PRESICCESI NEL MONDO

LA SUPPOSTA

- E cci suntu ste medicine de moi ! - dicia la gente, quannu zziccava a manu le nove medicine a supposta. E de veru cu la cosa ca te l'ivi nfilare de taretu, nunn'è ca la gente l'ia piajata mutu a nzettu. Muti però dicivene ca erene meju de le pumpate, ca puru chire ttuccava cu te le minti de taretu. Le pumpate pe chiri ca nu se le ricordene, erene comu palle de comma cu nu canneddhu nfilatu de na menza e g'erene chine de acqua spervuta cu le cantre ca poi su le canije d'orgiu. Tutta sta ntifana cu be cuntu nu fattu ccappatu a Prisicce tanti anni rretu.
Nc'era a lu paese n'orfaneddha, cu quarche vennardia de menu, ca se chiamava Nzina. Quannu era vagnunceddha scia de cquai e de dhai a le case de li signuri cu face servizie ma cu la capu ca tania, quannu ne cumminava una de le soi, ne la cacciavene e canciava patruna. Ntra stu scirebbanire e stu trasiessi, s'ia fatta carusa zita e nu boi, ca chianu chianu nu li nzignò cu li ngrossa la ventre! Nu spruvò mai ci l'ia mprenata, puru ca le pattecule de Prisicce ivene fattu nu saccu de cunciatture e quannu rrivò lu chiempu sgravò na vagnunceddha buneddha de veru. Comu tutti li vagnoni puru la fija de la Nzina criscia, cu lu jutu de quarche bona ristiana, e criscia bona a la facce de le malelignue.
Nu giurnu, però, puru la fija de la Nzina la pijò la freve cusì lu medicu nu bose cu li descia la mignesia né l'oju de licinu né le pumpate ma li ordinò nu casciteddhu de supposte. Quannu l'Amletu, jutante de don Luviggi speziale, lesse la lizzetta, apriu lu casciteddhu e cacciò de fore la fietta de le supposte e ne le fice vidire, li disse  cu se llava boni li mani, cu ne taja cu li forfici una la fiata e cu ne li dane una la mmane, una a menzidia e una la sira. La Nzina, pareddha, li dimannò ci pe cci sa l'ia squajare a ntra l'acqua o se squajavene sule a mmucca. L'Amletu li spiecò, ca se ne scurnava puru, ca ne l'ia nfilare chianu chianu ntra lu carutteddhu de taretu de la vagnona.  La Nzina, ristiani mei, se pijò la medicina e se ne sciu a casa cu la vagnona mmucciata a mbrazze ca tania ncora la freve mutu tisa. Comu l'ia dittu l'Amletu, se llavò li mani , pijò nu paru de forfici menzi rruscinuti e, tajata na supposta ne la nfilò a la piccinneddha. La vagnona ca stia moscia moscia pe la freve, ppena se ntise tajare lu carottu cu la plastica de la supposta, se mise a cridare e a chiancire e tuttuccotu nzignò cu li esse sagnu de lu culeddhu. Nzina, fija de Diu, chiancennu e cridannu puru iddha comu na paccia ssìu a dha fore e chiamò la vicina  de casa ca menumale cu la mmulletta pe capiddhi, bbinciu cu zzicca la supposta e cu ne la sfila chianu chianu rrimediannu a la minchiata de la Nzina. Poi cu la santa pacenzia li mmusciò comu ia tajare la plastica cu li forfici e comu ia scurnocchiulare la fava de intra ca chira era la medicina ca ia nfilare ntra lu culeddhu de la vagnona.