Naramus chi eja

Sos sardos, ma finas totu sos chi istimant su deretu de sos pòpulos a detzìdere a conca issoro, tenent chimbe resones bonas pro botare chi eja su 25 e su 26 de làmpadas:
1. Unu pòpulu non podet nàrrere chi nono a una leze chi creschet s'autonomia sua. E custa leze creschet s'autonomia de su pòpulu sardu e, paris cun isse, sa de sos àteros pòpulos de sa Repùblica italiana;
2. Cun sos italianos e cun sos àteros pòpulos de s'istadu, sos sardos puru depent pagare sos istupèndios de senadores e deputados. Sa leze mìnimat sos primos dae 627 a 518 e sos segundos dae 315 a 250. Totus amus resparmiare unu muntone de dinare;
3. Su senadu federale, sende chi est cuncordadu dae sas rezones, faghet prus sa parte de sas natziones sena istadu in Itàlia e de sas rezones ma non de su guvernu tzentrale;
4. Sende chi sunt sos tzitadinos a elezire su primu ministru, su podere de sos partzidos mìnimat e creschet sa possibilide de su pòpulu de fàghere issèberos;
5. At a èssere prus fàtzile de abèrrere sas iscolas a s'imparonzu de su sardu e de sas àteras limbas che a su gadduresu, su tabarchinu e su tataresu.