La poesia napoletana

un omaggio a tutte le donne innamorate...

14 febbraio  San Valentino

è la festa  di tutti i cretini!

Il primo sono io : perchè credo

nell' AMORE!!

‘a luna ‘e San Valentino

So ll’ unnece ‘a sera, è San Valentino,

stò sulo assettato ncopp’ ‘a na panchina,

stò guardanno chesta luna napulitana

cu na stella stà mano dint’ a mano,

facenno ‘e dispiette a chistu mare blu

e guardanno guardanno penzo a te  …

 me sento ‘e murì, nun ce ‘a faccio cchiù

  ca staje dint’ ‘o lietto, sola, senza ‘e me.

Che strano! Sento ‘nu surdiglino;

all’ intrasatto sona ‘o  telefonino!

Si’ tu c’ ‘a voce tremmante me suspire

parole, parole chiene d’ammore!

E tu cchiù me parle d’ammore

  cchiù me se cunzuma ‘stu  core!

Luna tu ca m’ hè  visto disperato

c’‘a mano d’’e nnuvole t’hè libberata!

Vuò ca  tutt’e  dduje  t’avimmo guardà

A chistu mumento na stella cadente.

Ca tu,sulo a nuje ce vuò regalà!

-“ Jammo mettite passione e sentimente”-

ce ditto cu nu surriso allero allero.

E accussì a una voce… ‘nzieme  io e te

avimmo fatto ‘o  stesso  penziero:

-“Me songo  annammurato ‘e  te!”-

‘A luna, tutta cuntenta s’ha fatto na resatella

e se ne turnata sott’‘o braccio c’‘a stella,

miez’‘e nnuvole, zitta zitta e chianu chiana,

Tu luna ...tu luna  ruffiana!

San Valentino. 2010