occhiodivolpe

ma cher' è 'stu patimento
chesta ‘nziria e ‘stu turmiento ?
tu ‘a vìre ‘nfaccia a ggente
tu ‘a siente pe’ ttivvù …
accussì bbelle cuiete ,
stammo a casa c ‘o ccafè ,
po’ t’ aìze e chiamme a Peppe
e te faje quatto risate …
né che bbuò , nè che vulisse ?
statte llà , spaparanzato ,
ma cher’ è ‘sta pecundrìa ?
che muglièreta nun sape
fa ‘o conchèn o ‘o liscio e busso ?
nun dà aurienza che ‘nu vaso
sempe è mmeglio pe’ jucà …
tiempe bbelle chiste ccà ,
statte ‘a casa a nun fà niente ,
statte ‘a casa a rripusà …
primma tu tenive mmìria
‘e stà senza faticà ?
mo ringrazia ‘o Pataterno
ch' 'e 'ncarrato chisto tierno