PRESICCESI NEL MONDO

LA PUCCIA E LU DASCIUNU

Nu boju cu be mparu comu se fannu le pucce ca me menzu ca le sapiti fare tutti. Sulu ca moi mintiti intra de tuttu ma na fiata se mpastavene sulu cu le ulie mature e, ci pe ci sa l'annatata era tardia, se putivene mintire le voscele e g'era sanza cu se fannu pe la viscilia de la Mmaculata. Mama, ccujennu vulie la nanzivisilia, scucchiava chire cchiù beddhe mature e se le mintia ntra lu posciu. A casa poi, la sira dopu manciatu, mintia a criscire lu llavatu. A lu crammane mprima mmiscava le mature ntra la pasta crisciuta e cu nu cisticeddhu de farina purtava tuttu a lu furnu e dopu picca turnava cu le pucce beddhe cavete cavete a ntra la sporta. Ma nu le putivene manciare percé ttuccava cu dasciunamu A menzidia, quannu llassavene de cujire le vulie cu manciamu, mama pijava la sporta cu le pucce e ne dava una padunu a le fimmene e puru a nui de casa. Ttuccava cu ne manciamu fenca a l'urtima muddhica ca poi nu putivene mintire a mucca nenzi cchiui ca lu dasciunu spiciava quannu mpunia lu sule. Jeu tannu dasciunava puru la viscilia de Natale, lu Vennardia Santu e lu giurnu de la Cinnareddha. Mama dasciunava tutta la Samana Santa e me cuntava ca mammasa dasciunava pe tutta la Caremma: de la Cinnareddha fenca a Pasca Ranne.
Lu dasciunu ci sape quannu è natu e nu se sape mancu ci è ca se l'ane mmentatu. Pe certu nc''è ca dasciunene tutti li ristiani de tutte le Cridenze sparpajate su sta terra, cancia sulu quannu s'ane fare e pe quantu chiempu ane durare. Mute de ste sanze a fiate ccucchiene a lu dasciunu puru le stinenze de la carne, de lu pesce, de lu mieru, de le cose duci e de la carne carne. Me ricordu ca lu vennardia nu se putia manciare la carne ca si no se ncammarava e jeu me menzava ca eru nfurtunato e ca Gesucristu me vulia bene, ca percé jeu nu putia ncammarare mai!
Me crisciu ca sta sanza era bona pe li chiempi de de li primi ristiani quannu se ncasciavene boni boni de carne cu le vestie ca ccidivene e a fiate, puru cu nu la minene, se nchivene la ventre de carne fenca nu scattavene.
Lu "sacciu tuttu jeu" de tannu, ca cuntava de notte cu Chiri de susu a Ncelu, cumannò a tutti li ristiani cu nu mancene carne ammenu pe nu giurnu a samana ca sino, sempre Chiri de dha susu, li facivene stare mutu fiacchi e li putivene puru fare murire. Stu cumannamentu poi se lu passara de ucca a ucca de fili a filore e ncora moi tutte le Cridenzie cumannene lu dasciunu a fiate puru pe nu mese sanu sanu. Menumale ca poi, pe li ristiani Ristiani, lu Papa de tannu (1966) llevò lu cumannamentu de lu vennardia e llassò sulu lu dasciunu de lu merculidia de la Cinnareddha e de lu Vennardia Santu. A mie me pare ca fice bonu, ca moi su picca li ristiani ca se strafuchene comu na fiata, puru ca ponnu manciare quantu e chiru ca volene. Nci suntu puru chiri ca dasciunene pe beddhizzi e chiri ca nu mancene carne e pesce e chiri ca mancene sulu pane e foje. Poi minti puru ca, a la facce de ci stane bonu, nci suntu tanti e tanti ristiani e mutu muti vagnoni ca dasciunene tutti li giurni e, beddhi mei, nu ncammerene mai, ma nu pe Cridenza a istu o a d'avutru Diu, ma sulu ca nu tennu nenti cu se  minene a mucca!