PRESICCESI NEL MONDO

LI SPUNZALI

da "strolacamenti de tre vecchiareddhi"

LI SPUNZALI

B - Prima cu ne pijamu lu cafè, me diciti nu picca a dhu ve tocca ca ve visciu tuttidoi mmutati, cci siti de zita, osci?
A - Pocca! Osci tanimu tutti doi li spunsali, cumminazione vole, ca jeu sto mparantatu de la vanna de la zita e issu de la vanna de lu zitu.
C - Eh pocca! Nu fiju de sorma se sposa cu na fija de fravasa. Vo' ssacci avutru?
B - None, me basta. Ma se sposene a la Cumune o ntra Chesia?
A - Lu fessa ca sinti. Lu matrimoniu è nu Sacramentu e vane fattu ntra la Chesia e fazza Diu!
C - Puru tie faci ccerte ddumanne, ci t'a criatu. E ccertu ca se sposene a ntra Chesia, puru tie a dhu t'ai spusatu?
B - Tannu, puru ca nu bulivi a dhai te tuccava, ma moi se ponnu puru spusare sulu a la Cumune, tantu lu cuntrattu vale lu stessu. Lu sapiti ca moi suntu cchiui chiri ca se nzurene a nnanzi a lu sinnucu cca chiri a nnanzi a lu prevete? Me crisciu ca de stu passu, avutru cca Sacramentu!
A - Statte cittu, vane. Certu ca a nnanzi a lu sinnucu vale lu stessu ma manca lu meju: la Benedizione de Diu su li ziti e su li fiji ca poi nascene.
C - Percé nu beni puru tie?
B - None, nu su statu nvitatu e poi cci me presentu cu li mani mmanu? Sciati sciati, ca vui siti parenti de intra.
C - E vveni a li cumplimenti o ammenu a la chesia cusì vidi la zita.
A - Llassulu stare, mo trase a ntra chesia, na! Time cunussia li scarra a ncapu, se lu mmeritava cu li scarra ma me dispiace pe la chesia e fazza Diu!
B - Comu si bonu de core! Varda ca jeu nu mintu nenzi cu begnu deveru, tantu pe mie è comu quannu ca squariu a lu teatru.
C - Sta squarii de capu, ci t'a criatu! Mo tie cunfunni la chesia cu lu teatru!
A - Cci li dai spacu, a chiru scumunacatu dhai! Tantu se sape ca s'ane mpattatu cu lu diavulu e nu c'è nuddha sparanza cu torna a rretu e fazza Diu!
B - Menumale c' annanzi vai tie! Ma dhu vai ca si rrimastu a chiempi de li nnantisciuti, raggioni comu nu tataranne scarufaterra e puru a la scola si sciutu ma me crisciu c'ai mparatu picca, cu dha capu ca teni.
C - Ci t'a criatu, dice bonu issu, tie cridi ncora ca lu munnu l'ane criatu Diu, quannu tutti, oramai, sapimu ca è statu lu canciamentu de le strappine ca n'ane fatti ddavantare ristiani comu simu moi.
A - Puru jeu aggiu studiatu e me crisciu puru ca li scenziati, a fiate, tennu raggione, ma lu Libbru Sacru è scrittu de Diu e Iddhu nu canna mai.
B - E pocca tie dettavi e Iddhu scrivia e ognittantu ttuccava cu li llicchi lu labbisi cupiativu cu la lignua.
A - Castima, castima! Ci nu l'ane scrittu Iddhu de manu sua, pe certu è statu scrittu pe bula de lu Spiritu Santu, e g'è Diu c'ane criatu lu munnu e puru l'ommu ntra sei giurni e poi a lu settimu se ndrafascau.
B - Ci sape lu suduru! Ca ci era Nniputente nc'era bisognu cu se ndrafisca?
C - Llassulu stare lu pizzisantu, ca a fiate, spatterra, ci l'a criatu e cunta a ffessa. Ncora nu bole cu li trase a ncapu ca na cosa è lu cuntu de la Bibbia e n'avatra cosa è comu nasciu lu munnu.
A - Puru tie te minti? Sarà ca dice bonu lu pruverbiu ca ci vane cu lu zoppu mprima mprima mpara a zoppacare.
C – Senti nu picca, ma tie deveru cridi ncora a la mila ca l'Eva dese a l'Adamu e iddhu fessa fessa se la manciò, facennu paccatu?
A - Nc'è scrittu cusì, ma me crisciu ca sarà ca li ntichi s'annu mmentatu stu cuntu cu li pozza trasìre meju ntra la capu de li ristiani de tannu. Lu sacciu ca vui sta panzati ca lu paccatu fose chiru de l'unione carnale ma nunn'è cusì percè Diu criò lu masculu e la fimmana a mposta, cu inche la terra de ristiani e fazza Diu!
C - Tie la penzi cusine ma a mie nu me lu lleva ciuveddhi de capu ca lu paccatu era ca se friculara unu cu l'avatra, ci l'a criati!
B - Me menzu ca tene raggione issu, si no percé la Chesia dice ca la Madonna è stata “cuncipita senza paccatu”? Comu dire ca fare l'amore, cu lu maritu, è paccatu. E ci l'Adamu e l'Eva nu ficiara dhu paccatu riginale, cci bisognu tania Domineddiu cu mmanna lu Fiju sou su la terra e cu lu face murire a Ncroce, cu scancella a tutti li ristiani lu paccatu ca nunn'era paccatu?
A - Eccu vidi, basta cu li dai lu discitu e se pija tutta la manu e fazza Diu.
C - Mmanisciamene ca si no rrivamu tardu e nu ne custamu mancu quannu trase la zita 'ntra chesia.