
Masaniello se magna nu pesce
Vene subbeto 'o Vicerrè
chistu pesce spett'a me
tutt'a me e niente a te
po' si a tassa vuò pavà
chistu pesce t''o può mpignà...
A lu tiempo de la malora
Masaniello è nu piscatore

A lu tiempo de trivule mpizze
Masaniello se veste 'a scugnizzo
nu scugnizzo stracciato e fetente
Masaniello se magna 'e semmente
Vene subbeto 'o Vicerrè
sta semmente spett'a me
tutt'a me e niente a te
cu 'a semmenta tu te ngrasse
e t''a metto n'ata tassa...
A lu tiempo de trivule mpizze
Masaniello se veste 'a scugnizzo

A lu tiempo de li turmiente
Masaniello se veste 'a fuiente
senza rezza e senza cchiù varca
fa nu vuto a' Maronna 'e ll'Arco
vene 'o prevete e 'o Vicerrè
sta Maronna spett'a me
tutt'a me e niente a te
chesta è a tassa p''o Pataterno
o vaie subbet'all'inferno
A lu tiempo de li turmiente
Masaniello se veste a fuiente.

A lu tiempo de disperazione
Masaniello se veste 'a lione
nu lione cu ll'ogne e cu 'e riente
tene 'a famma e tutt''e pezziente
Vicerrè mò fete 'o ccisto
songo 'o peggio cammurrista
io me songo fatto nzisto
e cu 'a nziria e Masaniello
faie marenna a sarachiello
A lu tiempo de disperazione
Masaniello se veste 'a lione

A lu tiempo de primmavera
Masaniello se veste 'a bannera
na bannera ca 'o popolo bascio
sona arreto tammurro e grancascia
Attenzione... battaglione
s'è sparato nu cannone
è asciuto pazo lu patrone
ogge ce ha avasciato 'o ppane
ma nun saie fino a dimane...
A lu tiempo de primmavera
Masaniello se veste 'a bannera

A lu tiempo de trarimiento
Masaniello 'o vestono 'argiento
tutt'argiento 'e signure cumpite
mò ce 'o coseno stu vestito
Dice subbeto 'o Vicerrè
simmo eguale io e te
pazziammo cucù settè
si rispunne a chist'invito
t'aggia cosere n'atu vestito...
A lu tiempo de trarimiento
Masaniello 'o vestono 'argiento

A lu tiempo de li ntrallazze
Masaniello è bestuto da pazzo
quanno tremma e 'o vestito se straccia
pure 'o popolo 'o sputa 'nfaccia
Stu vestito fa paura
Masaniello se spoglia annuro
'a Maronna nun se ne cura
pò si 'a capa 'nterra ce lassa
accussì pava ll'urdema tassa
A lu tiempo de li ntrallaze
Masaniello è bestuto da pazzo

A lu tiempo de ati gabelle
Masaniello è Pulicenella
si è rimasto cu 'a capa a rinto
ll'ate ridono areto 'e quinte
Pò s'aumenta 'o ppane e ll'uoglio
saglie 'ncoppa n'atu mbruoglio
tira 'o popolo ca ce cuoglie
nun ce appizza mai la pelle
chi cummanna sti guarattelle
A lu tiempo de ati gabelle
Masaniello è Pulicenella

A lu tiempo de chisti scunfuorte
Masaniello è bestuto da muorto
dint''a nicchia na capa cu ll'ossa
nce ha lassato na coppola rossa
Chesta coppola da na voce
quanno a famma nun è doce
quanno 'o popolo resta 'ncroce
quanno pave stu tributo
pure 'a tassa 'ncopp''o tavuto
A lu tiempo de chisti scunfuorte
Masaniello è bestuto da muorto...

Masaniello s''o credeno muorto.