sicilia nel mondo

LETTERA DI UN IMMIGRATO SICILIANO

 Parigi, 21 Nuvčmmiru 2005

Don Tanu scrivi ntô forum dâ lingua Siciliana: "Giā chi nudhu 'avi discursu' ora nni stu forum, fazzu na dumanna, chi fici 'n amicu di Siracusa, Armando Carruba, nni nāutru forum: ci voli chių curaggiu a pārtiri â stranėa o puru a cummāttiri nta sta terra ca nun ti riala nenti, sulu 'u suli ca ti quadėa 'a pedhi?"

Carissimu Don Tanu,

č cu piaciri ca vulissi arrispųnniri a ssa dumanna.

Secunnu mia manca comunqui nāutru curaggiu nna sta lista: chidhu di turnari e `un sulu chidhu di ristari o pārtiri. Certamenti poi, addipenni dî casi e dî cristiani.

Pi mia 'un ci vosi tantu curaggiu a pārtiri, forsi anticchia di ncuscenza. A propōsitu, 'a Sicilia mi detti tantu, `un pozzu diri ca mi quadiō sulu 'a pedhi, vû dicu cû cori. Mi detti veri amici, mi detti amuri, mi detti 'i studi, mi detti 'a ducazioni, mi detti emozioni e putissi cuntinuari. Anticchia di curaggiu ci voli ora ca pinzavu di turnari ntâ me terra.

N'a' firriatu citā e societā, Nghilterra, Bruxelles, Lussimburgu, ora Parigi, ma 'a me terra č 'a me terra. Mi sentu ntigratu nta l`Europa, sacciu parrari 4 lingui, aju amici a tutti 'i banni, ma a nudhi banni mettu rādichi.

Jamu ę jorna nostri (quannu sta' scrivennu) e vi cuntu chidhu ca pi mia č curaggiu pi āutri fudhėa, pi āutri ancora nenti, (picchė a quantu pari 'i curaggiusi pārtunu o rčstanu , ..ma 'un tōrnanu !?!..). Sta stati (2005), lassavu tutti cosi, abbannunavu Brussel e câ me picciotta, ni dicidemu: basta! Ngrizzamu pi 'n-Sicilia, na sfida cu mia stissu. Forsi 'un ci criditi, ma 'u jornu dû viaggiu arrivat`a Milanu, mi telčfunanu di Parigi, e mi propōnunu un cuntrattu… a Parigi stissu. "Purtroppu" 'a sfida Parigi mi tentō e 'un arrisistivu . Ora sugnu cca a Parigi , perō 'u discursu Sicilia č - comu dėcinu 'i ngrisi - "on going".. ci pensu sempri e mi sta' priparannu...

Sparagnu di scrėviri 'i discursi ca sintivu, ma nudhu, dicu NUDHU, mi dissi, bravu Giuvanni, torna a casa, 'a Sicilia avi bisognu di fighii com'a tia… (anchi pi facci farėa). Chidhu ca mi fa rėdiri č ca: si voghiu addifčnniri 'a Sicilia, m`accųsanu ca `un staju ddha e ca vutavu 'i spadhi; si voghiu turnari, sugnu pazzu e meghiu ca staju unni sugnu.

Onestamenti penzu ca si oggi `un staju 'n-Sicilia 'n-chianta stābili, 'un č picchė mi scantu ca 'un c`č nenti a parti 'u suli, o picchė `un aju curaggiu, ma pi āutri cosi, comu macari sidhu stassi 'n-Toscana o nta l`Irlanda. Ma sicuramenti voghiu fari quarcosa câ me terra e pâ me terra, fussi sulu chidhu di far`abbėdiri ca 'u travaghiu, `a qualitā dâ vita, etc. va custruitu, va mmintatu, va nzignatu, nun s`avi a aspittari…'u postu o 'u rialu.

'U māssimu pi mia fussi arrinčsciri a fari quarcosa ntra 'a Sicilia e l`Europa, ntra 'a Sicilia e 'u munnu: dimostrari ę cristiani fora dâ Sicilia, ca si po custruiri 'n-Sicilia ed ę cristiani 'n-Sicilia ca avemu potenzialitā e forza a vėnniri, si sulu canciāssimu anticchiedha, si sulu cridėssimu chiossai a sta terra, si sulu valorizzāssimu 'a nostra lingua e cultura. Pi quantu riguarda l`equazioni nčsciri = truvari na terra ca t`arriala quarcosa (comu s`a Sicilia fussi na taccagna), ebbeni vi pozzu diri c'avėa a veniri a Parigi pi vėdiri un nivedhu di digradu e 'a puvirtā e vėdiri cristiani chi chiāmanu ajutu pâ fami.. e c`arrispunni 'u pitittu. Cca 'u prezzu dî casi e 'i tassi, su' peju dî coccodrilla e dî liuna 'n-Africa . Cca 'i cristiani sunnu comu 'i gazzelli africani, chidhi si sųsunu 'a matina e sannu sulu na cosa: c’ānn'a cųrriri , cųrriri chių forti ca ponnu e senza firmārisi, vasinnō 'u liuni sî mancia.

E si Parigi, 'a citā dû champagne e dû caviali, č oggi sutt`a l`occhi di tutti pî māchini abbruciati, pâ fami.. immagināmuni nta l`āutri posti e citā dû munnu, unni 'i cosi su' peju, immāginamuni - dicėa ju - comu si stā ddha .

 luci di sti cosi, chidhu ca spirassi 'u me cori č ca 'i cristiani 'n-Sicilia 'a finėssiru d'aviri mmidia di chidhi ca su' fora e chidhi ca su' fora 'a finėssiru di pinzari â Sicilia comu na cosa ca `un cancia, ca si mori dâ fami, ca `un c`č travaghiu etc. etc. comu si fussi na particularitā giogrāfica, na cosa connaturata câ Sicilia. Sbrazzāmuni e aggiustamu 'i cosi. Nuāutri semu l`artėfici dû nostru distinu, nuāutri âmu a nzignari 'a ducazioni e dari esempiu, nuāutri âmu a jittari fora sti politici ca fčtunu, nuāutri âm'a criari occupazioni etc etc etc.

Pi turnari ô discursu dû curaggiu di stari o pārtiri: semu Siciliani ndipinnentimenti dâ pusizioni unni n'attruvamu. Addifinnemu e truvamu 5 minuti pâ nostra terra, sia ca n'attruvamu a Palermu ca a Parigi o a New York, sia a Carrapipi ca ntôn paisedhu miricanu. 'U curaggiu 'un č chidhu di pārtiri o di ristari, 'u curaggiu e chidhu di crėdiri e purtari avanti 'a varca, sia ca semu supra 'a varca, sia ca travaghiamu 'n-terra .

Na vota s`arriniscėa si si partėa, o si s`arristava e s`avėa 'u postu.. oggi si viaggia assai, si gira… oggi sugnu a Parigi e mi manni 'a mail câ battuta ca gira a Palermu, dumani ju m`attrovu 'n-Palermu e tu a Lontra e mi manni na mail ngrisi.

Partuti, turnati o risidenti, oggi comu dumani, ju e tu e idhu, nuāutri e vuāutri e idhi, TUTTI âmu a truvari 'u curaggiu di luttari pâ Sicilia câ stissa ntinzitā e picchė no?, cu na stissa lingua: 'u Sicilianu.

ANimus TUus DOminus,
Lu Curaggiu č lu to Signuri (e ci aghiuncissi ju: nun sulu chidhu d'arristari, pārtiri o turnari arreri 'n-Sicilia, ma videmma chidhu di luttari unneghič tu t'attrovi).