occhiodivolpe

- Nun ce stà attuorno attuorno
manco quacche pipistrello ,
ll ‘ aria è ccaura , ‘e giesummìne
stanno quase pe’ sguiscià …
Vìre llà che bella luna
dint’ ‘o cielo chiena chiena
songo ‘e ttrè , sule io e ttè
ce facìmmo ‘na passiata
‘nterra ‘o puorto , ‘nfaccia ‘o mare ?
mmano a mmano io e ttè ,
tu che ddìce ? ce avviàmmo ?
no , che ddìce , quanno maje
nun ce stà manco ‘a volante
ca putesse intervenì ,
che te pienze ? sulo ‘e vvarche ,
nun ce pònno maje ‘nfettà ….. -
- seh .. è overo ? mo’ t’ ‘o ddico
stai sbariànno malamente
e mme tocca ‘a nervatura …
chella Nunzia ‘a sòra mia
lle dicètte justo ‘o cainàto
ca pe’ mmare ‘e goccioline
vanno in aria ? e po’ t’ accìreno -