Creato da lgcasc il 06/09/2013

PRESICCESI NEL MONDO

Spazio d'incontro dei presiccesi

 

« SINE O NONELA PUCCIA E LU DASCIUNU »

SINE O NONE (continua)

Post n°115 pubblicato il 15 Novembre 2018 da ginoscirocco

(Continuazione)

A - Attorna te n'essi cu la morte, comu quannu ca la cumanni tie? E' Domineddiu ca sape quannu rria lu mumentu e fazza Diu!
B - Citti! Mo panzamu a chiru ca imu rrispunnire a lu fujettu ca ne dannu, ci vulimu "lu sine o lu none" cu se mintene de paru li do' paesi, ca la morte ..... nu nc'è!
C - Nc'è e comu ci l'a criata!
A  - Comu sempre tie castimi. Comu nu nc'è la morte e mammata e sirda a dhu stannu? Su sciuti a fore puru osci?
B  - Mo faci puru lu spiritu de padata! "La morte nu nc'è quannu nci simu nui e quannu nc'è iddha nui nu nci simu cchiui"! Sta ntifana, Epicuru la scisse su n'epistula mmannata a n'amicu sou, menzu seculu prima de chire de San Paulu. Sulu ca ista nu la legge ciuveddhi e chire nvece ne l'annu ncafuddhate a ncapu tutte le dumineche, de quannu erene vagnoni!
A - Sta cuntavene de l'unione de li do' paesi e te ne si sciutu a lu Santu de li Santi. Tie ci nu minti lu "cchè" su le cose de Diu te senti fiaccu e fazza Diu!
C - Puru tie, nunn'è ca te ne faci scappare una, ci t'a criatu!
B - La chesia cci dice, vole lu sine o lu none?
A - Vo' cu la sacci propriu? Nu dice né sine e nè none. Vutamu a sacunnu de la cuscemzia noscia e fazza Diu!
B - Tantu a li previti nu li rria nenzi cu stu matrimoniu, ca lu fannu a la Cumune e nu ntra Chesia. Me pare ca le do' parrocche rrimannu pare pare e nu cancia nenzi.
A - Menumale ca te faci persuasu de sulu, na fiata tantu!
B - E nò, beddhu meu! Nc'è pertu lu prublema de lu nume ca imu cchiare pe lu paese nou e ttocca cu scucchiamu puru lu Santu Patrunu!
C - Na cosa la fiata, ci v'a criati! Tuttu osci! Nu be vene ssaccarizzi?
A - Lu nume nu ssacciu, ma comu "Patrunu" li ttocca a Sant'Andrea ca era Discipulu de Gesucristu e g'è banutu mutu ma mutu prima de San Carlu.
B - Allora San Carlu lu scalamu a Santu de sacunna manu? Foe iddhu ca pe primu llevò li iussi a monici, previti e sore ca rrivara fenca cu lu sparene. N'imu scurdati quannu scumagnò la peste a Melanu e a l'avetre vanne? E quale otru Santu nc'e statu meju de iddhu? Santu Ronzu? Iddhu sulu a Lecce è statu bonu cu la tegna luntana, la peste!
C -  E cci facimu lu paru sparu de li Santi?, ci va criati!
B -  Menumale ca rrivò poi dhu sant'ommu de lu duttore sguizzuru YERSIN ca se mmentò lu seru antipeste! Ma però nu la fice mposta, cu llea lu pane de ucca a San Carlu e Santu Ronzu!
A - E puru osci la pursione de giaculatorie a la mmersa, l'ai ditte tutte e fazza Diu! 

 

 
 
 
Vai alla Home Page del blog

AREA PERSONALE

 

TAG

 

ARCHIVIO MESSAGGI

 
 << Marzo 2024 >> 
 
LuMaMeGiVeSaDo
 
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
 
 

CERCA IN QUESTO BLOG

  Trova
 

FACEBOOK

 
 

ULTIME VISITE AL BLOG

prefazione09ginosciroccoaida631m12ps12annamatrigianopoeta_semplicedony686cassetta2gryllo73ibanez92gMiele.Speziato0marabertowclock1991lucylla_sd
 

ULTIMI COMMENTI

CHI PUŅ SCRIVERE SUL BLOG

Tutti gli utenti registrati possono pubblicare messaggi in questo Blog e tutti possono pubblicare commenti.
 
RSS (Really simple syndication) Feed Atom
 
 
 
 

© Italiaonline S.p.A. 2024Direzione e coordinamento di Libero Acquisition S.á r.l.P. IVA 03970540963