Libreria LdPV

da una presentazione di se stesso:

C'è un momento, nell'esistenza di ogni essere umano, in cui,

 o per l'invivibilità del presente o per l'angoscia del futuro,

 l'individuo è spinto alla ricerca del tempo perduto,

tanto più caro, quando definitivamente perduto.

Il mio paradiso fa parte della campagna,

assolata e brumosa nelle cose e negli uomini,

di Villadose, quand'era intatta dalla civiltà industriale.

Di quel mondo le mie povere cose vogliono essere sincero recupero:

 di sensazioni, suggestioni, affezioni, ma anche di fati e sofferenze.

E della lingua, dei suoi suoni,

 del suo ritmo e della sua poesia: irripetibili,

come l'infanzia.

  ---------------

I DHUOGHI

 Co gnente a se dhugava:

a muciti,

co bałine de tera crèa

a banditi,

co feri de onbrèa,

e po a sasiti

a fazhołeto

a marcheto

a scondajòa

a slisaròa

a sca1òn

e de scondòn,

parchè jera pecato,

a duturi:

Ma a jera un pecato no farlo!

----------

 Le strade de Rovigo

Tute le strade le porta a Roma. A sirà anca par questo ca xe senpre più difizile andare a Rovigo, apena rivoluzionà in te le strade del Centro stòrico. Uno ca vien da Adria el cata la novità de podere andare drito fin a Piaza Garibaldi. Ma dopo a bisogna che'l se decida: se'l ciapa a man zanca par andare, femo l'ipòtasi, al Catasto, no'l ghe riva miga! Dopo èssare passà par Piaza Merlin el ga da girare ancora a sinistra par rivare a la Caserma Silvestri, da indove, senpre girando a sinistra el se cata ancora in Piaza Garibaldi. Altro giro, altra corsa!

Ma se, prima de la Caserma el ciapa la via Beata Chiara, la fa tuta, ma quando che la se buta in viale Oroboni el cata on divieto de acesso, e alora a ghe toca rinculare fin a ciapare via Verona e da lì portarse ancora in viale Oro boni e rivà al semàforo de Stopa, el pole, andando a destra, tornare a Adria, andando drito rivare a la stazion de i treni, e andando a sinistra ripassare par Piaza Gari baldi. Ma stavolta, fàtose più furbo, rivà in Piaza Garibaldi, inveze de ciapare la sinistra, el brinca la destra e dopo raquante giraolte el se porta in stazion ignonde che, messa zo la màchina in divieto, el pole ciapare el treno par Roma.

E se uno, rivando de doménega da Ferara, el ciapa el Corso del Popolo par visitare le Do Tore, miga el ghe riva! Pena che'l càpita in faza a l'intendenza de Finanza, a bisogna che'l gira a destra par portarse anca lu in Viale Oroboni e da lì, girando a destra tornare a Ferara, andando drito rivare in stazion e andando a sinistra rivare in Piaza Garibaldi insienie co quelo de Adria.

E se uno, senpre de doménega, el vien da Lendinara par andare, femo l'ipòtasi, al Catasto, no'l ghe riva mina! Fato on tòco del Corso del Popolo fin a le Do Tore, a bisogna che'l vaga a sinistra e po ancora a sinistra in modo da tor nare a Lendinara, opure fermarse a la stazion, che la gh'è còmoda.

Come ca vede, on casòto! On rimedio el ghe sarìa, fin che no i canbia sta situazion: quelo de Lendinara, prima de andare in Piaza Garibaldi, el dovarìa passare par Adria; quelo de Adria, tòre olta par Ferara par rivare al Catasto; e quelo de Ferara fare el giro de Lendinara par vi sitare le DoTore.

Opure, catarse in stazion tuti tri, e ciapare tuti insieme el treno par Roma.

--------------

NOSTRA  MARE

No solo i paìsi o le frazion o le contrà, ma anche i s-ciapi de case spargujà in mezo canpagna, e anca le tere, pìcole o grandi, le ghéa el so nome. Qualcheduna la ricordava le aluvion più incagnìe, come i Sabiuni, par la tera sabioniza lassà da l'Adese o dal Po o dal Canalbianco o da l'Adeseto; qualche altra la se cia- mava cussì dal nome del vècio paron che la ghea cronpà ancora brònbe de aqua e po bonificà a cariòle, biastéme e coronèle, come la Morosina, la Pisana o la Liona; qual che altra la ricordava el Santo che la ghéa proteta da le aque in piena o da na qualche desgrazia, come San Piero o San Sisto o san Roco; altre ancora le te cuntava de fati scuri, come el Gorgo; e altre le parlava de bestie e de piante, come la Pigozeta o el Bosco, o le te diséa la con formazion de la tera, come la Busa o i Dossi; e altre anco ra le te segnava on punto preciso, come el Capitelo, i tre Punti o la Ciàvega; e cussì via...

Ma par la più parte a ghe jera canpagne co nomi che gnanca i vèci no i sa dirte el parchè. Tanto che andando longo le caredà, co i cuòspi inmaltà o co i stivaj inbronbà de sguazo, a te podivi passare da la Pantieraza a la Petorina, da la Rovigata a le Potane, da Ronco a la Segaìza, da la. Marcona a Previère: na tera drìo l'altra, spartìe tra de lore da fossi, cavedagne e filari de salgari o stro pari...

Canpagne vendù e cronpà tante olte e che le passava da on paron a nantro, ma senpre co'l so nome e la so qualità, ignonde che i salariati, i obligati e so fioj, e i fioj de so fiòj, da sècula seculòru i ghea lassà sangue e suduri, lievando al zielo canti e maledizion, condanà a canpare laorare e crepare in mezo a trimi de biétoe, longo strene de vegne, tra i filari de formenton, drento i màsari del cànio, dessora i granari, in te i sèlisi de le corte, soto le barchesse, delòngo fossi e sculi, e solo d'inverno, a ponsarse davanti al paròo caldo e negro de la poènta o in te on lèto umido, gunfio de mùneghe e pien de piòci.

Nostra mare tera: na dona canpagnola, generosa e viva e forte che de matina bonòra la respirava co i àlburi e la su biolava al vento co i osèj inaméra, o se bevarava de piova o se scaldava al cocente sole - e s-ciapi de miedaùri, capèo in testa e segheto, i ghe petenava el formento e i rivàj - fin ca calava la sira, par dopo indormezarse in ciari de luna, cavalcando insogni de nùgoe bianche o ingosse, se on zièlo grèvo e pesante la tenpestava.

De tuti sti nomi, ai fiòj de onquò - pòari òrfani de storia e de tradizion, senza più le raìse de la so tera - gnente ghe Inporta no li cognosse, ne a ghe intaressa saverlo

I core in machina par strade de asfalto in zerca de pizeria o discoteca, senza gnanca vardare, a drita e a zanca, tere oramai senza nome deserti imobili, canpagne despoja e destira come nizoj mortuari, sichi de fossi, spalanca al vento, senza colore, senza calore, senza vita: creature in agonia, ignonde che ogni tanto, par le vene oramai seche, i moderni mustri de la tecnologia: muturi alti e grandi, i ghe fonda el versuro, slargando laghe senza forza, ch'i tien su a concime chimico, come bònbole de ossigeno a on moribondo.

Canpagne senza vita e senza nome, zimiteri inbalsamà de la civiltà contadina. E co lore, a sparisse anca i so numi, squasi on'epìgrafe, che solo i vèci i se ricorda, come sto rie da fogolaro.

Ma par i nostri fiòj, solo roba vècia: "A ghe jera na volta, na gran tera generosa e viva e forte...

 -----------

 EL PRIMO DI' DE SQUOLA

Che gusto ghìvili, i pì grandi, a métarne spaurazi? [..] Co' se dovéa scumiziare le comunali, i ne cojonava: "Te vedarà, el mèstro, che ves-cià so le man!". A jera anca par qoelo, che'l primo dì de squòla a nantri pìcoj a ne vegnéa el cagòto: i ne metea le cariòche, e a ne cascava i lagremòzi so le massèe; i ne inbraghetava-su Co on traverson negro e a tiràvino on pìpio che'l no finìa pì; i ne ligava a'l colo, soto el coléto bianco, on nastro blu, e zo candéle da'l naso; i ne fracava el piroìn in testa, e a scomiziàvino a pistare i piè par tera; i ne metéa in man la busta de carton, e cadéa che i ne sbotonasse el tra verson parché a ne scapava on bisògno: na Via Crucis! E par la strada el jera tuto on sgoaratare de busta, on sa cramentare de done e on strapegare fioj inmulà.Rivà drento el cortile, pieno de ragazame de tute le misure, a go domandà a me mama se anca el bidèo el podea s'ciafedarne, come i mèstri; ma co' la me ga dito de no, el me xe vegnù sùbito in sinpatìa. Sonà la canpanela, a se ga senflo on zigamento par tuto el cortile, cofà se le nostre mame le ne ghesse sbandonà in man a sassini da strada. E inveze a ne se ga presentà davanti, i làvari e le massèe inpomatà de na mèstra, co la boca in rìdare e i canolòti. La ne ga ciamà par nome e po la ne ga portà in te na camarona e, [.], la ne ga spartìo a du a du tra i banchi: i più pìcoj denanzi, i più poariti e i più grandi de drìo. [..]E gnissun parlava: alora ela la ga ciapà la so bacheta de canavéra e la ne ga scumizià a insegnare; e mostràndone le figure piturà so'l muro, la ne cuntava ca ghe xe la A de la naranza, la U de la ùa, la O come oca, la E de la erba e la I del piriòto, come inbuto. Ma che fadiga capire la M del bosegato! Po la ne ga ordenà de tirare fuora da la busta l'astucio, el quaderno a righe ciare e el penin da tociare in te'l calamajo de inchiostro, fissà in te on buso del banco: e la ghin dava co l'insegnarne a tirare le aste, stando drento a le righe, e peciando so la càtedra o so'l banco quando ca se 'ndava fuora, cofà s'a fusse colpa nostra èssare ignoranti. E come ca digo gnissun parlava! [..] Ora de mezodì, a ghìvino tuti le massèe incandìe! E po a se ghe metéa anca nostra mare: "Se'l fiolo fa combàtare, la ghe daga!". E la mèstra, poareta, a cadéa che la ghin'esse senpre vuòja, e zo slèpe! No se ghea corajo de parlarghe a la mèstra, gnanca se ne premeva, e a pì de qualcun, pur se'l tegneva struco, no ghe  scapava na qualche gozeta, soto el traverson? Ma a Capuzo, a cunti fati, la ghe jera 'ndà pezo de tuti!

------------

 UN ALTRO PUNTO DI VISTA (Sergio Bedetti:La sacheta de scuola )

Quando che mi a so' 'ndà in prima elementare da la mestra Donà, mi mama la m'à cusì na sacheta de tela nera giusta de la misura del libro de scuola, che alora el se ciamava, come inte la fòla de Pinocchio, l'abecedario. Oltre a quelo, inte sta sache ta a gh'jera un quaderno a righe, uno a quadri, l'astucio de legno co dentro el cano to, i penini e la goma; con pletava e! mi bisogno nasca toleta da siè colori Giotto, un

sugapene de pèssa e do car te suganti rosa intrigà dentro int'i quaderni. Poco peso ma l'es sensiale p'r imparare a lèsere, scrìvere e far de cunto. Robe ch'o realizà, dato che ancora adesso chelcossa leso, scrivo anca e me rangiocoi mecunti, chefa senpre unflà defadiga a quadrare, ma questo no l'è colpa de la mestra!

Adesso che a scuola, int'i diversi òrdini e gradi, a ghe va i mi nevodi, a resto inmagà a véderli partire la matina. Tuti, sensa distinsion, i è carghi come i mussi: zaini grandi, grossi, sgiunfi, chesolo i alpini de na volta portava su le spalequandoch'ifaseva e! canpo ole marce su i sentieri de montagna. L'èvero che stizai ni i è sicuramente più bei de la mi sacheta de pèssa, de quele de carton maronsin, de quele de fìbra ch'a ghìvino nantri. E p0', voto métere? Al posto de chele quatro monade nostre, adesso sti zaini i ètuti pieni de colori, co patachete, disegnini e cusidure tanto da parere robe da esposission e no da doprare ogni dì... Sensa cuntare che i bacia, missi sù da la television i vole quelo firmà cussì oco lefigure dequesto ost'altro personagiod'i carto ni animati, che le mame le deventa mate par contentare i so boceta. Ma tant'è... Al giorno d'anquò le robe le va cussì.

EI belo l'è quando che ste spece de bauli mobili i vien verti. Dentro gh'ètuta na cartolibreria intiera e anca chelcossa de più. Inte la mi sacheta gh'jera el libro, quelo, lu solo e basta. Adesso? Ghè el libro, le schede, qualche altra pìcola publicassion par colorare, tajare, incolare. Ghe vole assolutamente colori, penarèi grandi da 24, cere senpre da 24, cola,fòrbese,biancheto al posto de la vecia goma traditrice,che, s'a tefracavi ote bagna vi un cincinin la goma par cavar mèjo la macia, el buso el jera sicuro. E parscrìvare? Matite nùmaro uno, do,tre; pene biro nere, rosse, blu. E spesso no maca la calcolatrice, parchè a fare i cunti l'è massa fadiga. Par conpletare el peso manca solo la merendi na. Un pomo, na patata mericana, un panin de mortadela - quìi ch'a podeva, spece in canpagna, i gheva salame e persuto - co 'ndavo scuola mi, el ne bastava, e grassia avérghene! Adesso merendine, sughi de fruti, crechers, pumi, naranse, piri, banane o altra fruta de stajon e no, che a la fine de la ricreassion te cati, apena morsegà, int'ei sestin de le scoasse. E pari più grandi ghè le machinete che le sforna ogni bendidio, al punto che el feno meno de l'obesità l'è deventà da un tòco un vero problema, da nantri, quando che in Africa e in altri loghi ghè zente che crepa de fame!

Tornando a la nostra sacheta me fa un serto senso quando vedo i noni - sto cònpito de solito el ghetoca proprio a luri - ch'i va a tore i nevodi a l'ussita de scuola ch'i se destriga a cavarghe stotascapan da le spale d'i bacia par cargàrselo luri. Proprio luri, quìi da la sacheta de carton coi du quaderni e el libro de letura!

EL CORGO (di G.Sparapan)

Essare al mondo, sa ghe pensémo, a xe come vìvare drento on còrgo de polastri, serà da ogni parte. pràpio come ca fa i polastri, a ghe girémo in tondo, sbecotàndose de continuo. Ma sa ghémo la possibilità de viajare da na parte a l'altra de sto corgo, presto a se rendemo conto de la picoleza de '1 mondo, ignonde chi ne ga comandà de vìvare.

E cussì a podarìssimo capire de catarse come in te na preson, cofà le bestie in tel circo.

E come ste bestie, a credemo de essa re lìbari, forti e sani. In verità a xe come sa fussimo drento l'anbulatorio del dotore dove ca spetemo el nostro turno che'l sarìa el momento chi ne ciama fora da sta vita, quando che la infermiera, che tuti i la cognosse par la siora Morte, la ne dise de comodarse dal dotore. E in te sta anticàmara, ogni uno el pensa al so male: ai denti, al polmon, al figà, a le récie. A gnissun ghe va ben gnente, parchè tuti i a ghémo senpre qualcossa che no funziona, ma tanti i zèrca de no pensarghe a le so magagne, dàndoghe on dessora e butando i òci de qua e de là, e i va via a testa bassa, come ca fa tute le bestie che le varda senpre in tera, anca i osèj, si ben chi xola par aria.

E nantri, pezo de luri: a vardémo come chi se vestisse i altri, quelo chi magna, la so màchina grossa, el nostro piato de pastassuta: senpre a òci bassi, ma no parchè a se ga da meditare so le robe, in quanto che a xe passà el tenpo de le meditazion.

Anzi a semo cussì bituà a no stare più da nantri soli ca ghemo paura de'l silenzio e de la solitudine, chi xe el pan e el conpanàdego de la meditazion.

Mai - a digo mai! - ca alzèmo sti nostri òci a'l zièo, no digo par védare sa piove o sa taca a nievegare; mai, intendo, ca lo vardémo par zercare, al de là de la sta nostra gàbia, on spalancamento de robe che no ga fine mai, on mare de colore e de luse dove ca no cala mai el sole. Xe là de sora ca ghémo da ndare col pensiero, ogni tanto, par darghe on tajo a tute le ingosse ca ghémo da soportare, e ciapare fià da sto peso ca dovèmo portare, senza aparente motivo.

------

EL TEMPO

Oh sbarbajare

łuntàn

verso Leonelo

e tronà

Ca sbregava el zhieło

e nugotòn

descadenà.

E po na sbatocià

de canpanòn

dù sgozhoti

e on piovałon

a s'cianzhà.

Ma dopo

da Cà Tron al Conduto

on arcobałeno

eł ga peneà el zhieło

sgurà

e le paciare

increspà

 deventà

 la pasiòn

de ocati e anarati

 inzhałtrà.

 -----------------

EL BOMBAXIN

Da Carnoałe

a pasava

ci Bonbaxin

Coacià

co on nizhòo

el ghea

ganase de ròare,

sprochi de legno

pa denti,

na stropa torno a la vita,

on cusìn sol sgorbon

e po fiochi e campanèj

 a pingułun da le rece

pa bełezha:

e eco ci Moro Pesina

deventà

el Bonbaxin de la Ruigata.

Cofà che noi fuse bruto bastanzha

pa conto soo..

E  drio de lu

co na supià

de trombon

 Berto Pegnatin

el sunava

pinzhe onte

e on codeghin.

E ogni ano

pa on piato de małafanti

 i ne inspritava

tuti kuanti.

 (LINK PER L'ACQUISTO http://www.bookshopro.it/documenti/shared/sparapan.htm)