Naramus chi eja

Pro ite bi cheret su chi eja in su referendum

Su cussizu rezonale sardu est istadu su primu a pedire su referendum supra de sa reforma de sa Costitutzione italiana. Diat esser istada una cosa bona si sos cussizeris aerent pessadu de mutire sos pòpulos de sa Repùblica a isseberare intre su nono e su eja. Ma petzi pagos l'ant fatu: su prus ant chèrfidu narrer chi sos sardos sunt contra a sa reforma costitutzionale.
Unu machine sena contu e ne capu: cando mai unu pòpulu gherrat non pro creschere sa soverania sua e s'autonomia, ma pro la minimare? In ue s'est mai bidu chi unu pòpulu dimandet a isse e totu e a sos istranzos de iscantzellare una reforma chi, o bene o male, li dat prus autonomia?
Ma custu est su chi sos zacobinos de su tzentrusinistra e de su tzentrudestra de Sardinna cherent faghere.
Sa reforma costitutzionale chi amus a botare no est sa cosa mezus, e b'at su tempus de l'acontzare. Ma in primis, totu sos sardos, sos chi istant in Sardigna e sos chi sunt in su disterru, depimus narrer chi eja. In caminu, tando, s'at a acontzare su càrrigu