PRESICCESI NEL MONDO

LA PRIMA CUMUNIONE

STROLACAMENTI

B - Cci ai ccappatu ca te visciu maru?
A - Nenzi nenzi cose de casa, su.
C - E cunta, ci t'a criatu, ca ci te teni tuttu intra pesciu è.
A - E cci b'aggiu dire, m'aggiu llitacatu cu fiama lu prevete!
C - Nah! nu lampu e cci si nfessalutu? Tie fanne comu prèvete dice e nu comu prèvete face, ma ci poi tuzza a sordi, nunn'è ca l'ai mmantanire tie cchiui, tene la chiesia ca l'ane dare a manciare.
A - Ma cci strolichi de sordi, none sta fiata lu cuntu è n'avutru.
B - Nu ne fare stare su li osapedi, mò e cunta. Cci pe' ci sa nu bole cu te scancella quarche paccatu rossu?
A - Ma quali paccati rossi e piccinni, su cose mutu tise, su cose de Diu e fazza Diu!
C - E cunta ci t'a criatu cusì te carmi nu picca.
A - A bui ve la pozzu dire. Ieri sira è banuta a casa mia fijama la fimmana cu lu zitu novu, àvatra ira de Diu, ca comu sapiti s'ane llassata cu lu maritu ca s'ane misu cu n'avatra caruseddha. Mò era vanutu puru fijama lu prevete e tutti tre s'annu misi a cuntare fittu fittu. Li santia numinare: Sacramenti, Papacicciu, la vagnona, beddha de lu nonnu! ca s'ane ffare puru la Prima Cumunione, st'annu.
C - E cci te ne futti tie de chiru ca dicene li fiji toi, tantu cuntavene de fatti loru ci l'a criati, nunn'è ca ne dimmannene cusiju cchiui. A nui nu ne sente ciuveddhi cchiui, ca pe' iiddhi simu menzi mprasciunati e nfessaluti.
B - Cunta cunta ca mie le cose de Diu me ntaressene.
A - Me la crisciu quantu, scumunacatu! Ca mposta nu bulia cu be la dicu jeu, ca sinò su sicuru ca tie te ssuppi li musi, nnanticristu comu sinti! Nsomma, pe' falla curta, santiti, santiti nu picca: fijama la fimmana vole cu se cumonaca de paru a fijasa quannu ista se face la Prima Cumunione, lu mese ci trase. Nu buliti mò ca dhu minchia de fravasa, tuttu prevete, nu l'ane dittu ca sine! A cquai mò nunn'aggiu vistu cchiui e su trasutu a lu discorsu loru, cantannuli la Missa Ranne.
C - E cci te ne futti tie ci fravasa vole cu la cumonaca?
A - Ma si pacciu puru tie? Te la menzi tie ca dha sbergugnata, nu ssulu ane ruttu lu Sacramentu de lu matrimoniu, ma se fricula tutte le notti cu st'avutru minchia ca tene moi e poi, comu na Mmatalena pantuta se cride ca se pote mprossimare a l'Artare cu se pija l'Ostia? Ma simu mpacciuti de veru?
B - Su canciati li chiempi, beddhu meu! Puru lu Papa se n'ane ncortu! Ma poi cci te ne futti tie ci Papacicciu, lluminatu de lu Spiritu Santu, li llea la scumonaca de l'avutru Papa e la face cumunacare? Su passati li chiempi de quannu Sant'Affonsu de Liquori, ca vulivene cu sposa la fija de lu Princime de Prisicce, durmia cu li mani ntra li quanti cunussia de notte se "tuccava" e nui pareddhi quanti Patarnosci , Avemarie e Gloriapatri ttuccatu cu dicimu pe penitenza quannu ne cunfassavene ca n'ìvene "tuccati" e ttuccava cu dicimu puru quante fiate l'ivene fattu! Su chiempi novi e comu dici tie, fazza Diu!
C - Futtitivene, tantu de lu osci a lu crai cancia tuttu, puru le cose de Diu. Salutamela tantu fijata ca è curaggiosa de veru!
B - Puru a mie salutamela la Cuncettina.
A - Ma quale Cuncettina, fijama se chiama Mmaculatina!
B - Nu lampu, dopu nu maritu, na fija e lu zitu ca tene moi, ncora Mmaculata, è?