PRESICCESI NEL MONDO

LA MESCIA E LU VESCU

(Da a cummertazione)

LA MESCIA E LU VESCU

Voju cu be cuntu, osci, lu cuntu veru de la mescia Ipazia e de lu vescu Cirillu. Issi vivivene a l'Egittu, ntra la città de Alessandria. La Ipazia era fija de n'astronumu ca ne sapia de matematica e cuntava puru de filosufia. Issa, stannu cu sirsa, nu ssulu mparò tuttu chiru ca sapia lu tata sou, ma ddavantò puru cchiu brava de iddhu. Era ddavantata cusì brava ca li cuvarnanti scivene a dha iddha cu se cusijene e nu facivene nenzi, senza prima cu la sentene. Quannu muriu sirsa, pijò lu postu sou, comu mescia a ncapu de la cchiu ranne scola de la città, e nu be dicu mo quanti discipuli tania ca vanivene de tutte le vanne cu mparene lu sapire de l'egizi e cchiui cchiui, chiru de li greci. Se cunta ca era na beddha carusa ma era cusì ttaccata a le cose de scola ca nu panzava cu se mmarita.

Stu fattu, ca sta be cuntu, è ccappatu tantu chiempu rretu, dicimu cchiui de centu anni de quannu l'imperatore Custantinu, se cunta, ca rricanusciu li Ristiani e cchiui de centu anni prima de quannu Maumettu chiantò li samenti de lu Islamismu.

Pe meju dire, suntu li chiempi de:

- quannu se scunzò l'Imperu Romanu e l'Africa e lu Salentu, spicciara sutta a lu cuvernu de Custantinopuli;

- quannu cu le bone o cu le fiacche ttuccava cu ddavanti Ristianu puru ca vulivi cu rrimani pacanu o ebreu;

- quannu facivene spriculare le statue de li dii egizi e pacani;

- quannu li tempji pacani e le le sinacoghe, ddavantavene chiesie Ristiane.

Cu cumanna su li tanamenti de Alessandria, nc'era tannu nu ccertu Oreste, prefettu nnuminatu da l'imperatore, ca nunn'era tantu ttaccatu a le cose de Diu e, comu ve dicia, se facia cusijare de na fimmana, propiu de la Ipazia. Stu fattu, lu vescu nu lu ddiciria, nu li scinnia propiu ntra li cannavozzi, ca percé vulia cu eggia iddhu cu cuverna o armenu cu eggia iddhu lu cunsijeri e nnu na fimmana, ca cu le mmacarie ncantava li masculi, imbece cu se ne stescia chiusa a ntra casa comu tutte l'avetre Ristiane. Lu vescu Cirillu, ca cchiui de na fiata s'era llamentatu cu l'Oreste ca era mutu tènnuru cu cci nu bulia cu ddaventa Ristianu e ca nu pijava cu ttuttu l'ardore la Fede Ristiana, rrivò a puntu cu lu denunzia a ll'imperatore.

Brutti chiempi! Lu vescu, nvidiosu, cu pozza mpattare, se mmentò nu saccu de buscie e nzignò cu sbergogna la saggia Ipazia, spargennu uce ca era maca e facia le mmacarie cu lu jutu de lu diavulu. Dha povara carusa, nu se ne ncaricava mutu de le nciurite e secutava la via sua, senza mmagginare ca caminava su li osapedi e ca, prima o poi, lu vescu ne la facia pacare cara la libbertà de lu sapire e de la religgione. Se fidava, pareddha, de lu rispettu de li capi pulitici, de li saggi, de tutti li struiti e de li tanti discipuli ca li giravene ntornu. Stia cusì scuscitata, beddha mia, ca cu la bica, scia e bania de casa a la scola, de sula. Ntantu lu vescu nu se mmennia e, vistu ca cu le nciurite e cu le minacce nu se buscava nenzi, anzi li ristiani li vulivene cchiu bene, rrivò a puntu ca la fice ccidire.

Nc'era, su nu cucuruzzu vicinu a la città, nu cumentu de menzimonici, ca, a lu bisognu, precavene li morti quannu nc'era la peste e moi stivene a li cumanni de lu vescu Cirillu cu sbrojene, cu la forza, le matasse cchiu mbrujuse. Fora propiu sti menzimonici ca na sira spettara la povara Ipazia sutta a casa e, quannu rrivò, la ficiara scinnire de la bica, la spujara nuda nuda e cu li cuperchi de na capasa rutta, li rascara li carni. Dopu ca perse tuttu lu sagnu, la ficiara a stozzi, la minara ntra na foggia e li dèsara focu.

Cu la morte de Ipazia spicciò l'urtima scola libbara de lu sapire nticu ca de Atene s'ia spustatu a Alessandria e nzignò la notte logna logna de lu scuru medievale. La Ipazia, astronoma, matematica, filosofa e cchiui de tuttu fimmana libbara, pareddha, morse pe cumannu de nu vescu, bizzocu cucciutu e senza more pe lu prossimu, ma ddavantò lu stessu Patriarca, Papa de li Ristiani d'Africa e nchianò fenca su l'artare comu SANTU CIRILLU!
(Per coloro che poco intendono il dialetto, posso fornire, su richiesta, la traduzione anche via E-mail: ginorizzo@alice.it)