PRESICCESI NEL MONDO

LU SCORNU

LU SCORNU

Sta rrivava lu tiempu ca, cu le bone o cu le fiacche, ttuccava cu partu a nforza pe surdatu maperò, cu nu fazzu lu marmittone, mmannai la dimanna a lu Distrettu cu me pìene a la Scola Militare cu ddaventu Ufficiale. Me pijara!

Dopu li primi 5 misi passati a la Scola de Asculi, me mmannara a chira de la Fanteria de Cesanu de Roma.

Jeu ìa ùtu partire lu giurnu de la Madonna de lu Carminu, ma siccomu ca facia giurni de focu, lu Marasciallu de li Carbinieri me cusijò cu me fazzu fare nu certificatu de malatia de tre giurni, pe corpu de sule, cusì putia passare puru la festa de la Madonna de lu Carminu cu li mei.

Lu ringraziai, maperò timia sempre cunussia a la Scola me punìvene pe lu ritardu, nvece sciu tutu lisciu!

Quannu rrivamme quasi sutta a Natale, passati le sami, lu Colunnellu ne chiamò e disse:

- “Allievi Ufficiali, tra pochi giorni avrete la nomina e sarete destinati ai vostri Reparti per il servizio di “prima nomina”. Dovrete presentarvi in “grande uniforme” e per questo l'Amministrazione Militare, ha assegnato a ciascuno di voi la stoffa sufficiente per una divisa “diagonale”, anzi, siccome non tutti i sarti delle vostre città, sannu confezionare divise militari, i tagli di stoffa per ciascuno di voi, sono stati consegnati alla sartoria militare appena fuori dalla caserma. Vi ricordo che solo la stoffa è gratuita mentre la cucitura e gli accesori sono completamente a vostro carico. Da subito potete andare a farvi prendere le misure così le divise saranno pronte prima della partenza di fine corso, al rientro dal campo invernale”.

Dopu ca me pijò le misure, ncurdai lu prezzu cu lu sartore ca me dava: la divisa cu le mustrine russe e do' stellette de fierru pe lu bàvuru e do' stellette rricamate cu lu filu d'oru, pe susu le spaddhe, lu cappeddhu a tajeddha cu lu stemma de la Fanteria, la camisa, la cravatta e nu paru de quasette, tuttuntunatu a tinta kaki e poi la sciarpa azzurra cu li pannigNuli, tuttu pe 30 milalire. Menumale ca la sciabbala nu ll'ìvene ncora rimisa, ca si no ìa ttuccatu cu spennu de cchiui.

Certu ca ciuvedhi de nui tania 30 milalire a mposcia e lu sartore ne disse ca putivene pacare cu 3 cambiali de 10 milalire l'una ca poi ne le mmannava cu le pacamu, una lu mese a la caserma a dhunca ognunu de nui era destinatu.

Rrivatu ccasa, me mbrazzai cu mama e fràtama lu piccinnu e poi ddimannai de lu tata. Mama, me fice segnu cu trasu ntra la càmmara de lettu.

-“mamma lu tata nu stane bonu, curcatu stane?” dimannai,

-“trasi” - me rispuse.

Truvai sirma ssattatu su la seggia de costi a lu lettu e strincia ntra li mani le 3 cambiali mei. Mancu me dese lu tiempu cu lu salutu ca me disse:

-“Iste toi, suntu?, l'ai firmate tie?” - me dimannò e, senza mancu cu se azza e cu me mbrazza e senza cu spetta cu rispunnu, cuntinuò:

-”nusterzu m'ane chiamatu la banca e lu raggiunieri, m'ane mmusciate ste carte. A dhu mumentu era statu meju cu sprufunnu suttaterra cca cu me ccappa nu SCORNU de sta fatta: lu nume “nosciu” su le cambiali”.

-“Tata te cercu pardunu, m'annu mbrujatu! Ma è lu prucressu!”- li rispusi ma nu bose cu sente scuse.

Sarà ca poi la mamma li spiecò comu èrene sciuti li fatti e lu giurnu de Natale ne mbrazzamme pe' l'aucuri ca era puru lu Santu sou.

A lu 5 de gennaju, de l'annu novu, rrivò la nomina a Ufficiale e, quannu la lesse, vitti sirma cu la facce schiaruta ma, pe picca tiempu, ca poi se scuriu ttorna, quannu vitte ca m'ìvene mmannatu a li paracadutisti.