PRESICCESI NEL MONDO

LE BEDDHE FIJE DE LI RISTIANI

Da "Strolacamenti de tre vecchiareddhi"

C - Puru stammane, ne trasimu ntra lu barra? Sciamu cu ne facimu do' passi,ca osci lu chiempu è bonu, è na beddha sciurnata!
A - De veru,crazie a Diu! Iddhu vide e pruvvide. Vardati cci beddhu sule n'ane rricalatu stammane e fazza Diu!
B - Pocca!Vistu ca ne l'ane rricalata ne lu vinnimu?
A - T'ai zatu fiaccu osci? Varda a ncelu e te faci passare tutti li fiacchi pinzieri ca teni a ncapu. Varda lu sule, sta nchiana a ncelu cu ne scarfa meju.
C -Allora a dhu vuliti cu sciamu? Pe mie, putimu scire a susu a la Madonna Ndulurata ca de dha susu se scopre tutta Prisicce.
B - Sciati adhu vuliti, jeu ve secutu.
C -Allora ne mmuvimu?
A -Nzignamu a caminare chianu chianu. Sta dicia de lu sule ca nchiana a ncelu. Mo vui, pijatime puru pe fessa, ma jeu, m'aggiu fattu vecchiu e ncora nu me fazzu persuasu ca simu nui ca ne mmuvimu e lu sule stane fermu.
B -Fermu fermu none, ca puru a iddhu li tocca cu gira, ca si no, scoppa.
A - Ca a cquai stane la grannezza Diu, cu tutte dhe paddhe ca girene comu tanti darloci, e Iddhu, tutti li giurni li dane la corda e fazza Diu!
C -Futtitivene, tantu gira lu sule, gira la luna, giramu nui, a cquai è tuttu nu giramentu.
A -Tie, poi,te ne futti de tuttu e de tutti e nu te vene mancu la ula cu sacci le cose c'ane criatu Domineddiu?
B -Tutte le paddhe ca stannu a ncelu girene, ruddhelene, se ngrossene, se mpiccinniscene, se rrussene,se ngaluniscene, se spacchene, se ccucchene e mute vennu sucate ntra li carotti niviri. A ncelu è tuttu nu ntravuju, nu giramentu de lu munnu.
C -Cu tuttu chiru ca se sente a ngiru, ne vene si lu giramentu!
A -Puru jeu nu tegnu lu giramentu ma lu meu è giramentu de capu e fazza Diu!
B -E lu duttore cci dice?
A - Nu lu sape mancu iddhu. Sarà ca tegnu la reuma a lu coddhu oppuru put'essere lu labirintu de la ricchia o …. avutru. M'ane dittu ca ttocca cu me fazzu la tacca.
C -La tacca de la scuppetta tua s'ane rutta? E cci te ne futti tantu a ncaccia nunci sciamu cchiui.
B - Issu sente picchi, è comu “a dhu vai? - tegnu cipuddhe”. Menumale ca moi nci suntu le medicine pe ogni malatia e tante machine, cu scoprene le macagne quannu ne votene de intra e de fore.
A - E c'imu fare ? Ttocca cu ne mintimu ntra li mani de Diu.
B - Sarà ce è meju ci ne mintimu ntra li mani de li duttori, chiri boni ca tennu cuscenzia, ca ci lu Diu tou ìa vulutu cu te juta, nc'era bisognu cu ba te faci la tacca?
A - Varda ca lu Diu meu è lu Diu de tutti, simu tutti fiji de Diu e a fiate ne dane le malatie cu ne minte a la prova, cu bide ci tanimu Fede.
C - Jeu de fedi ne tegnu doi ca tegnu puru chira de la bunattanima de mujerama.
B - Statte cittu! Trasi ntra lu discorsu sempre a schiovere. Sta dicia ca ci lu Vecchiu Testamentu è statu scrittu a cumannu de Diu, comu è ca dice lu Diu de Bramu, lu Diu de Nuè, lu Diu de ... ci lu Diu è unu sulu?
C - Sara ca mo tie vai truvannu lu pilu a ntra l'ou. Ssattamene cquai su li peschi de la serra e cudimene sta beddha sciurnata cu Prisicce a nnanzi a l'occhi, ca a Diu panzamu dopo, ci v'a criati!
A - Pocca tene raggione issu, tie voi cu trovi lu cchè su tuttu. Me crisciu ca se dice cusine, ma lu Diu è UNU sulu e nui simu tutti fiji soi.
B - E puru sta fiata te sbaji, beddhu meu, percé propiu a lu capiltulu 6 comma 1 e 2 de la Genesi nc'è scrittu: "Quannu su la terra li ristiani ddavantara muti e nascira le fije de li ristiani, li fiji de Diu vittara ca le fije de li ristiani erene beddhe e se ne pijara, pe mujere, quante ne vòsara. Mo, dimme tie, ci suntu li fiji de Diu e ci le fije de li ristiani?
A - Nu m'aggiu mai ncortu ca nc'è scrittu cusine, ma si sicuru de chiru ca dici?
B - Ci ivi lettu le Scritture senza lu paraocchi de lu capisciu, te n'eri ncortu puru tie.
A - Ma tie ci te cridi ca sinti, ca te minti a sciudacare nenzidemenu cca le Sacre Scritture? Ci nc'è scrittu cusine vole dire ca è cusì. Cunfessete e prea Diu cu te parduna e fazza Diu!
C - Sarà ca facimu bonu cu ne turnamu a casa, ca si no, ci v'a criati, a cci ura ne pija cu manciamu, osci!