PRESICCESI NEL MONDO

PASCA RANNE

Pasca Ranne percé tannu ttuccava cu spiechi quale Pasca, ca ncinn'erene tre: Pasca Befinia, Pasca Ranne e Pascareddha. Lu giurnu de Pasca era festa rossa, comu moi ma tannu la Pasca durava de cchiui de la Samana Santa. Nzignava cu la Cinnareddha e pe quaranta giurni ttuccava cu dasciuni tutte le mmani, nu se putia manciare la carne (istu nunn'era nu prublema tantu tannu la carne nunc'era(, ma nu putivene manciare mancu l'ove, lu latte e lu casu e ci pe scasulità te pijavi na spirpa de casu o na ssuppata de musi de latte, ncammaravi e ttuccava cu ba te cunfessi. Poi nc'erene de fare le parme. Sirma nzignava cu taja li vinchi de vulia li mpizzudava e li purtava a la chesia la Duminaca de le Parme cu li face benadire e poi li mpizzava unu pe cisura "pe la bbunnanzia". Mama cu sorma la ranne facivene lu pane e le cuddhure de Pasca cu l'ovu intra a la ventre de la pupa, pe le fimmaneddhe e de lu caddhuzzu pe li masculeddhi. Li purtavene a la chesia lu Sabutu Santu, prima de Missa cantata, cusì Bonsignore li benedicia cu l'acqua santa. Ma lu mumentu meju era quannu Bonsignore, cantannu, dicia: "Gloria in celsi Deu" allora calava lu chesciune ranne ca lu secristanu ia ttaccatu a le mpise de la vorta e tuttuccotu cumparia la statua de Cristu Risortu mpizzatu susu susu a l'artare. La banna nzignava cu sona na marcia llecra llecra, le campane, ristaccate, nu la spicciavene cchiui de sunare e nui scattiriscavene li mani pe li presciarizzi. Poi me ttummava e priavu lu Signore Risortu cu me face ddavantare cchiu bonu. Cusì me dicia mama e jeu la ddimannava:  ma puru ssignuria quannu prechi ddaventi cchiu bona e nu me mazzisci cciui? Cittu! - rispunnia - tie preca Gesurirsortu cusì quannucivene  ddaventi cchiu bonu, tie e puru li fiacchi ristiani!
Jeu nu ssacciu ci su ddavantatu nu picchi  cchiu  bonu ma li fiacchi ristiani, puru dopu tanti e tanti quannucivene, nci suntu ncora e sarà ca suntu de cchiui e puru cchiu fiacchi de tannu!

BONA PASCA de stu domiladiciaottu!