Su Situ de Nanni

Su contu de Santa Sabina

Santa Sabina fuit una signora romana, muzere de su senatore Balentinu. Si fuit fatta cristiana grassias a sa teracca Terapia. Con issa andaiant a s’accua a sas catacumbas a chilcare sos cristianose a pregare cun issos. Ma cando Terapia fuit bistada iscoberta e bocchina a colpos de fuste, Sabina essit a craru e benit martirizzada issa puru. Fuit s’anno 120.

Sas reliquias de sas duas martires si agatant in Roma in sa cresia de Santa Sabina in s’Aventinu, in su cunventu fundadu dae Santu Dominigu.

In iscanu est sa protettora de sa cunfradia de su rosariu. Diffatisi sa santa fuit venerada dae Santu Domnigu e in Iscanu, a costazos de su  a facca a su campanile de sa cresia manna, esistiat una cresiedda intutulada a issa  finzas a sa mettade de su 1800 cando, pro illargare sa carrela de cresia, est bistada demulida.

mancu male chi haiant pensadu se salvare s'istatua de sa Santa (de su ‘600, una de sas prus antigas de Iscanu) chi oe est in sa sagristia de su lettoriu de su rosariu, venerada umpare cun  santu Dominigu, santa Caterina e Nostra Signora de su Rosariu.

Ultimamamente però est bistada “maldestramente” restaurada.

In Sardigna medas logos tenent su nomen sou.