« SINE O NONE (continua) | FACI BENE PATI PENE » |
Post n°116 pubblicato il 07 Dicembre 2018 da ginoscirocco
Nu boju cu be mparu comu se fannu le pucce ca me menzu ca le sapiti fare tutti. Sulu ca moi mintiti intra de tuttu ma na fiata se mpastavene sulu cu le ulie mature e, ci pe ci sa l'annatata era tardia, se putivene mintire le voscele e g'era sanza cu se fannu pe la viscilia de la Mmaculata. Mama, ccujennu vulie la nanzivisilia, scucchiava chire cchiù beddhe mature e se le mintia ntra lu posciu. A casa poi, la sira dopu manciatu, mintia a criscire lu llavatu. A lu crammane mprima mmiscava le mature ntra la pasta crisciuta e cu nu cisticeddhu de farina purtava tuttu a lu furnu e dopu picca turnava cu le pucce beddhe cavete cavete a ntra la sporta. Ma nu le putivene manciare percé ttuccava cu dasciunamu A menzidia, quannu llassavene de cujire le vulie cu manciamu, mama pijava la sporta cu le pucce e ne dava una padunu a le fimmene e puru a nui de casa. Ttuccava cu ne manciamu fenca a l'urtima muddhica ca poi nu putivene mintire a mucca nenzi cchiui ca lu dasciunu spiciava quannu mpunia lu sule. Jeu tannu dasciunava puru la viscilia de Natale, lu Vennardia Santu e lu giurnu de la Cinnareddha. Mama dasciunava tutta la Samana Santa e me cuntava ca mammasa dasciunava pe tutta la Caremma: de la Cinnareddha fenca a Pasca Ranne. |
https://blog.libero.it/PRESICCEBLOG/trackback.php?msg=14032882
I blog che hanno inviato un Trackback a questo messaggio:
AREA PERSONALE
TAG
CERCA IN QUESTO BLOG
MENU
ULTIMI COMMENTI
Inviato da: cassetta2
il 29/05/2023 alle 18:33
Inviato da: Mr.Loto
il 21/08/2020 alle 17:39
Inviato da: sciroccu
il 22/04/2020 alle 13:10
Inviato da: cassetta2
il 22/04/2020 alle 11:06
Inviato da: cassetta2
il 20/11/2019 alle 16:11