PRESICCESI NEL MONDO

LA SCIUTA A SANTA CISARIA

E ci se la menzava ca dh'annu ìvene uti scire cu bidimu Santa Cisaria!Cusì, na mmane de state de lu '43 ne zamme ca nunn'era mancu llucisciutu e partimme cu lu scialabbà.Ci era statu pe' li mei, nu ll'era passatu mancu pe' la capu lu pinzieri cu ne scaffamu fenca a Santa Cisaria, ma ttuccò cu partimu lu stessu cu ccumpagnamu la zia, soru de mama, ca s'ia stuccatu nu razzu. La stoccatura nunn'era frisca ca l'ia ccappata lu jernu passatu turnannu de fore a le ulie, rrivata a lu lacquaru de Manciaparàscene, na rota pijò mmacculizzu e la carrozza se mmersò cu tutti li sacchi chini de vulie e cu le fìmmene ssattate susu. Pe' furtuna de tutti sulu la zia se stuccò nu razzu e l'avitri spicciara stisi ntra lu lacquaru cu le rrobbe nfusse e la moja ca li culava de capu a li pedi. Mò nu panzati a la carrozza a quatru rote de li signuri percè chira de ziuma era comu nu trainu ma cu na stagna sula ttaccata su lu sciocu de lu paricchiu de li voi. Lu ziu tania sulu do' voi cu carriscia ristiani e rrobba e nu putia scire fenca a Santa Cisaria cu la carrozza, e quannu rrivava! Cusì ttuccò cu se suggetta a sirma cu la ccumpagna cu se conza lu razzu, comu n'ia dittu lu medicu, cu l'acqua nzurfata de la Santa. Cusì dha duminaca a la mmane prima, partimme: sirma, mama, la zia cu cucinama la piccinna e mie.
De lu jaggiu nu me ricordu nenzi ma rrivati a Santa Cisaria scinnimme sutta a la rutta a lu scuru ca nu se vidia nenzi e ttuccava cu sto ncortu cu nu scurlisciu. Nu be dicu la puzza de nzurfu ca nc'era a dha sutta! Nu bidia l'ura cu ne ssimu a dha fore a l'aria de Diu. Poi jeu e cucìnama pijamme n'avatra scala, puru quista zzuccata ntra lu munte, e scinn'mme fenca a mare ca era comu na vasca ranne cu tanti pesciceddhi ca natavane e facìvene vanire la ula cu li zzicchi cu li mani.
Nu me ricordu àvutru ma rimàsime a Santa Cisaria tuttu lu giurnu percè la zia s'ìa nfittata na casa e ss'ia nnutte le cose de manciare pe' na samana e cusì a menzidia cunzò tavala pe' tutti.
La sira, quannu lu sule nzignò a mpunire, ne turnamme chianu chianu a casa, llassannu a dhai la zia e cucinama.  Sarà ca m'ia straccatu bonu bonu cu sto tuttu lu giurnu a dha fore a lu sule, minti puru ca la mmane m'ia zatu mprima, e cusì, cu lu tremulizzu de lu scialabbà me pijò lu sonnu a nchinu e me ddiscitai quannu ntisi cridare: ALTO LA CHI VA LA. Nui èrene rrivati a lu pizzu tisu de la nchianata de la serra de Specchia a dhunca nc'era lu campu de li teteschi cu li macazzuni chini de scuppette, cannuni, bomme e pruvele de sparu (a dhunca moi nci suntu le antenne TV). Cu l'occhi scantaraddhati vitti a lu scuru do surdati cu le scuppette ndrizzate versu de nui e ne dimannara ci erene e a dhu scivene a quiddh'ura. Sirma se fice ccapire e ne lassara cu ne sciamu a ngrazie de Diu. Unu de li doi surdati spustò la macìnnala de fierru spinatu ca stia a mmenzu a la via e ne fice segnu cu la manu cu passamu. Spicciata la scisa, prima cu rrivamu a la vasca, stuccamme a manu daritta e pijamme la via vecchia ca vane a Dacquarica e Prisicce cu ne sciamu a le Rutte a dhunca stivene già a fore a le fiche. Li surdati ntantu, cu lu telefunu, dèsara vuce a l'avutru postu de bloccu ca stia dopu la vasca prima cu nzigna la scisa versu Prisicce, dicennuli ca nu carru cu gente già canusciuta la putìvene fare passare. Chiri rispùsara ca nunn'era rrivatu ciuyveddhi ma ca ìvene ntisu rumore de rote ca ca s'ìa persu ntra lu feu a manu mmersa. Stu fattu li puzzò a lu nasu e cu le scuppette puntate nzignara a fucire a rretu a lu rusciu de le rote su li peschi. Mancu èrene nui trasuti a lu quadaru de la Rutta ca do surdati rrivara rrispisciannu cu le scuppette puntate contru de nui. Nu ne fìciara scinnire mancu de lu scialabba e nzignara cu fannu nu saccu de dimanne poi ne fì'ciara scinnire e ne misara a nfila contru lu parite de lu furnu e nzignara cu vardene sutta e susu a lu scialabba fenca nu fora sicuri ca nui nunn'erene partigiani. Poi se scusara e sulu tannu basciara le scuppette. Mama ddumò la vucerna e li fice ssattare a lu canapè de petra mentre sirma pijò lu rsulu cu do bicchiere e ne nchiu unu padunu dicennu:
- taniti, fiji mei, ca siti squajati de suduru, cusì ve ndrafascati nu picca!