Tutte quante dint 'e ccase
a sentì cu 'a radio accesa ,
cu 'e ggiurnale 'nfaccia 'e vitre
pe' nun fa' veré 'e lluce .
Po' a 'nu tratto 'na sirena
- è l allarme - ... - ué l allarme .. ! -
ca 'a luntano ll' areoplane
hanno visto già arrivà ...
Mo s' aìzano e se vòttano ,
ruciuléano p' 'e scale ,
ogneduno cu 'a paura ,
tutte quante 'a rrobba appriesso .
'On Vicienzo 'o farmacista
cu' 'a cascetta r' 'e segrete ,
'onna Peppa 'a purtinara
cu 'a borzetta r' 'e gioielle ,
e 'Ngiulella fresca sposa
cu' 'a cascia d' 'o curredo ,
Nunziatina 'a pumpanara
cu' 'o ritratto d' 'o marito .
Vire vi' 'sto votta votta ,
gua' chi chiamma e chi allucca :
- Vicienzì 'e visto a Rrosa ? -
- Frusta llà .. 'e chi è 'stu cane ? -
- Uè mammà nun trovo 'e scarpe -
- Chi s' è fatto 'a borza mia ? -
- Vire a cchisto comme tocca .. -
- Uè Totò chiùre 'sta porta .. -
- Io mo stevo dint' 'o cesso .. -
- Vuie sapite addò sta Alfonzo ? -
- M' aggio perzo 'a nonna mia ... -
- Giuvinò .. lièvete 'a 'nanze .. -
Accussì 'sta lava 'e ggente
scenne 'e scale , scenne 'e ggrare ,
tutt' 'e corsa , cu' ll'affanno
'e fa' ampresso e nun murì ...
Sottoterra a uno a uno
'o ricovero s' 'e ppiglia ,
'e ffamiglie cu' 'e pariente
assettate 'ncoppa 'a rrobba ,
' e guagliune cu' ll amice
tutte zitte a murmulià ,
e llà stanno ad aspettà
dint' 'o bbuio ca pare 'a morte .
Tore guarda fisso 'nterra ,
Filomena prèa San Ciro ,
'Ntunettè dice 'o rosario
e Nannina addorme 'o figlio .
Peppe e Rita arreto 'o muro ,
'e nascosto 'e ggenitore ,
mo se dànno 'o primmo vaso
e chi sa si po' dimane ...
Stanno llà , nun passa maie
chillu tiempo int' 'o ricovero ,
quanno vène 'ncoppa 'a capa
'o rummore 'e ll areoplane ,
'nu rummore sordo e cupo
ca nun passa , e siente 'e scoppie ,
e nun sai si a 'stu momento
cade 'a bomba addò stai tu .
PER LEI
Inviato da: tangente_secante
il 19/04/2021 alle 10:02
Inviato da: ReCassettaII
il 17/03/2021 alle 14:11
Inviato da: mpt2003
il 31/07/2020 alle 05:04
Inviato da: cassetta2
il 18/05/2020 alle 10:05
Inviato da: mpt2003
il 20/03/2020 alle 14:59