Alpina - Alma

GURĖ E FORTĖ NĖNKRESA

GURË E FORTË NËNKRESA

Kjo kokë

në kët’ trup

që rri shtrirë,

nuk është imja.

Dy sytë

e kësaj koke

që s’flenë,

të mitë s'janë.

As dy këmbët

zgjatesa të trungut imcak,

nuk janë të miat.

Ky trup

që imi s'është,

është dhoma e errët

ku s’përtojnë të ulërasin

vetëm dy bulkthë sterrë

me të njëjtën gojëshpirt:

nuk dua të jem,

jam që mos qofsha,

gur e fortë kjo kokë!

A do duroja më gjatë

e zhytur nën oqean,

se sa mbi këtë nënkresë

plot guralecë

që kafkën po ma çan..?

Mbi nënkresë

me guralecë,

por s'është imja

kjo kokë,

ndaj s'kam gjumë.

UDHĖ

PĖRPLASJE

Përplasje

Jashtë mureve përplasen erërat
hapsirat midis meje dhe teje
kanë distancë veshur me mall
dridhen brenda jonet e heshtjes
e fijet shpirtit enden nëpër natë.

Perfect video

SI BEMOL

SI BEMOL

O zë i ëmbël që ma rrit tensionin
e më bën të ndihem si re ngarkuar me shi,
derdhu qetësisht në shkallë sipërore,
ndërsa shkruaj në korda ndonjë marrëzi.

PARA SE TË FLE

unë do të pres
nën hijen e një lapsi,
e ti vrapon drejt meje
shkronjë pas shkronje,
fjalë pas fjale
dhe më futesh pa kuptuar
në mendje

unë do të pres
nën hijen e një flete
të shkruajmë tok
përralla me mbretër.

PARA TEJE

Sa shpesh më ndodh të jem turbulluar,
Si para avujve mbi gotën e verës,
Dilemat dallgëzojnë në rrathë me ngjyra,
Mirazh i paprekshëm buzët e tua.

Të të pi, rrëkëllyer me një gllënjkë?
A të të puth ngadalë, e të dehem e tëra?
Më thuaj, si prishet para gotës magjia?

Provimi i maturës

Tridhjetë maji
me maja të mprehta
ankthi e stresi
për mua më shumë
se sa për time bijë.

Sukseset kanë qenë
udhëtaret e saj
që nga lindja,
por sot ndihem
e lënë mënjanë
pa mundur t’ja shoh
në sy xixat.

Bie shi jashtë
e më tepër brenda meje.

Alma BEGAJ