ChioggiaTv

Semenar dicembrin, vale  demanco de un sisìn. Chi che semena d'inverno, xè sto mona del governo. Dicembre con rugiade, inverno con do spade. Il secondo proverbio è quello più in, attualmente. Dunque siori e siore è ufficilamente partito il countdown, che siate del partito dei lustrini, presepi, luminarie tipo disco anni 70, poco importa, è un dato scientifico che tutti avremo qualche kg in più. E intanto qua xè un caligo che se tagie col cortelo! Sta setimana i à previsto anca piova e acqua alta e vento da sciroco , tenimo duri xente!

ARIETE

Venere pianeta del'amore ve assiste. Sentì el forte desiderio de cambiare in megio.

NO IMUSONEVE SE QUALCHEDUN VE DIXE CERTE FREDURE

TORO

Tuto un ano sempre in quarta, adesso ve sentì un fià strachi, ma tioleve el tempo che serve.

OCIO ALE RECE E LA GOLA, NO STE' A SCOVERXARVE

XEMEI

Sempre pronti a fare l'oferta o a tiorla, nel lavoro le robe se sisteme pian pian.

BEN SE PENSE' ANCA A CHI CHE VE STA INTORNO

CANCARO

Verso la fine del'ano se fa bilanci e vien idee nove, a voialtri no le ve manche mai!

CO LE IDEE VIE BIA' FARLE FUNSIONARE! DAI XO' DEGHE SOTO!

LEON

Na risata e via! Un soriso spesso agiute a sciogliere tante tension sia picole che grosse.

NO RINVIE' IMPEGNI SENTIMENTALI O LAVORATIVI

VERGINE

Bravi continuè co la vostra marcia carega de energie e volontà, sempre co tanta energia.

BASTE SOLO CHE MANTENI' LA CALMA EL XIOGO XE' VOSTRO

BILANSA

Ultimamente el vostro senso estetico xè aumentà e avè gran bele idee.
PENSE' A UNIRE L'AMORE PER L'ARTE AL LAVORO, MAGARI SARE' RICHIESTI!

SCORPION

Ocio ale decision che tiolè perchè le avarà gran influensa per lungo tempo.
SORIDENTI, DECISIONALI, ESPOSTI AL MASSIMO.

SAGITARIO

Oh da qualche parte ghe xè qualchedùn che pense a voilatri e ve valute.
VENDE' BEN LA MERCE CHE QUALCHEDUN VE VOLE FARE LE SCARPE E LE SIOLE

CAPRICORNO

Xò ste queti, na setimana de strachessa la ghe capite a tuti, no piaNxè! Xè la natura.
NIENTE ANSIA NE' STRESS, MA QUIETESS

ACQUARIO

I acquari se mete in caregiata e gli altri treme. No sentive sconfiti, el mondo xè grando!
LA MARCIA IN PI' GHE L'AVE' BASTA METARSE ALA VIA.

PESSI

Andamento positivo dela setimana, sodisfasiòn in ambito culturale e umano.
BRAVI, NO ASPETE' TEMPO, SE XA' OPEROSI PER I REGALI

                                   Elisabetta Donaggio