Queste si recitano per 3 anni e sono seguite da 7 Padre Nostro e 7 Ave Maria :
Parti di Santa Briccita
Briccita santa 'nginucchiunu stava
davanti a un Crucifissu ca chiangiva,
la Santa Passioni cunsidrava,
la cruna di li spini si mintiva,
e cu na manu na torcia addumava,
cu l'antra manu un libbru ca liggiva:
Gesù ti pregu di la me 'ntinzioni:
rivelami la Santa Passioni.
Lu Crucifissu ca c'arrispunniu,
t'annu ca santa Briccita parlau,
ci cuntà li flagelli ca patìu
e la Passioni ci la rivilau.
Briccita cadì 'nterra e scanuscìu,
tuttu lu pettu 'i larmi si lavau.
Briccita do stillariu 'nnammurata
ti vogliu dari socchi ti prumisi,
a cu si penti di li so' piccata
l'abbrazzu e mi lu portu 'mparadisi.
Quannu ddu Giuda maccu mi tradìu
t’annu du muffuluna mi jittàu,
chisti sunu li peni ch’haju patutu:
setti surdati attaccavanu a mia
Deci pugna a li labbra m'hanu datu
setti voti cadivu pi la via.
'Nta setti mazzi di spini mi 'nfasciàru
unu chi mi battìa cu la catina
non putìa stari susutu a la matina
ca era niru chiù di lu cravuni.
'Nta 'dda notti ca mi fracillaru
tri ossa di la spadda mi niscèru.
T’annu spuntò la stidda matutina.
pi 'na parola 'i me' matri mischina
appi seicentuvinti muffuluni.
Pilatu s’affaccia’ di lu barcuni
e contra di li Judei si misi a diri:
Ch'ancora vi ni vuliti saziàri?
Chi omu è chissu e lassatulu jiri
È fracillatu e non po' chiù campari!
Rispunnìu la turba ‘ncoscienti:
lu vulèmu nui crucificari
Comu di novu m'appiru a 'n putìri
di novu si mittèru a fracillari.
Quannu a monti Carvaniu mi 'nchianàru
'na corda a lu coddu m’attaccàru
e tutti li capiddi mi scipparu
na cruci nda li spaddi mi minteru
pi tutta la città mi cunnucèru
ddà m'hannu datu na spinta mortali
m'hannu siccatu li nerbi e li vini
cadìu ddà'nterra cu tutta la cruci
era tanta pisanti la me' cruci
la facci e li jinocchia mi scurciài,
di nudda cosa a mia mi ni dispiaci
quantu ch’appressu a mia me' matri duci
acchianava e chiangìa senza cunsolu,
dicennu : figghiu miu moru moru-.
Cu pi quaranta jorna si la dici
la Vergini Maria lu binidici,
cu pi quaranta jorna la dirà
peni d'infernu non ni passirà,
cu pi quaranta jorna la fa diri
peni d'infennu non ni po' patìri,
e tri jorna prima di lu so muriri
Santa Briccita ci lu sapi a diri.
Chista è a prijera do Signuri nostru,
dicemmu n’Avirmaria e Paternostru.
Inviato da: cassetta2
il 30/07/2024 alle 21:06
Inviato da: cassetta2
il 31/12/2023 alle 10:04
Inviato da: cassetta2
il 18/03/2020 alle 18:07
Inviato da: chiaracarboni90
il 31/05/2011 alle 09:35
Inviato da: alogico
il 05/11/2010 alle 18:49