La poesia napoletana

poesia sfezziosa...............

‘A vasinicola …(il basilico)

che bell’ aroma è ‘a vasinicola
spisse vote ‘a tenimmo fore ‘o balcone,
‘nzieme cu na piantulella ‘e pummarola…
na fronna è bona pe’ ogne occasione:

si faje ‘o sapaghetto aglio e uoglio
‘nzieme ‘o prutesino e ce miette
na fronna ‘e vasinicola …che voglia.
ca te vene, ca subbeto ll’arrieciette,

‘o spaghetto cu’ e ppummarole…
senza vasinicola? mamma mia..
e pure ‘o sapaghetto cu’ e vvongole…
pruvatelo… v’ ‘o cunziglio io!

O pizzaiuolo dicette :È sapurita!
chest’è n’aroma assaje prelibato
e ncopp’ ‘a pizza margherita,
si nun ‘a miette… faje nu reato!

E j’ dico ‘o pizajuolo tene ragione!
Pecchè pe’ me nun è nu capriccio…
si ‘a voglio pure ncopp’‘o cazone
e pretenno proprio ‘a cchiù riccia!

chest’e na pianta fenomenale:
‘e ffronne me scerejo ncuollo a me
e la notte dormo tra due guanciali
e per finire ve dico pure pecchè:

C’ ‘a vasinicola? Ve voglio ricordare:
tenitele sempe aperte ‘e ffeneste!
pecchè ‘e mmosche, ‘e zanazare?
se na fujeno… e vuje facite ‘e ffeste!


Massenzio Caravita