PRESICCESI NEL MONDO

LA SERVA

Da Recite efarse di E. Cazzati

6 - LA SERVA

Se vole, puru la Signura

me po’ fare’na cridata,

tantu l’arte de la serva

è sempre maltrattata.

Castimu sempre lu giurnu,

lu puntu e lu mumentu,

quannu pe’serva su’ trasuta.

La spaddha me la sentu cadire a nterra,

ca muta, muta è la fatìa.

All’urtimu n’aggiu cojere

‘na brutta malatìa?

All’alba malapena

rispiscia picchi, picchi,

ci l’occhi sta te friculi,

ci stai cu te stennicchi,

quannu sta te desidera

cu stai cchiù bedda stisa,

prestu de fretta‘nfilete

lu bustu e la camisa.

E quannu vai alla chiazza

c’è tutti ‘sti scostumati;

ma nu me meraviju de li ziti,

quantu de li ‘zurati.

Unu te face ‘nu segnu,

poi se fannu la risata.

Maledetta la puvertà

e de quannu mai su’ nata!