La poesia napoletana

l'incubo non è finito....fino a quando certa gente ci sarà.....

E ‘a  munnezza stà sempe cca!

Pe’ colpa ‘e na maniata ‘e fetiente

c’ ‘a p’ ‘a munezza nun sanno c’hanna fà,

simmo ‘a barzelletta ‘e tuitt’ ‘o munno

c’affacciato ‘a fenesta stà a guardà.

Napule e ‘a Campania  sò  na fogna

e p’ ‘e strate nun se po’ cchiù risciatà,

è na vera tragedia chesta vergogna

d’ ‘a puzza nisciuno se vò accustà!

Na vota sentevamo ‘e manduline

pe’ chesti vie  alleramente  ‘e sunà,

mmo ‘mmeece siente tutt’ ‘e mmatine

‘o popolo inutilmente ‘e prutestà.

“Cierte Pulitece” ‘a chiste paiese

sulamente chiacchere sanno fà,

penzano ‘e denare ‘a fine ‘o mese….

e ‘a munnezza stà sempe cca!!!

PE' NUN CE SCURDA'!

MASSENZIO CARAVITA

 (scritta nel 2007)