Alpina - Alma

RIGON, POR FTOHTË

RIGON, POR FTOHTË

Bie ky shi i ftohtë dimërosh,
mbi trup rrëshket të më ftohë,
por plagët nxjerrin zjarr e flakë,
dhe fryma avujt i derdh me inat.

Askush tjetër nuk e di,
është faji im, që e dua kët' shi,
edhe pse ulërasin fort plagët,
edhe pse uji s'i shuan flakët,
qajmë të dy, bashkë me qiellin,
lajmë sytë, ndërsa derdhim mllefin.

***

Kur vuajtjet të egërsohen dhe ca,
kur netët të zgjaten në përjetësi,
çdo ag do ketë frikë të çelë,
çdo frymë do jetë një tjetër mallkim.

©Alma Begaj 18-Dec-14