« LI CHIANTI CA ME FICI |
LI PRUVERBI
Aggiu sempre ntisu dire e, se dice ncora, ca de li pruverbi de li ntichi, nu ne fallisce nuddhu. Erene li pruverbi ca ndrizzàvene li nnantisciuti nosci ntra la carriggiata de lu stare a pparu a l'àvitri ristiani. Mama, bunanima, li canuscia tutti e ne dicia sempre unu a culure de la circustanza, e jeu, a furia cu li sentu tutti li giurni, me nn'ia mparati na bona pursione.
Ma poi me ncorsi ca muti de isti, tanìvene lu pruverbiu cuntrariu e, cu fazzu belanare mama, quannu ne mmuntuvava unu iddha, jeu li rispunnia a tonu.
Cu me spiecu meju, tante fiate nu me criditi, ve mmosciu chiri stunati ca me su banuti a mmente e li scriu cu le lettere ca pènnene a manu daritta:
Fa bene e scòrdete, fa male e penza
Ci face bene pate pene.
Cavìta, ca crai è cchiù logNu de osci
Meju l'ovu osci cca la caddhina crai.
Li sordi suntu de lu diàvulu
Senza sordi lu fischettu nu sona
SagNu cu sagNu nu se face acqua
Li parenti su li denti
La sparanza è l'urtima a murire
Ci stane cu lu datu l'esse l'anima e lu fiatu
A tuttu nc'è rrimediu tranne cca a la morte
A casa brusciata minti focu
Paru cerca paru e paru pija
Ccùcchiete cu chiri meju de tie e falli le spese
La mujere te nchiana e la mujere te scinne
Quannu te nzuri te mpasturi e te ncaggiuli
Lu Signore te chiude na porta e te apre nu purtune
Spetta ciucciu meu ca masciu vene
Li fiji su comu Diu te li dà
Li fiji su' castichi de Diu
Li fiji su piezzi de core
Fiji piccinni cuai piccinni, fiji ranni cuai ranni
Ci te nchiana, te vole bene
L'onori cu castichi de Diu
Ci se ccuttenta, code
Sordi chàmene sordi
L'onoziu è lu tata de li vizi
Ci fatica ane na sarda e ci nu fatica ne ane una e menza.
AREA PERSONALE
TAG
CERCA IN QUESTO BLOG
MENU
ULTIMI COMMENTI
Inviato da: cassetta2
il 29/05/2023 alle 18:33
Inviato da: Mr.Loto
il 21/08/2020 alle 17:39
Inviato da: sciroccu
il 22/04/2020 alle 13:10
Inviato da: cassetta2
il 22/04/2020 alle 11:06
Inviato da: cassetta2
il 20/11/2019 alle 16:11