PRESICCESI NEL MONDO

LA PACENZIA DE SA GIUSEPPE

Da " A cummertazione cu lu Ginu"

Se cunta ca Sa Giuseppe, na sira tardu, se stise su lu saccune cu dorme ca era straccu ma cuttentu ca ìa spicciata la culliceddha pe lu Mmammineddhu sou. Mò stia cu zzicca sonnu quannu tuttuccotu li cumpariu ttorna l'Ancilu Carbieli e li disse cu se ne fuce a dhe vanne cu la mujere e lu fiju percé lu Rre sta facia na stragge: ia mmannatu a ngiru li surdati cu ccidene tutti li vagnunceddhi ppena nati. Menumale ca tania nu ciucciareddhu e cusì , mancu spettò cu llucisce ca li mise susu na cuperta, le fasazze, le cucuzzeddhe pe l'acqua, e cu la Madonna e lu Mmmammineddhu, se misara a ncavaddhu e partira versu l'Egittu. Nu lampu! nunn'era mancu l'arba quannu ffruntara nu cagnulastru ca li cridò: - e nu be ne scurnati filu cu be mintiti tutti tre su dhu povuru ciucciareddhu! Sa Giuseppe scise cu la santa pacenzia e, caminannu a nnanzi a nnanzi, se facia secutare de lu ciucciu cu la Madonna susu. Camina e camina s'era fatta quasi menzidia quannu vittara na ristiana de costi a nu puzzu ca sta se nchia na capasa d'acqua e, ppena li vitte li cridò: - E nu te ne scorni filu, tie caruseddha te ne stai beddha commita a ncavaddhu a lu ciucciu e dhu povuru vecchiareddhu de sirda lu faci scire a la mpede! Sa Giuseppe nu li rispuse mancu e panzannu ca futti futtennu sta scuria, iutò la Madonna cu scinne de lu ciucciu, se pijara nu stozzu de pane padunu, se nchira le cucuzzeddhe d'acqua frisca e cu nu perdene chiempu, manciannu manciannu ripijara la via cu se lluntanene mprima mprima de la Scidea. Sta fiata caminara fenca nu scuriu bonu e nu ffruntare ciuveddhi. La notte la passara stisi sutta a nu pede de fica ca criscia vasciu vasciu. A lu crammane, sempre prima cu llucisce, partira a la mpede puru cu se scameddhene nu picca l'anche e dopu quarche miju, ffruntara do ristiani su do beddhi cavaddhi niviri e nu boi ca unu di isti li dese vuce: - Percé sciati a la mpede quannu taniti lu ciucciu? Sa Giuseppe, sempre senza cu perde la pacenzia, se mise su lu ciucciu e la Madonna secutava a la mpede. Caminara tuttu lu giurnu e la sira, varda de cquai e varda de dhai cu bidene ci nc'era anima via cu la dimannene ci pe ci sa la via ca ivene pijata era chira giusta, ca mo senza sule timivene cunnussia cannene. Vittara, ntra nu visciu e sbisciu, nu pecuraru cu tantu de barba logna, ca, ppena li scupriu, zò la cupu, stise lu razzu cu la manu perta e cridò: - E nu te ne scorni filu, ranne ranne comu sinti cu te ne stai beddhu scancatu su lu ciucciu e faci scire a la mpede dha povara caruseddha cu tuttu lu vagnunceddhu a mbrazze? Sa Giuseppe cu la santa pacenzia scise de lu ciucciu e facennu comu quannu ca nunn'ia ntisu nenzi li dimannò ci la via era chira bona. Se ssattara a nterra su na petra, se manciara nu stozzu de pane, se vippara na stizza d'acqua e quannu se ncorsara ca lu pecuraru stia giratu de l'avatra vanna, nchianara tuttitre su lu ciucciu e se ne scira a ngrazie de Diu. Poi Sa Giuseppe, cittu cittu versu lu Mmammineddhu, li scappò cu dice: FIJU MEU, quannu te faci ranne vidi ci scunfunni li PINZIARUSI de la facce de la terra. Me ncorgu ca mancu IDDHU, dopu domila anni, nci l'ane fatta! NCI SUNTU NCORA!!!!