Creato da Alpina68 il 11/03/2009 |
|
Post n°332 pubblicato il 27 Aprile 2019 da Alpina68
KOKOLËMSH
Duke pritur kohën vërej se ajo pritje nuk më ngushëllon më pritjet e vogla më bëjnë lëmsh.
duhet arritur diku por ku?
si kokrrizat e kafesë që gojën hidhur mbajnë luaj me çastet e mia duke i hidhëruar me dëshirë.
duhet arritur diku këtë kohë por ku?
kohë humbur ndihem dhe shpresën e degdis në tunelet pa dritë pa merituar ngritje, e shtyp e përtyp si kafshatën e qetë të hijes.
nuk posedoj më shumë se këtë kohë kohën time!
kohën e kërkoj, me pak fjalë, dhe kujtesa e netëve të mia delikatesën e saj mbajnë gjallë ndaj së fundmi, vendos.
mes qiellit dhe tokës të bëj vullnetin tim.
©️Alma Begaj |
|
Në një ditë të shënuar siç është 22 Marsi 2019, në mjediset e hotel “Mediteran”, Klubi i Shkrimtarëve dhe Artistëve të Durrësit, organizoi një veprimtari kulturore e artistike kushtuar shkrimtarit dhe publicistit Meçan Hoxha, i cili përuroi edhe dy librat e tij: “Gramshi në jetën time” dhe “Kontribute letrare”. “Pasdite letrare me Meçan Hoxhёn” ishte pagëzuar ky takim në të cilin morën pjesё shkrimtarё, poetë, publicistë, kritikë, botues, skulptorë tё Durrёsit, mёsues e nxёnёs gjimnazistё, familjarё e shokё tё Meçanit, ku vend nderi zinin bashkёqytetarёt e tij gramshiotё.
Organizimi i këtij eventi kulturor kishte në fokus dy librat e botuar sё fundmi të autorit nga shtëpia botuese 2M Printing. Në vlerësimin e librave u lexuan katër Kumtesat e pёrgatitura me pёrgjegjёsi e nivel tё admirueshёm shkencor nga, Alma Begaj mësuese e historisë e njëherësh shkrimtare e poete e cila çeli siparin e këtij kuvendimi, duke pasuar nga z. Zydi Shehu ish drejtori Muzeut të Kavajës, z. Avni Çuni drejtor i QKF Durrës dhe z.Kadri Tarelli. Por Meçanin, në këtë kuvend të bukur krijuesish, diskutimet e shumta nga tё pranishmit, që e bёnё kёtё tubim letrar interesant e mbresëlёnёs, e lumturuan shumë.
Moderatori i kёsaj veprimtarie, z. Naim Kёrçuku, harmonizoi shumё bukur kumtesat me recitim poezish nga nxënësit e shkollës së mesme “Leonik Tomeo”, diskutimet me këngët e bukura dhe pёrshёndetjet nga tryezat e shtruara me koktejl. Nё mbyllje të këtij eventi kulturor, kryetari i Klubit z.Nikolla Spathari, nё emёr tё komunitetit tё shkrimtarёve dhe artistёve tё Durrёsit i dha Meçanit njё titull mirёnjohjeje me motivacionin: ”Publicist, historian, shkrimtar dhe veprimtar i dalluar shoqёror nё vite”. |
|
Post n°330 pubblicato il 22 Marzo 2019 da Alpina68
Sot: ekuinoksi pranveror, dita kundër diskriminimit, dita e poetëve, dita e sindromës down, dhe..
DIELLI QESHET KUR KA QEJF
Dielli qeshet me mua që eci pa ndalur nën shiun që s'pushon. Atje, përmbi rè m'i ndjek hapat e lagura, këpucët e qullura, vallen e rëndë të çapave, dhe qesh e gajaset që hijen time ka tretur në pellgjet e trotuarëve të shqepur.
Qeshet me mua Dielli kur më avullohen xhamat e syzeve miope, brenda nga ngrohtësia e syrit, jashtë lahen nga piklat e shiut dhe unë, s'shoh asgjë.
Ngjyra e shiut ka veshur nuancat e syve të mi, palltos dhe fustanit tim gri.
Qerpikëpulitur, pa ombrellë, nën ritmin e piklave eci e këndoj me vete këngën e poetëve (i shoh ata nën streha apo në kafenetë e xhamta përballë detit atje tej) ata që zbresin diellin në tokë edhe kur fle, edhe kur e ka pushim, në ditë feste.. Por, dielli qeshet kur ka qejf, sot ka hipur përmbi rè të flasë me Perënditë.
Alma Begaj |
|
Post n°329 pubblicato il 06 Febbraio 2019 da Alpina68
E di si është puna?
Gënjen pamja e jashtme, Sa herë them: nuk do ta çaj kokën për asgjë, Aq herë dhimbjen e ndjej më thellë se kurrë.
Sa herë montoj një buzëqeshje në sy, Aq herë qan shpirti në çdo skutë.
E di si është puna? Nuk do bëj më plane!
Gjithë herët kam dalë dështake, kur kam menduar të shijoj një pushim, Në fund të fundit Jam shenjë e zjarrit Që digjem e shkrumbohem vetë Për të ruajtur nga zemërimi i flakës Gjithë të tjerët!
©️AlmaBegaj Gusht 2018
|
Adu Alp
Condividi e segnala