PRESICCESI NEL MONDO

MEJO LU FIJU DE LU SIRE

L'avvucatu don Ciccillu Cazzatu tania lu studiu, a dhi chiempi, su via Donnica a Prisicce e bincìa cu face sulu quarche cavisiceddha. Nu giurnu se pprasantò a lu studiu nu trainieri, nu ccertu Nciccu Mmersa pe' na contravinzione ca lu Ntunucciu Cuardia l'ìa fatta percé tania lu trainu su lu "solu" de la Cumune. Lu Nciccu spiecò a l'avvucatu ca lu largu a nnanzi a casa era sou, ca puru sirsa e nonnasa, trainieri puru iddhi,  llassavene lu trainu a dha nnanzi e ciuveddhi mai n'ìa dittu nenzi. L'avvucatu lu cusijò cu paca la contravinzione ca pe' lu restu nci panzava iddhu. Sulu pe' na samana ttuccava cu nu minte lu trainu a nnanzi a casa giustu lu chiempu cu face lu ricorsu a lu Podestà.
Era de picca nchianatu a la Cumune, comu Podestà, don Giovanni Villarditu de lu Partitu de "sutta" e, comu era sansa e comu è puru moi, nzignò cu se lleva quarche patruddhu de ntra la scarpa, puru cu face ssapire a chiri de lu partitu de "susu" ca era canciatu cuvernu.
Lu Nciccu Mmersa s'ìa scurdatu ca, mamcu nu mese prima , s'ìa llitacatu cu lu Pepppi Punnuleddha percé n'ìa stumpisciatu lu ranu passannu cu lu ciucciu de ntra  la cisura sua. E' puru veru ca lu Peppi tania lu jussu cu passa parite parite su la carrara, ma li scrasciali strazzàvene li sacchi de vulie su lu bastu de lu ciucciu e cusine lu Peppi se llargava stumpisciannu lu ranu de lu Nciccu.
- Ci le scrasce te ràschene quannu passi, rùncatele, li cridava lu Nciccu.
- None, ci t'a criatu, - li rispunnia lu Peppi - tie sinti ca l'ai rruncare, ca ttocca cu me llassi libburu lu passu pe' mie e pe' lu ciucciu.
Picca mancò cu se zzicchene ma lu Peppi a casa la sira cuntò lu fattu a la beddha mujere ca tanìa e ista, ca facia la ... serva a lu palazzu de don Giuvanni Villarditu, se llamentò cu lu patrunu. Siccomu tira cchiui lu pilu cca lu nzartu, lu Podestà, cu tegna cuttenta la serva,  mmannò lu Ntunucciu Cuardia   cu minte la contravinzione a lu Nciccu Mmersa pe' "occupazione del suolo pubblico". Quannu rrivò lu ricorsu de l'avvucatu, lu Podestà disse a lu Cuardia cu llassa stare lu Nciccu ca putia tanire lu trainu a nnanzi a casa sua.
Rrimàsara tutti cuttenti ca: lu Podestà s'ia ngraziata la serva, la serva s'ìa llardisciata cu lu maritu, istu s'ia prisciatu ca lu Peppi ìa ttuccatu cu paca la contravinzione, l'avvucatu ìa pruvati li primi sordi e lu Nciccu ca putia llassare lu trainu a nnanzi a casa, MA vose, de parte de l'avvucatu, nu stozzu de carta pe' li vivi e pe' li morti.  
Lu chiempu passava, lu Nciccu ogni tre quattru misi trasia a lu studiu, llassava nu picca de sordi e l'avvucatu prumintia ca ntra picca li dava la carta. Passàrene l'anni e nu giurnu trasennu a lu studiu, lu Nciccu truvò lu fiju de l'avvocatu, avvucatu puru issu, ca li disse ca sirsa era partutu pe' quarche giurnu ma ca putìa iddhu stessu vardare lu ncartamentu. Vidennu comu stàvene le cose e truvannu le carte giuste, mprima mprima ne le dese mintennu la palora: fine.
Quannu turnò l'avvucatu, lu fiju prisciatu se fice beddhu cu sirsa ca pe' tanti anni nunn'era statu bonu cu sbroja la matassa de lu trainieri e iddhu nvece ntra picca ìa ccuttantatu lu Nciccu Mmersa.
- POVURU FESSA! - li cridò sirsa - ci jeu nunn'ia purtatu pe' le logne le cavese comu chira de lu Nciccu, comu t'ìa pututu mmantanire a le scole cu ddaventi avvucatu, PIEZZU de FESSA a tie e ciunca nu te lu dice!!!!!!