PRESICCESI NEL MONDO

SINE O NONE

Tratto da "Strolacamenti de tre vecchiareddhi"

A - Ci diciti esse osci lu sule?
B - Cci ne sacciu, jeu! Lu Barbanera tou cci dice, ca chiove?
A - Ca sarà ca nu nc'è mancu cchiui lu Barbanera. Sarà ca vulivi dici Fratenduvinu?
B -  Nci stane ncora lu lunariu de Fulignu, comu no! Ma tie ncora a chiri cridi? Moi nci ne stannu nu saccu de ristiani ca nduvinene quannu chiove e tira jentu, ma puru cu tutti li strumenti, a fiate, cannene puru iddhi!
C - Ma cci ve ne futtiti vui, ci chiove o ci scampa, nunn'è ca iti scire cu faticati.
A - Nu te vane bonu mai nenzi a tie! A fiate puru cusì pe custu, unu na vardata a Fratenduvinu ne la dane sempre e cci li costa? Nenzi li costa.
B - Ma stu Fratenduvinu la nduvina ci Prisicce e Dacquarica se ccucchene?
C - Chiru a mie nu misteru me pare! Sarà ca ci l'a criati nu su boni cu se ncordene. E mo cci boncifaci?
A - Cci ccentra mo stu matrimoniu ci li paesi su nati ognunu pe cuntu loro e fazza Diu!
B - Nu te menzi tie ca ne pote vanire bonu ci ne mintimu de unita? Panzati nu picca: putimu avire le scole pe li vagnoni ranni, senza cu li mmannamu a ngiru de cquai e de dhai, putimu avire nu spedaleddhu o n'ambulatoriu cu tantu de duttori senza cu sciamu sbattuti a la merca e a la sterca. Poi sparagnamu sordi cu mantanimu do' Cumuni, quannu ne basta unu!
C - Dice nonu issu, sarà ca stamu meju ntra nu paese cchiu rossu, puru ca me crisciu ca li pulitici se fannu li fatti loru lu stessu e se ne futtene de nui, ci l'a criati!
A - Ma v'iti fattti boni li cunti? Moi sapimu a dhu imu scire cu truvamu istu e dhu stane quiddh'avutru, ma crai? Sciamu sbattennu de cquai e de dhai comu tanti scemi, cu te senti dire: none l'anacrafe nu stane cchiui cquai, moi ttocca cu bai a lu Calvariu de Dacquarica, de costi a la massaria de Chiavusurizzu; oppuru cu faci reclamu a l'IMU: - te tocca a l'Ancili de costi a lu cumentu de li monici. Ve pare bonu a bui cusi? E fazza Diu!
B - Ca a llampede vo cu bai? Vidi ca poi mintene li bussi.
C - E lu ribussu o voju l'asu no? E cc'imu sciucare a tressette?
A - De dhu passene, puru ca li ccattenni piccinni sti bussi, ci le vie su stritte e chine de machine?
B - Ca nunn'è ca t'annu pijare de sutta a casa. E poi ci sape quante fiate lu giurnu te vene a ncapu cu bai a ngiru pe l'uffici de la Cumune!
C - Nu be pijati pena, ci v'a criati! Ci sape quannu se ne parla! Nu ssapimu mancu ci rrivamu cu li vidimu ccucchiati, sti do' paiseddhi nosci! E ci la favice ne mete prima?
(continua)