TEN CONTO UNA

Post N° 27

CURIOSA LUNA

Entant che s’endormenza la zità,

dala Maranza spunta la luna,

Na luna ciara, tonda, splendida è lusènte

Che sbianca i coerti, endriza su i camini,

che ciacola tra lori, i grandi, i picenini,

contando de la so vitaza. Le gran pipade,

le slinze, la caraza….

Do moroseti, scondudi drè a ‘n porton,

se basa da ‘l bel pèz senza parole…..

Dre  ‘na finestra mèza ‘n luminada,

‘na veciotèla nèta, sprofondada

‘n te na poltrona cepa e rosegada,

coi òci ormai seradi,

tenta de sgranar en gròs rosari…

E ti biondin, en quela to cunàata,

che te dormi ridendo en ‘na nuvola de anzoi,

no sentet la luna birichina che cuca sul bianco linzolet?

El par che la te vòga desmisciar,

el par che la te ciama per zugar su per el vel,

la redesela ‘n profumada dale man de na mama ennamorada.

Ma po’ la luna la slipega ‘n silenzio sul tapè,

su ‘n te n’armar, sul mur, la tenda ciara,

ancora ‘n cicinin,…. Eco l’èi nada.

Fora l’è tut na serenada.

La tor del Dom, la bate l’una.

L’èi quasi sul Bondon…

Curiosa luna!