La poesia napoletana

TRA POCO A TAVOLA SI MANGIA...............(versi i n napoletano)

‘e cicere

‘A sera se metteno dint’ ‘a ll’acqua a spugnà

e ‘o juorno appriesso cucenate se ponno magnà,

c’aggia fà si me piaceno c’ ‘a pasta ammiscata?

Ma pure si songhe assulute sò na bona penzata.

Si stanno ncopp’ ‘a tavola belle e pronte

e sò cucente…aggio na mazzata ‘nfronte,

quanne sò fridde e songhe quagliuse…

m’arrecrejo pecchè songhe cchiù sfezziuse.

‘E cicere sò legume p ‘’a salute fanno bene

pecchè ll’aria ca tiene dint’‘a panza và e vene.

E t’he danno pe’ te curà pure ‘e dietologhe…

pecchè fanno ‘a guerra che microbe biologiche.

Scusate sì ‘sta frase è nu poco indiscreta…

Ma chist’è ‘o penziero ‘e chistu poeta:

< Quanno me magno è cicere è overò…

c’aggia fà si ‘o culo mio stà sempe allero?>

Massenzio Caravita

dedico questi versi ai nostri EROI caduti in Afganisthan...

Il tricolore

 dedicato a tutti i nostri  EROI caduti in Afganisthan...e non solo

Siete partiti per il mondo

come soldati anni fa,

lasciando tanti vuoti

in tanti paesi e città,

armati di semplici speranze

con sacrifici e tanta bontà,

donado a paesi sconosciuti

la vostra grande umanità,

facendo di questo mondo

un esempio di pace e fraternità,

voi siete la storia dell’Italia

della nostra cultura e civiltà,

per questo voi soldati Italiani

siete una gran bella realtà,

rappresentate il nostro tricolore

con amore, onore e dignità,

noi vi portiamo nei nostri cuori

e mai nessuno vi dimenticherà,

e per questo oggi ogni Italiano,

per tutta la vita,sempre, insomma

                              ....vi amerà!!

Dedico con amore ai nostri EROI

caduti in Afganisthan

e tutti i soldati caduti nelle varie guerre....

CIRO BORRELLI

in arte

MASSENZIO CARAVITA

AUGURI DIEGO ESEMPIO DEL "CALCIO"MONDIALE IL RE DEL PALLONE

DIEGO ARMANDO MARADONA

DIPINTO  A PASTELLO 50X70...(opera mia)

Maradona

Si venuto ‘a Napule,

e nuje comm’‘a nu rrè

t’avimmo trattato,

e tu  c’‘o pallone

ce  dato tante

suddisfazione:

na coppa Italia,

na supoercoppa

 italiana,

na coppa UEFA

e duje scudette

cusute con onore

ncoppe’ e mmagliette!!

N’he combinate tante;

ma, a nuje napulitane

nun ce ‘mporta niente!

Turnaste  a ‘sta città

pe’ nu mumento,

hè vediste  tutt’‘o calore

' tutta chesta gente

Masaniello,

Pullucenella,

‘o Pazzariello,

Totò...

MARADONA...

pecchè no?

pure tu si’

‘a storia ‘e ‘sta città!

Ciro Borrelli

in arte  

Massenzio Caravita

un omaggio alla mia bella città..............

‘O furastiero

Oj’ furastiero mio

tu c’‘a varca  passe a ccà…

guardanno  ‘o Vesuvio

te siente ‘e chiammà…

e ‘a ll’onne d’‘o  mare

chiano chiano te faje traspurtà.

Coro: ‘E ‘a ll’onne d’ ‘o mare           

         chiano chiano  te faje traspurtà,

         chiano chiano te faje traspurtà….

E miso ‘e piére ‘nterra

a chesta  città….

p’‘e piazze ‘e p’‘e viche

te miette a girà…

‘e ppréte ‘e Napule

t’ e’ vvulisse piglià.

 Coro: ‘E ppréte ‘e Napule

           t’ ‘e vvulisse piglià…

           t’ ‘e vvulisse piglià!

Si na chitarra  siente ‘e sunà

‘a nenna toja  t’ abbraccie

 e ll’accummiencie a vasà…

ll’accarizze ‘e capille nire….

e zittu zitto lle suspire

comm’ è bella ‘sta  città!

 Coro: E  zittu zitto lle suspire

           comm’ è bella ‘sta città…

           comm’è bella ‘sta città!

Na zingarella  l’ata sera

liggenno  ‘a mano 

t’ha ditto: “Oj’ furastiero

te ne vaje, vaje  luntano….

ma nun è  nu mistero

si  rituorne a ‘sta città!”   

Coro: Ma nun è nu mistero

          si rituorne a ‘sta città….

         pecchè  ‘o core l’hé rimasto ccà!

Versi di Ciro Borrelli

PERDONACI SARAH, NON TI ABBIAMO SAPUTO DIFENDERE DALL?ORCO

SARAH

INNOCENTE FANCIULLA
SPARITA NEL NULLA...
ANZI NO, TI HA RAPITA,
L'ORCO , PRIMA TI HA
TOLTO LA VITA,
TI HA STRANGOLATA
E TI HA VIOLENTATA....
LO ZIO, UNO DI FAMIGLIA
TI HA VISTO CRESECERE
COME UNA FIGLIA...
QUESTO CORNUTO
HA ANCHE TACIUTO
HA SAPUTO TENERE
IL SEGRETO CON SE
NASCONDENDO A TUTTI... TE....
PICCOLO E INNOCENTE FIORE...

SAPESSI CHE DOLORE

E PER QUESTO  NON HO PAROLE...
PER QUESTO ORRENDO DELITTO...
MA ORA CHE L'HO SCRITTO...
QUALE E' LA MIGLIORE SORTE?
PER QUESTO BASTARDO?...
CHE NON LO SALVERA'

NEANCHE LA MORTE?

ADDIO PICCOLA SARAH

MASSENZIO

EMERGENZE RIFIUTI? CHIACCHIERE?...NO "ECO-BALLE!!

CHIACCIERE?...NO ECO-BALLE!

INCENERITORE?...GIA' ROTTO CHE COMBINAZIONE!!

MEDITATE BAMBINI...MEDITATE SUL VOSTRO FUTURO....

E  ‘a  munnezza stà sempe cca!!!

Pe’ colpa ‘e na maniata ‘e fetiente

c’ ‘a p’ ‘a munezza nun sanno c’hanna fà,

simmo ‘a barzelletta ‘e tutto  ‘o munno

Ca  ‘a fenesta stànno n’ata vota  a guardà.

Napule e ‘a Campania  sò  na fogna

e p’ ‘e strate nun se po’ cchiù risciatà,

è na vera tragedia chesta vergogna

e d’ ‘a puzza nisciuno cchiù se vò accustà!

Na vota sentevamo ‘e manduline

pe’ chesti vvie  alleramente  ‘e sunà,

mmo ‘nvece se siente tutt’ ‘e mmatine

‘o popolo inutilmente ‘e prutestà.

“Cierte Pulitece” ‘a chiste paiese

sulamente chiacchere sanno fà,

penzano ‘e denare ‘a fine ‘o mese….

e ‘a munnezza stà sempe cca!!!

 Massenzio Caravita 

( p.s.  P’E NUN CE SCURDA’)

MORTO IL TENENTE ALESSANDRO ROMANI ...QUANTI ALTRI ANCORA?

ALESSANDRO ROMANI

ONORE AI CADUTI.....

Eroe

J’ ca tenevo uno figlio
nu figlio bello comm’o sole
era ‘a curona d’ ‘a capa mia
e mmo nun ce stà cchiù!

Me dicette chella matina
<J’ me ne vaco,parto mammà…
vaco a cumbattere p’ ‘a pace..
addò ‘a libertà nun ce l stà!>

‘O sidece  ‘e settembre
era nu presentimento, c’aggia fa?
È arrivata ll’urdema lettera  soja
liggite, liggite è chesta cca:

<Mammà,nun penzà a me,
a stu paese sò venuto
‘nzegno ‘e pace…pecchè
viecchie, giuvane e criature

stanno sotto ‘a dittatura…
ll’uocchie  so’ ’e lacreme, oj’ ma’…
e teneno tanta paura pecchè
chesta gente nun po’ parlà…

j’ sò venuto pe’ purtà ‘a pace
e cumbatto nzieme a lloro
pe’ ll’onore e ‘a libertà…
nun tenè penziero, da’ nu vaso a papà!

Hanno bussato  ‘a porta va’ a vedè..
È turnato? Fosse isso Viciè?
< Alessandro Romani abita qui?>
Sì ! Comanda’ dicite pecchè?

<Stamattina un attacco kamikaze

Mentre i ragazzi satavano a pattuglia’

vostro figlio è morto da eroe
questa è la medaglia eccola qua!>

Grazie tenitavelle Comanda’
nun saccio che me n’aggia fà…
pecchè chesta medaglia d’oro…
a figliemo areto nun m’ ‘o da’!

Saccio sulo ca stu sacrificio
pe’  na giusta causa :’ a libertà
p’ ‘a pace e  a nomme ‘e Dio
‘o ninnillo mio areto nun po’ turnà…

 mio figlio è muorto da eroe! Si, è ‘a verità…
ma io nun ‘a veco maje stà libertà!

Masenzio Caravita

sono passati 10 anni e per me è difficile dimenticare......

ATTACCO ALLE TORRI GEMELLI

Ll’11 settembre 2001...

difficile da dimenticare

Ll’odio, accumminciaje cu Caino e Abbele,

da tanno, è stato sempe, sempe eguale!

C’‘o tiempo sò muorte meliune ‘e ggente…

ma tutto chesto nun è servuto a niente!

‘E  kamikaze , ‘sti criminale sò pazze

forze sò ‘e n’atu munno e n’ata razza!

Pe’ nu Dio comme diceno lloro e io  nun ‘o veco

hanno miso ‘nginocchio l’America!

Cu ll’aereje hanno distrutto ‘e duje grattaciele

ca se sò squagliate comm’è doje cannéle,

e mentre chisti palazze s’accasciavano

ata gente 'nfame e assassina, felice brinnavano|

Annanze a ‘st’ uocchie mieje veco l’orrore…

‘o core mio stà schiattanno d’ ‘o dulore,

sotto ‘e mmacerie migliaia ‘e muorte ce stanno!

Impotente, sento ‘e nnutizie…stò chiagnenno!

MASSENZIO Napule,  ‘o dudece ‘e settembre  d’‘o duemilaeuno

 Ore 03,00  del 12 settembre 2001

Poesia scritta quando il Presidente degli Stati Uniti d’America pronunciava il discorso

Dell’attacco alle torri gemelle e mentre impietosamente scorrevano le immagini televisive.

Mia Matini-Almeno Tu Nell'Universo

DEDICATA AD UN UOMO SENZA AMORE E SENZA ONORE

DEDICATA A CHELLA "LOTA"

'E  FABIO QUAGLIARELLA

EX ATTACCANTE DEL NAPOLI

CARO FABIO QUAGLIARELLA
J' CA SO NU VERO TIFOSO
TE CREDEVO NA STELLA
'E TE ERO ORGOGLIOSO...

MA TU DOPPO N'ANNO
TE SCURDATO 'E STA CITTA'
E ACCUSSì TE NE Sì GHIUTO...
SENZA NEMMENO CE PENZA'...

TU CA TE VASAVE 'A MAGLIETTA
E DICIVE: NUN ME MOVO 'A CCA|
STA'ANNO LUTTAMMO PO' SCUDETTO...
AVITE VERE' CHE ME FIRO 'E FA'!

MACCHè TU SI NU MERCENARO
N'OMMO CA NU TENE UMILTA',
SI' COMME FERRARA E CANNAVARO
UOMMENE SENZA DIGNITA'

VA VA VATTENNE C'A JUVENTUS
CA 'E TE M'AGGIU SCURDATO GIA'...
TU HA CARE' E T' HA ROMPERE 'O MUSSO
TANTO CA NUN PUO' CCHIU' JUCA'....

TU SI NU 'NFAMO E SENZA CORE
E MMO CCA STAMMO A SULO
TE DICO NA COSA: TRADITORE
VA VAVATTENNE 'A FA' 'NCULO|

MASSENZIO CARAVITA

FERRAGOSTO BAGNATO...FERRAGOSTO 'NGUAIATO.....poesia napotelana

'o Ferrausto

Piscature e marenare,

varche ‘nterra ‘a rena

mare, mare e  mare,

 cca ‘o tiempo nun è sereno,

‘mbrullune e segge

me pareno saette,

so’ comme schegge

‘o viento ll’arricetta,

na varca ‘e salvataggio

vola ‘ncoppe a ll’onne…

certo ce vo’  curaggio

pe’ sarvà a duje nonne…

ca pe fà nu poco ‘e sentimento

aummo aummo se sò  alluntanate,

ma ‘o maletiempo l’ha pigliate

avevano fatto ‘o cunto senza viento.

Nu cappiello pe’ na mez’ora

‘ncielo, abballa l’alli –galle,

e p’ ‘o piglià nun s’é accorta ‘a signora

c’ ha perzo ‘a cullana ‘e curallo.

Chiove, chiove e chiove

dint’a città strate allagate,

nu criaturo nun se trova

ma pe’ furtuna è stato sarvato…

duje querce stanno ‘nterra

l’ha abbattute ‘o maletiempo …

‘stu tiempo pare na guerra…

stà sempe all’erta…sempe.

Che brutto Ferrausto ch’ è stato!

‘A gente ‘a casa se ne stà turnanno …

J’ penzo ca è gente furtunata :

“Chello c’ha visto ‘o stà raccuntanno!!”

15 Agosto 2010

Massenzio Caravita

CAIOOOOOOOOOOOOOOOOOO

VADO IN FERIE.....

VERAMENTE SONO

IN PENSIONE DA SETTE ANNI

CI VEDIAMO A SETTEMBRE.....................

PER RICORDARE UN ANGELO..." VERONiCA "

Guagliona ‘e Caravita

Mmo cca tu ce staje guardanno
‘a cielo, dint’a chistu scenario:
Quanta gente stà chiagenno!
È nu brutto juorno p’‘o calennario:

è na jurnata chin’ ‘e sole,
quanta gente, n’ è tanta,

miez’a via addore ‘e viole

e n’auciello pur’isso canta….
No! No! nun è overo
st'auciello nun stà cantanno,
chist ’ animale è sincero:
pur'isso stà chiagnenno!

Verò, accussì te ne sì ghiuta
ma nun è chello ca pienze tu…
pecchè pe’ nuje nun è fernuta
ce rimasto nu bello ricordo tu:

teneve  chillu nasillo all’ insù‘
a vucchella ‘e rosa era nu bisciù,
nu fisico comme na modella…
Guagliona ‘e Caravita ire bella,

Nuje te vulimmo bene tuttequante
e maje nisciuno se scorda ‘e te!
Mmo’ tu staje jenno miez’e Sante…
pirciò San Piè m'arraccumanno a Te!

Dedicata a

Veronica Cozzolino
venuta a mancare all’affetto dei suoi cari
e a tutti noiil 27 giugno 2010,
lasciandoci tutti nello sconforto

Ciro Borrelli in arte Massenzio Caravita

DIMANE JAMMO A FFA' 'A VILLEGGIETURA E 'E CANI?.........

PICCERELLA ( 'o vulpino)

' A JENA  (il pitty-bull)

in storie d'abbondono

‘e  dduje  cane  :

“ Piccerella, e ‘a  Jena ”

Papà era nu volpino mammà na meticcia,

ero tutta janca cu na macchia nera ‘nfaccia,

ero l’urdema me chiammavano “Piccerella”

sò stata crisciuta c’‘o latte e cu ‘e ppastarelle!

 Na dummeneca ssera ce steva na comunione

e cadette dint’‘a piscina ‘a figlia d’‘o patrone,

ll’acqua era fredda e ‘ chella nun sapeva natà

io accussì senza ce penzà me tuffaje p’‘a sarvà!

‘E teleggiurnale, ne parlajeno fino ‘a matina...

“Una cagnolina salva una ragazzina...è un’eroina!”

Me premiarono cu na medaglia d’oro zecchino,

ca purtavo con orgoglio appesa ‘o cullarino.

Me sentivo felice, fiera e orgogliosa

pecchè ero addeventata ‘a riggina d’‘a casa,

me trattavano con amore e tanta cura

pienze jevo cu lloro. ‘o mare e ‘a villeggiatura!

Passaje ‘o tiempo, e p’‘o patrone addiventaje inutile

e chi me vuleva tanto bene addeventaje nu vile!

Primma ‘e partì p’ ‘o mare comm’ ‘a  tutte ll’anne...

me dicette  cu na faccia ‘e ‘nfame‘e chi stà tradenno:

“Piccerè  viene cu mme  jammo  addò veterinario”

Na sera ‘e Luglio m’abbandunaje ‘ncopp’‘e bbinarie.

Io d’‘a paura chiagnevo e tremmavo comme nu criaturo

e senza sapè dint’‘a nuttata ll’ attraversaje dint’ ‘o scuro,

nu treno curreva e nun me vedette e me sbattette ‘e n’aria,

io stevo chino ‘e sanghe ‘nterra e penzavo ‘o patrone mio

e ogne treno ca passava nu piezzo ‘e me se purtava...

ormaje stevo tutta scamazzata, ‘e me niente cchiù restava!

Che brutta fine aggiu fatto!...E tu dimme  comme sì muorto?

“Ero nu pitt-bull na belva feroce! Ero ‘o  cchiù fforte!

Me  chiammavano ‘a “Jena”, pecchè me magnavo ‘e cane

tremmavano tutte quante, a mmuorze ‘e sstracciavo ‘e ccarne !

Quanno nun cumbattevo facevo ‘a guardia ‘a villa.

Nu juorno n’ ommo malvagio s’avvicinaje ‘o canciello,

parlava ‘e cumbattimente c’‘o patrone e m’accarazzaje...

io senza ce penzà cu nu muorzo ‘a mano  m’‘a magnaje!

Pur’ ‘e me parlajeno ‘e teleggiurnale e ‘e ggiurnale

“Feroce pitt – bull con un morso strappa una mano”

Ha ddà murì!… dicette ‘a razza umana senza pietà!

Nu pruciesso pe’ direttissima senza manco me giudicà!

Ma ‘a colpa fuje ‘a mia se ‘mparajeno chilli llà?

È  vergognoso!M’hanno cundannato pecchè sò animale...

e nun me putevo difennere pecchè sapevo sulo abbajà, 

pe’ ll’umano… sulo na multa e via! Mica simmo eguale?

Cara “Jena” nuje appartenimmo ‘a razza animale

e simmo fedele all’umanità pure sì ce fanno male

mentre pe’ lloro che fanno ‘e ‘nfamità è normale amico mio,

pe’ furtuna pe’ chisti, esiste n’atu tribbunale: Chill’‘e Dio!!!

                                     MASSENZIO

un mio pensiero x la donna.............

‘A  femmena

Se dice ca quanno Dio l’ha criata

s’ ‘a pigliato ‘a pietto  Adamo,

na costola, ‘a cchiù appassiunata..

e essa  ha ditto a ll’ommo .-Ti amo!-

ma ll’ommo nfamo, l’ha malattatrata,

e d’ ‘a femmena s’ha pigliato ‘o doce,

’a tratta cu ‘ndifferenza e l’ha violentata

e è sempe pronta a metterla ‘ncroce.

Ma mo ca ‘e  tiempe  se so’ cagnate

s’ha pigliato la sua bella rivincita,

e a ll’ommo ‘ntamo l’ha castigato…

e mmo essa se comanna la sua vita,

ma essa a ll’ommo ‘o perdona e ‘o vo’ bene….

E se isso fà vedè ca ‘o vo’ bene c’ ‘o core…

essa lle da pure ‘o sango ‘a dint’e vvene…

all’ommo basta  tenè rispetto e ammore!

Massenzio

buon inizio di settimana a tutti/e .io la mia la incominco così...........

Nun tengo che penzà

j’ penzo ca ‘o destino

cu me se miso a pazzià,

m’ha pigliato pe’ nu cerino

s’appiccia, pronto a brucià ,

‘a vita mia mano mano

se cunzuma c’aggia fa,

chistu fuoco cammina

e nun ‘o ppozzo fermà,

 ‘o destino ‘e vvote è assaje

‘nfamo e nun tene  umanità,

è comme ‘a morte ca maje

fà campà e nun tene pietà!

Ma quante cose brutte

mmo me metto a penzà

d’’a vita aggiu pruvato tutto…

tanti sacrificie aggi’avuta fà,

tengo ‘a casa, ‘a famiglia,

e nun vaco cchiù a faticà

‘a mugliera e quatte figlie

ca teneno pe’ magnà…

e j’ faccio mille penziere…

dint’a chesta capa ‘e morte?

‘mmece j’ me metto a ridere

e d’ a morte chi se ‘mporta!

MASSENZIO

DEDICATA A TE AMICA MIA...........

Voglia di volare

lontano in un altro

sistema solare,

dove l’odio

non può arrivare.

Voglia di esplorare

altri pianeti, altre terre

dove non vi sono guerre,

dove non esiste il terrore

e non sanno cos’ è l’orrore.

Voglia di vivere felice

su un’altra cometa

con i mie sogni di poeta:

“Guardare  il sole, le stelle,

e quando la luna si fa bella!

Voglia di scrutare il mattino

con gli occhi da bambino,

giocare con tanti fiori

vedere l’arcobaleno di nuovi colori

e l’umanità credere nell’amore!

Voglia di ridere, giocare,

aiutare e amare,

mischiare  realtà e fantasia…

e con l’aiuto di Dio

vivere tutto con la poesia!

Massenzio Caravita

OGGI GIORNATA MONDIALE CONTRO IL FUMO .......

Caro fumatore

Te siente ascì pazzo

quanno‘a   sigaretta

nun tiene annanze

ncopp' 'a culennetta.

t' 'a guarda e te siente

felice comme è nu re,

e tu tanno si cuntento 

si te n'appiccie doje o tre.

Te siente forte e bello 

c' a sigaretta mano

e quanno ll'hè appicciata,

ll’aspire chianu chiano,

e puose dint’‘a cenneriera

‘a cennere cu mille penziere,

 dint’ ‘o fummo ca se sperde...

dint' 'all'aria stanno ‘e ricorde.

e tra na pazzìa e na resata

na bevuta e na bella na tirata,

cu nu colpo ‘e tosse forte

t’avvicine sempe ‘e cchiù...

                         a morte!!!

Massenzio Caravita

Non so che darei - Alan Sorrenti - Video Anni 80

dedicato a te Napoli.....

 ‘Nnammurato ‘e Napule

Quanno  scrivo na poesia…

nun so spicciativo c’aggia fà?

si aggia scrivere nu vierzo

stongo tantu tiempo a penzà.

E ce stò quase sempe accussì:

tengo ‘a mano vicino ‘a sguessa*…    *sguessa = mento

cu ll’uocchie fisse ‘ncielo…,

tanto ca me pigliano pe’  fesso!

Muglierema conta nu fatto? m’‘o scordo,

‘e llente addò ‘e poso? nun m’arricordo,

‘o magnà se è friddo comm’ ‘o gesso

io che pozzo fa… m’ ‘o magno ‘o stesso!

Int’ a ‘sta casa pare na prucessiona,

gente ca trase… jesce, chi va e chi véne...

io stò lla sempe ca penna mano!

Se fanno ‘o segno d’‘a croce sti femmene…

e s’addimandano  ‘a na voce sola

“ Ggiesù, Giuseppe, Sant’Anna e Maria

Chist’ è pazzo ovéro? Io nun me ‘ncujeto,

nun e risponno a ‘sti capere, mamma mia!

“Essì sò  pazzo…pecchè sò poeta?

c’aggia fa? stò penzanno a te Napule.

io te desse ‘o sango ‘a dint’‘e  vvene

tu ‘o ‘ssaje…  te voglio troppo bene!

MASSENZIO CARAVITA