Alpina - Alma

ndryshe nga shumë

që shtëpi kishin me kate,

e jona më e ngrohtë qe.

E ngrohnim me puthje

me fjalë cicërima, me këngë

dhe me qarje, me kokëdhimbje,

me valle e buzëqeshje pa fre.

Zot, më thuaj që jam gati,

të shoh fluturimin e parë,

pa e shoqëruar pranë,

të zogthit tim pushëverdhë,

nesër në ag...!

Zot, më thuaj,

më thuaj apo jep një shenjë,

se do t'i qëndrosh pranë

mos t'i lodhen krahët,

mos bjerë e vritet,

e t'ja mjekosh plagët,

ndryshe, u treta,

e do bëhem erë,

ta ndjek fluturimthi

zogthin tim të vetëm..

©Alma Begaj dhe Adelaida Dajko (1995 deri sot)