PRESICCESI NEL MONDO

L'ANCA STUCCATA

("C" si presenta su sedia a rotelle spinto dalla giovane badante Serba)

B - Sta piji custu su la carruzzeddha, eh?
C - Vulia cu bisciu tie! Ma siccomu ca te voju mutu bene, nu te l'àucuru propiu.
A - E mo fazza Diu! N'imu fatti vecchiareddhi. Jutete ca diu te juta!
B - Ci le dice ste fesserie li previti?
A - None è nu pruverbiu nu l'ai ntisu mai?
B - E comu no, sulu ca ci me jutu sulu cci nc'è bisognu de la manu de Diu?
C - Citti ci v'a criati! Santiti nu picca: siccomu ca la Serba tene de fare, osci ttocca cu me spinciti vui. A dhu vuliti cu me purtati?
A - Ne scinnimu sutta a la Saricina, ca osci nu nc'è marcatu e stamu suli suli.
B - Issu cquai dice ca n'imu fatti vecchiareddhi e ttocca cu ne stamu ncorti cu nu cadimu, ma tie comu si cadutu? Mo ne spiechi pe filu e pe segnu comu ai fattu cu te stocchi l'anca.
B - Ve l'aggiu ditta no? ca su scurlisciutu ca la Serba ia llavatu a nterra.
A - Tie ai mmintire sempre lu cché su tuttu, nu cridi mai a chiru ca dicene e fazza Diu!
C - Ci t'a criatu ane raggione issu, tie trovi sempre ccicchinnonne.
B - Ci va bannuti tutti doi, a mie me piace cu bau a nfunnu a le cose e tie nu poti dire ca si scurlisciutu, quannu pe certu si cadutu de susu a na seggia o a na scala e nu basta na scurlisciuta cu te rumpi l'anca.
A - E' rrivatu lu duttore! Cci bo ne sacci tie? Fazza Diu comu l'i banuta, pareddhu, ca se l'ia putute stuccare tutte doi l'anche.
C - Ci v'a criati panzati pe bui, a mie tocca osci? Purtatimene a casa e scia facitive fafottere tutti doi: istu ca nu cride e st'avutru, ira de Diu, ca è rimastu fiaccu ca nu m'aggiu stuccata puru l'avatr' anca.
B - Ràttete ca cquai lu menzu prevete porta fiaccu!
A - Ista ancora nu me l'ia ditta ciuveddhi, ca portu fiaccu e mo fazza Diu!
B - Sta ssimu de lu simmanatu! Allora vo' cu ne dici comu si cadutu? si no nu te llassu mpace, osci!
C - Ca eri tostu de capu lu sapia, ma ca eri tostu comu nu mulu ... e va bene ci v'a criati, ve cuntu cume m'è banuta. Iti ssapire ca la Serba sta se facia lu bagnu e cu la visciu nuda de lu fanisceddhu tisu, su nchianatu su lu vancuteddhu ca ia misu su la seggia e nu buliti ca tuttuccotu lu vancuteddhu nfracidutu s'ane ruttu e su cadutu comu nu minchia cu l'anca ncastrata a rretu a la machina de cusire.
A - Ia raggione issu cu nu cride, sbergugnatu ca nu si avutru, cusì mpari cu bardi le fimmene nude. Cunfessete scustumatu!
B - Cittu! Lu sai ci è statu lu primu ommu ca ane spiatu na beddha fimmana nuda?
A - L'Adamu. Ma è statu Domineddiu ca l'ia criati nudi, puru ca nu bulia, na vardata ne l'ane data pe certu!
B - None none è statu nu Rre Sciudeu. Se chiamava Davide, propiu chiru ca ia ccisu Gulia. Nu giurnu se custò la mujere de nu generale sou mentre se facia lu bagnu nuda. Sta beddha ristiana se chiamava Bezzabea, tania lu maritu a nguerra, pareddha, e se suttamise a lu Rre e, siccomu ca lu diavulu face le pignate ma nu li cuperchi, rrimase puru prena a primu corpu. Cu fuce a li ripari, lu Rre mannò cchiamare lu generale cu na scusa e poi lu mmannò a casa a dha mujerasa. Nu boi ca dhu fessa li disse ca none, ca nu putia panzare a la mujere ne lu mentre ca li surdati soi murivene a nguerra. Lu Rre se vitte persu e lu mmannò cu cumbatte contru lu nnamicu cchiu forte ca nc'era e cusì, mprima mprima lu ccisara e iddhu se spusò la beddha Bezzabea rrimasta cattia e prena. Vuliti ssapiti puru cci fine fice lu vagnone? Ddavantò nu brau Rre chiamatu Salumone.
A - Viditi? Domineddiu llassa fare lu male cu begna lu bene, e fazza Diu!