Pitosto che perder' na tradission xè mejo brusar un paese !
Lègere e nò intelligere, xè come ver la farsòra e gnente da frìgere!
In t'un tempo dove : el seso jera pecato,
l'omo poco parlàa ma tanto trombava
e lè balerine le jera sensa mudande
"Dio gà creà 'l magnàr, el diaolo e i coghi"
(J.Jioyce, anca se Lù e'lo gavea scrito in inglese)
EL DIAOLO PO' GA' CREA' E PIGNATE, SENSA FARGHE' I COERCIOLI
Post n°94 pubblicato il 31 Marzo 2010 da diaolo
|
Post n°93 pubblicato il 20 Marzo 2010 da diaolo
Tempo d’elesioni, Anca’ al’inferno stò ano gavemo l’elesioni,ghèmo ancà n’ialtri broj e pastisi, ma tosi, chì , semo à l’inferno. Chì chè vinse, ò savemo xà, parchè tuto xè zà stà combinà. Ma el pever dè à bataglia xè’n cà quà, parchè fin tanto che i danai discore sù le beghe eletorali se dismentega dei guai infernai, Chì i candidati tronba asai, jè normale, le tose lè pì bele ghè javemo, zò chì niantri. e tuti quanti cò i sò gusti, omeni, done e fenoci, nisun se maravegia, tanto, santi ,sante, beghine e i basabanchi i xè tuti in paradiso. Visto chel governo sa zà spartio cò ghè dà magnar, gavendo zà deciso fin dal mileotosentosesantaquatro, chi dovese comandar, se fa steso l’elesioni, perché Ai danai l’importante xè che mai ghè manche’l fogo eletoral, e Ai candidati, nò n’importa come sé ghin parle, ben o mal basta che sé parle E po’ Pà i danai l’importante xè dè lamentarse, sora tuto dèe monae, robe fasii, ordinariese, voja mai che i dovese scominsiar a rajonar, visto anca chè i danai, cò che parle l‘ presidente, a ogni monada che conta tuti’n coro ghe risponde : “noi siamo felici, noi siamo contenti, le chiappe del culo porgiamo frementi” Ma tornemo al governo eco la lista dè come je zà eleti, chì, à l’inferno Belzebù presidente del consilio Satana capo dell’opposision Eurimonio ministro dè a morte Moloch ministro dè e lagrime Plutone ministro del fogo Pan ministro dè incubi Lilith ministro di sucubi Leonardo ministro dè i saba Baal ministro dè à guera Lucifero ministro dà giustisia Kubal ministro dè spettacoli e arte Asmodeo ministro del zugo Baal-beret pontefice max Proserpina arcidiaolessa Adramelech gran cancelier Astaroth gran tesorier Nergal capo dei sbiri secreti Leviatano gran ammiraglio Metcom gran pagador Crisroc capo dei coghi Biemot capo dei mescidor Dragon gran paneter Muttino capo dei valletto de camara Nibba pajazo Ambasadori acreditai Belfagor francia Mammone uk Belial italia Rimmone russia Tanin spagna Hutgin turchia Martinetto svizzera Gaviò leto, anca quà semo incasinà e alora come poso criticar, chi politica vol far, daltra parte anca Satrapi, poitici e quei che dir nò poso, gà gambe, brasi, poca voja dè laorar, ma boca e la pansa da colmar e marteline frementi dà calmar. Cari fioi, jeri, anquò e anaca diman visto che a votarli sen sempre stà njalrti, a cosa serve lamentarse. Invede andemo in cesa, al preosto femo dir un de profundis, dopo, ndemo a l’osto e bearse un gran goto, almanco un poco onti podaremo de cantar : “ semo felisi, semo contenti, le ciape del culo gavemo frementi, vardì soltanto dè nò farne mal ” |
Post n°92 pubblicato il 07 Marzo 2010 da diaolo
8 marso, festa de là dona, anca sè mi tose la festa ve là faria tuti i dì. Ma qualcheduna gà stabilio l'oto de marso e alora femola amquo..... AUGURI ....AUGURI..... ma in fondo dè cosa ? ma dè l'emancipasion "dirè" diaolo gnoranto ! si si gàvì rajon ....... pero pensè a un vecio deto conià prima dè là festa "tira dè più un pel de mona che un caro dè bo" quindi forsa cò le armi che vè gà dà mama natura par comandar ..............fragilità e feminilità .........
|
Post n°91 pubblicato il 01 Marzo 2010 da diaolo
TANTO PAR SCOMINSIAR. ANQUO' PRIMO DE' MARSO 2010 " AUGURI A TUTI I VENETI " E ANCA AI NON VENETI "DE BON ANNO NOVO" |
Post n°90 pubblicato il 21 Febbraio 2010 da diaolo
Giacomo Casanova, quando xè scapà dai piombi, preson Venesiana credua dè masima sicureza, xè riusio come’l conta lù nel so libro “Histoire de ma fuite de prison de la republique de Venise” scrito in francioso com’jera moda al tempo, chè xè riusì nèla impresa grasie dè un stratagema, infati el sò primo tentatio faliò parchè i gàvea scoerto el buso. Jù ‘lora el gà pensà a ‘naltra solusion, far scavar el buso da la cela dè sora a là sò e po’ sempre scapar par i coerti, ma al prisoner che jera sora de ju un serto “pare Balbi” sé dovea mandar el fero dà scàlso per scavar. E cosa ch’el tè conta ju, per mandar al Balbi l’atreso, ordina nà quantita enorme de gnochi si quei che’n veneto alora i ciamava maccaroni ma gnente gavea a che far con quei napoletani che “po’ i xe bigo Dise’l Casanova chè cò sti gnochi fù rivà, el volese consarli jù steso de persona, cusita che sconto’l fero nèla costa dè nà bibia e visto che’l vanzàa fora dàe dò parte cosà chè’l tè fà ?: Sora’l libro mete un piaton dè gnochi, stracolmi de buter fuso e formaj, col sugo che jera à l’orlo drio sbordar dà tute è parte, sé racomanda al sbiro “stà tento dè nò spandar’el buter che nò se macè’l libro, và cò atension e porta’l Balbi, el secondin cò i oci piantà ‘ntel piato par nò spander nol vede el grimaldel, e porta piato, bibia e fero sù dè sora al compàr del Giacomo, che po’ scaperà cò ju. Verità o busia poco gà dè importansa, sentimo parlar dè gnochi, che in altri libri dè memorie quele par esmpio del prinsipe dè Ligne sempre scrito dal Casanova ,el né conta eser el sò piato preferio, parchè l’omo gerà considerà oltre ch’un grand trombador, anca un golosesso. E come’l tiè consa el golosesso i gnochi ? : ma con buter, zucaro, canela e formaj da gratar. In stì gnochi però ancora nò se parla dè patate e semo nà là seconda metà del milesetesento. Sempre in ch’ei ani milesetesentoquaranta el Dionisi scrive anca jù à sò risèta dè i gnochi In léngua Macaronica, missioto de latìn e volgàr veronese e mesa scopiasà dal Martin Coccajo. Omnigenos siquidem farsitos, atque bodinis |
Post n°89 pubblicato il 19 Febbraio 2010 da diaolo
E alora scominsien a parlar de gnochi, spece dè quei dè patate, si quei veneti o mejo vronesi visto che a verona stò ano se gà selebrà el 480 bacanal del gnoco. Mà, subito dirà el solito saon, se è patate xè rivà da la merica e le gà stenta sai prima d'eser cusinade nò torna e date. xè vera la prima riceta dove se trova i gnochi cò è patate xè datà 1813, e alora diri vojaltri come ereli prima ? Prima de dirvelo ve conto che nel 1600 a xè na cronaca che dise che in tei orti botanici de Padova e Verona se coltivaa e patate in via sperimentale ............ forse a fame podaria ver fato el resto. Ma tornemo ai nosti gnochi prima riceta cognosua Martin Coccajo nel 1544 nel macheronee primo libro del baldus. Qui fandi gnoccos bramat habere ricettam: ante tamisatae libras tibi sume farinae quattor, e vuda quantum est satis intus acquae; totum impastetur; grandis pirolam fiatur, has sfregolando super digito cum police, rizzas roversis faciat gratacasola busis; cumque parechiatus steterit parolum ad ignem, extemplo in calida praecipitentur aqua, quae postquammediam ad summum bolliverit horam, gnocca procul dubio sat bene cocta dabit. Ne perdat igitur tempus, subsoque menestro Collige dum fumant,dumque bazota tremant : Gratatilibram casei, librasqe boteri Adde duas; nec quod sint nimis uncta time; Gnocca debetetenim cunzari semper abunde, ut per gargatum plus molesina fluant. Composita est pietanza magis bona nactare divum. Tosi e tosate vedìo farina e acqua gnente patate o tuberus come xera ciamà al tempo, mi gò proa de farli bisogna tegnarli tanto tanto moli a sì nò invese dè impironarli zughì a ping pong.
|
Post n°88 pubblicato il 18 Febbraio 2010 da diaolo
E mò che vendri o venare gnocolar xè pasà, che marti graso gheno comunque festegià e che'l dì dopo, el preosto cò nà brusca dè senar el ne gà ricordà" pulvis erit et in pulvis reverterit" . Che la tv contiunua a propor lè casae dè nostri pori poitici, i paesi che se sfonda, i neri che se copa fra dè jori, e par ultimo anca i procesi par invidia: spa si, spa nò, sà volio che femo ? Continemo a zenar. Anca sè me sà che nè tocarà de cantar, : La crisi infuria, il pan ci manca, el popolo sventoa bandiera bianca . Ma savio xà ve digo "tiremo inansi" bèemose'n goto e continemo a parlar dè gnochi ..... noaltri. |
Post n°87 pubblicato il 13 Febbraio 2010 da diaolo
Come o dà far par contarve cosa xè'l Venare Gnocolar?, forse come'l lo conta el gran Berto si el Barbarani, lesì lesì e pò mi sui gnochi ve contarò La cabala del gnoco Eco qua, mondo pitoco, Drita in mèso a la cusina, che bisogna celebrar Come capita el bon estro, Che el marcia in bigoli, E ogni tanto ‘na bela infarinà…! Fin, che via i rùgola, E ti lavora, E ogni tanto ‘na bela infarinà…! Desteso in rango che a mesogiorno sereno intrepido E ti lavora sensa creansa, E ti destrìghete Zzzz…zzzz- che el sìsola … |
Post n°86 pubblicato il 05 Febbraio 2010 da diaolo
San Valentin el 14 dèl mese dè Febrar , la festa dè i morosi, stò ano la xè qua col fredo, cossita i pole dè strucarse cò la scusa de scaldarse e Copido cò'l sò arco, drento un caldo paletò, trae i so dardi, sia sui beli che sui bruti, sia sui magri che sui grassi. Gò meso à foto dè Gugòol, par nò far el steso eror chè fù fato tanti ani fà in tè stò dì, mandando ai Todeschi, dè Giulieta l'efige bronzea, scadenando nà grave e giusta ritorsion dei Nibelunghi, che par vendicarse, el strucalimoni chè ghè in brà, i nè gà mandà. Anca sé qualcun prega :"signor cavimela o cavimelo, gnente nò gò fato mì dè mal, par averghe stò tormento" chè par stò slangorimento, pì nò magno, pì nò beo e poco dormo, amor i me gà dito ciamase stò virus, è 'l vacino nò ghè xè, Fato l'è, che tuti ghè pròa in stò dì , parchè usmando l'udor de primavera, ghè ciapa un serto sbisigor e svelti core, a proar dè impollinar. E mi a le mè betonegne, sà ghè dìgo, o sà ghè conto ? Vedemo, .... par el santo dei morosi, ..... mò ghe conto 'nà poesia dèl Prever, che i Franciosi ciama, el poeta dè l'amor.. Un homme ècrit a la machine un lettre d'amour et la Machine rèpond a l'homme et à la main et à place de la destinataire. Elle est tellemente perfectionèe la machine La machine à laver les chèques et le lettres d'amour Et l'homme confortablement istallè dans sa machine à habiter lit à la machine à lire la rèponse de la machine à ecrire Et dans sa machine à rever avec sa machine à calculer il achòte une machine à faire l'amour Et dans sa machine à à calculer il achète une machine à faire l'amour Et dans sa machine à rèaliser les reves il fait l'amour à la machine à ècrire à la machine à faire l'amour Et la machine le trompe avec un machin ...un machin à mourir de rire. E desso, vè la conto nè à me lengua, fasendo nà libera tradusion : N'omo scrivea cò la machina par scrivar, 'nà letera d'amor,... e la machina ghè risponde, subito al posto dè de la femena. Stà machina la xè talmente sapiente e moderna che oltre ai asegni fà anca le letere d'amor. E l'omo come'n bogon stravacà drento né là sò machina : lese,.. a la machina dà lesar, cò gà scrito la machina dà schivar. E drento né la so machina dei sogni, col computer el compra anca la machina par fare l'amor. Po' con la so machina par far vegnar veri i sogni, el fà anca l'amor cò là machina da scrivar, si proprì con quela pèna compràda. E la machina cussita ghè fà i corni.... Cò 'n coso ...siii cò 'n bigolo da pisarse doso dal ridar |
Post n°85 pubblicato il 25 Gennaio 2010 da diaolo
Anquò verzendo el blog, me son corto dè nà roba..... serta jente, dai mè amisi I se gà scancelà, ostia gò pensà:
o forse, mà nò sò,
sè stè robe xè sucese, diavoleto umilmente dimanda scusa, nusun volea d'ofendar, ma sè sti ochi sè à gà tiolta intendendo le casade par ofese, savio cosà ve digo ? NEVE NEVE ....NEVE TUTI A FAR CIAVARE |
Post n°84 pubblicato il 18 Gennaio 2010 da diaolo
Caro Babo Nadale, nò savaria sè risgrasiarte o incasarme, de quel che tì mè gà portà par stò 2010 ano nòvo. Scominsiava cussita el nòvo post che jero drio preparar, stigà dà le me quatro care betoneghe del goto. Ma dopo, trì, quatro, sinque, siè tentativi, forse copà, snojà o mejò e se volì smonà, da serte notisie, dè a fiera dei mone, par intendarse i T.G., come quea dè chì quatro cojoni de turno chè gà pìcà fogo al barbon a Venesia e ch’ altri che pà nò eser de manco i lò nega in fontana, o pezo, come i nostri civili integralisti ex migranti (anca al nord est), dè là Calabria Saudita, che cò i migranti neri ghè rompe i cojoni, i ghè sbara drio. Par la precision, la calabria saudita nò xè mia ‘nà butada : (nell’ano 1000 l’emirato de Sicilia el ghè jera veramente e la Calabria che jera parte dè l’impero Bisantin era sens’altro Saudita); sensa parlar dei sinquesento mone, dè i tifosi del Ceo, che coi cori da stadio, scadena el nero, par fortuna integrà, che’l ghè risponde in una sivile intervista… disendoghe che i fa schifo, par fortuna che nòl gà fato come i sò simili in africa, che cò i discore dè calcio, i sbàra sui zogadori par farghe festa fasendoghe la festa a la prima copa de calcio Africana.
Ma pensandoghe ben, andè tuti’n mona, andègh’insieme a queli dè le statuete volanti, ai politicanti che dise parlando de servisi sociali “così il popolo si accorgerà che parliamo di servizi e non di politica” ma stò bruto mona al cubo, cosa penselo che la sia la politica ? forse farse i afari sòi o la giostra dè là caregheta ? E pò dù, tri mesi fà se scandalisaine par chel’Irachen o par chel’Afgan che gavea fato i broi eletorali, insiviè… diseino, troglodita e despota . Ma n’à sera in tv o sentiò chì nostri sé gà spartio le rejoni,.. ostia digo mì ! ma penseli proprio che che semo cussita mona ? o che semo tornai al popolo bue, scusime bò e vache a dò e quatro sate, i presidenti o governatori rejoninali noi dovaria eser eleti col voto del popolo ? ..ma, se i sè è gà zà spartie, cosa caso votemo a far ? parchè : O xè un brogio eletoral come quel dè l’afgan o dè l’irachen. O stì santi e probi omeni de governo, voto vedar che data la crisi i vol farne risparmiar ? Savendoli prima, forse i gà pensà, nò serve votar, savemo zà chì chè jè, e resta pì schei dà magnar, e le elesioni ? se è femo, xè solo ‘nà gran tolta pal cul…..
Po’ a la fine xè rivà’nca el teremoto, chè con stà tragedia a mesò stà jente poareta a cul buson, anca sé dà prima zà là jera bituada à farse ciavar dà i sò politici. Stesi dei nostrani, ma con manco da magnar. O come chè i altri, ciavai dà i sò preti, compagni ai nostrani, chè rifà lè crociate sol che iè ciama intifada. Parchè a là fine comanda la relijon cò a fame e anca el sesso, sì parchè anca deso le vergini, el profeta promete, ai eroi musulmani. A stò dir cosa goì mì dà pensar ? sè non chè “ More la jenta piena de guai ma i rompicojoni nò more mai” Care tose sì gavì proprio rajon, in stò post xè mejo che pensemo al magnar, al goto e à la mona, robe asai pì profique e sincere, chè nò roba e nò copa e tuti fà star pì sereni, sè proprio con po’ de citrato.
E sè anca mì, chì da bàso, stò ano gò l’elesioni, nò stè preocuparve, i diaoli, nò fà broji, a l’inferno semo zà. Ma dai ‘ndemo a scominsiar, cò nà ricetina nova, Ummmmmm …vedemo…ma intanto udemose’n goto. |
Post n°83 pubblicato il 24 Dicembre 2009 da diaolo
Caro Babo Nadal, te dimando un regal, che almanco nò i ne toga pal cul, parchè anquò, sul meso dì, scoltando el tg, sento ch’ì dise : la ministra Brambila propone il bonus vacanse a chì nò gà schei dà spendare in ferie, un bonus del quaranta par sento dè quel che sarà speso par nare in vacansa. Babo Nadal, qua se sè tole pal cul….. se la jente nò gà schei, andò vuto che a vaga, là stàrà’n casa pensando al magnar, che fa vegnar in mente nà serta Maria Antonieta , che nel mile e setesento, cò ì gà dito che’l popolo nò avea pan da magnar, ghè rispose, ch’el se magne e brioches. Babo Nadal fame un piaser, portaghe anca un pò de sarveo, parchè a lò ga perso, a quela sinistra chè xè a l’oposision, e che deso xè solo “sinistra”, pensa, cò un fato de’l jenere, la tase, a pensa solo, verde de bile, a le trobade del premier e da mona sé gode par le statuete chè vola. Port’anca un po’ de decensa, a chè a stampa cojona, che pur dè dir qualcosa la sbraia disastri a drita e a manca sensa creansa. Ma in fondo ti gà dà portar, du rece du oci e un sarveo, al quel popolo bue, che scolta gaudente e le ciape del culo porge fremente. Grasie tante Babo Nadale |
Post n°82 pubblicato il 20 Dicembre 2009 da diaolo
Tosi e tose scoltime ben cosa ve conto deso sul nodo d'amor che nò xè na posision del kamasutra me un tipico disnar de la provincia de Verona , se dopo el porta anca risultati sessuali non sò ma speraria de sì haaaaaaaaaaaaaaaaaaaaaa hahahahahaha dunque gera n'aolta....... Su la fine del mile e tresento, là n’tela basa verso’l Mantovan, sù ch’el micio che svoda ‘l garda, lì soto dè valegio in quel dè borgheto, ghe xè un ponte che fèa confine, fra Visconti e i Venesiani. In chì ani e intè una guera dè lè tante, in un vespro infogà a là testa dè guerieri Milanesi riva el Rè Giangaleazzo Visconti”. Straco morto de fadifa e dè pugnar, dà l’arsura rinsechio “Malco” el ziga “mio valente capitano, su la sponda dè sto rio sè dovesimo acampar par chè vojo riposar” Fato el campo, el gobo Gonnella che dè corte fea’l bufon, dopo zena davanti dè un gran fogo conta la storia dè la sera : “in stò posto drento l’acqua ghè xè tante bele tose .. le ninfe.. che un crudele malefico, cò dà l’acqua le vien fora né la note par balar, in brute strie le diventa” Ma la fola jera vera e de note fra i soldai indormesai, vinti strie intorno al fogo lè storse e lè scurla nel balar. Maico el valente capitano c’el dormia cò n’ocio solo, el lè vede,e sè leva e el ghe va incontro, cò e ò vede el scapa e cori dè le strie, el valente capitan el tabar d’una de queste el riese de ciapar. Ho stupor, che bela gnoca che drentoghè xè sconta e sicome che xè scuro, più dè l’ocio contentar, val la man nel palpar, tuta note i resta insieme, ma a matina drento l’acqua Silvia gà a tornar, cò i oci lagrimosi, la stria ninfa, piena d’amor un fasoleto ingropà come pegno d’amor par el sò capitan. El dì dopo, al gran balo dè corte in onore del rè, capitan Maico el vede fra è balarine, Silvia, la ninfa,che par amor è tornada fra i omeni, i dù i se varda e cò i oci lì i rifà a l’amor, . Isabella, la puta promessa del capitano, jelosa, “la stria la sria” drio la ghe ziga e cò riva le guardie par metarla al rogo, Maico, poarin se mete dè meso fin a farla scapar. Ma à chi tempi tosati nò sé podeva e par questo le guardie le ò mete in preson; ma la note ‘ntela segreta, compare la ninfa al so capitano e a ò porta né l’acqua cò ela par continuare a fare a l’amor La matina, el re su la riva del Mincio, sercando el so capitano el cata de seda d’orada un fàsòl ingropa col nodo d’amor. Contada ò la storia, ma le done del posto lè usa anca’nquò fare una sfoja de 4 ovi dè gaina e 700g de farina tirada fina fina, jutada cò dù cuciari de oio fin che là ven fina come la seda e jala l’oro. Tajada a quadreti Ghè mete po’ drento fata a balina, nà misia dè carne, la parte gentil lè la ninfa, de manzo 200g e polastro 200g, la parte pì forte lè’l capitan, un poco de mascio 100g e proscuto crudo 100g. E la storia con tuti i so umori : Formaj da gratar 100g, e pan gratà 50g , sale ,pever rosmarin, nose moscada.e ‘nà seola tritada . po’ le gira la pasta com’un fasoleto e le ingropa un becheto fasendoghe el nodo d’amor. Lesadi in tel acqua del fiume chè po’ l’è un bon brodo, magnenoli in brodo o suti col buro |
Post n°81 pubblicato il 08 Dicembre 2009 da diaolo
Chi drento mì gò tre amighe, dai anca quatro sinque se volemo, ma, una sola gà la fola e forse ganc' ela lala sà, miga mì la gò inventa, la storieta a gò tradoto e a tute quante è dedicà com’ae tosatele ve la conto pute mie, par Nadal soto l’albaro con goto in man. Ghe jera nà olta un pupà de nome Sorapiss e ‘nà putina ciamada Misurina. El pupà jera’n omon grando ma grando ma grando che pì non sì pol, insoma un giganto. La misurina che la jerà sì tanto ma tanto belina, ma cussitaa picenina dà star in tè nà man, e à jera cussita birbante e lasarona dà far tuti danar. El Sorapiss, poreto vedendola tanto picenina, el là invisiava , cussì la tosata cresea con nove pretese siè volte al dì. Un bel dì la sò balia, no à ghe conta del specio “tuttosò” andò che bastava spejarse o far spejar par saver tuto de quel che sàvea speja. Dè’n boto la tosa core dal pupà zigando e pestando la tera cò i pè “ Upà, Upà, lo vojò, lo vojò dai jura chè tè mio dà! ..jura upà lo vogio anca mì”. Stò poro pupà par farla star chieta…. Ghe sbrisia à promesa dè darghe stò spejo. Cò però ghe fù ciaro dè chel specio che jera e de chil fuse, el bon sire sé sbianca, el specio el zera dè na faè che ghè stava de fronte ! Ma ormai, promeso el gavea e mesase in testa a corona se invia, al castel dè là fae. Cò la faè, chè ben cognosea Misurina la capriciosa, gà savù la richiesta, dise, sì chè pol dargheo, mà a nà condision, visto ch’el sol no gavea rispeto dei so fiori, Sorapiss gavea da trasmutarse in tè un monte par farge onbra al giardin. El rè sentendo stò dir, cò i brividi longo la schena, el ghe dise dè sì. Ma la Faè dandoghe el speio, vedendolo stranio, xè mosa a pietà e ghe dis de tornar dà là fiola a conterghe la storia e.. se la Misurina par amor del pupà decidese de rinunciar, l’incato se saria anulà. Ma,…. savuda la storia, Misurina ghe sbrega da è mane lo spejo disentoghe “ seto che bel tè saresi coverto de boshi e dè prà, donde sé core se canta e bala. “ Sorapiss a stò dir el sé sgranda, el sè sgranda ancora de più el sé fa monte che anca deso sé vede, el monte Cristal. La toseta catandose là in sima al monte pallida e nua cò speio ne è mane , la se mete a singiotar e a zigar “andò sito andò sito pupà”. El poro rè armai monte de piera diventà, vedendola cussita disperada, el se mete a pianzer, coverzendola de lagrime insieme col specio . Lagrime sù lagrime dè un monte giganto gà fato un lago, cà deso’l porta el nome, Misurina. |
Post n°80 pubblicato il 17 Novembre 2009 da diaolo
xè ufiziale sè gà costituio el "Club del Goto" chi ghè interesase iscrivarse gà da far domanda in vin roso, a mi o a uno dei soci fondadori chè i xe : La Madona, che nò poso dir imbriagona, se nò i dis cà bastiemo. La Misurina,che perde sempre la misura de quel che là xè drio bear La Carlotta, che cò la scusa dè là pisaria, la bee anca quando la crià El simioto Giuly, che'l gà catà le banane alcooliche L'unicaintrigante, che la se intriga sempre dè cò i bee i altri |
Post n°79 pubblicato il 13 Novembre 2009 da diaolo
Pensando dè far cosa gradia, su facebook gò preparà el "Club del Goto" Xè ovio che i soci atuali : MADONA, MISURINA, CARLOTA, SIMIOTO GIULY E UNICAINTRIGANTE quali soci fondatori al alto tenore ETILICO del club del goto di libero. Saria onorà chì vegnese anca su facebook per continuar el casin scominzià chì. |
Post n°77 pubblicato il 01 Novembre 2009 da diaolo
Là sora Sprea, lì dà dente a là Cà del Diaolo. Andò lè Anguane è sìga ciamando el Diaolo, pà far festa fra toni e i lampi de à tempesta. Ier note, mò che zà jero rintanà tra le cuerte cò i cusini, tre strie sé gà catàdo, cò è zùche par dè fora, parchè zèra hallowouinnn. La stria de Misurina, la Romana col capel e l’anguana de Rovigo Né là nebia soto a piova e cò è veste dal vento solevae, nea caldera fèa bojir : coe de mascio, sate de gajna, e anca un poca de puina….cò’n gran fiasco dè bon vin. E’l simioto, trasformàdo in Graymalkin, povarin, dà là sé, miagolava disperà. Mi el Diaolo, dà Paddok travesto, in te nà pocia stavo sconto par poderle dà scoltar. Dè cò stè fàe se ciacolava ……. La romana, dal parol levando’l naso “Disime.. disime sorele, quando chè sé cataren dè novo insieme tute tre, nel ton, nel lampo o nela piova ?” Ghe risponde la stria de Misurina “cò’l bordeo sarà fino e la pugna vinta o persa ! prima che’ sol sia montà ! “Ma in chè logo ?” dimanda chèla dè Rovigo. “Né à piana, ai tri albari morti, andò cataren el goto, tasi tasi gatàsso, rivemo, Graymalkin tasi” dise la Romana butandose né a sesa. Dè boto lè orsa in coro scurlando le tete insieme : “Paddok …. Paddok” “Vegnemo de boto, el belo xè bruto, el bruto xe belo .” Po’ è cìapa lè scoè e lè vola, là, né là val, in meso a là nebia Dopo mes’ora , ai tri albari morti, né a piova dè a bufera, cò i lampi che tòna, rieco le strie. “Dò sìo stade sorele ?” dimanda a Romana “A copare porsei” dis’quea dè Rovigo. “Go catado a mujer dun marinar da tormentar, ghè gò lasado el mario sul lago, col vento dè contro a navigar. “Ostia el tamburo” una là ziga e lè tute in ciondolo volando lè continava ad orsàr “xè rivado…. xè rivado…..xè rivado cò’l goto, el striamento ghèmo fato e finio” Lasadeè contente, dopo’n bon goto, son tornado a dormir , , sperando che Shakespiare me use perdono, né là note dè Hallowin. |
Post n°76 pubblicato il 28 Ottobre 2009 da diaolo
A’… dollzè richiesta …. S’impone risposta … Tosa, se ti vol fare la Patona, dà nò confondar con Batona, la confusion, lasèa fare solo al cavalier. Ua nera, mej dè clinto gatù a tor e nel pignato sensa raspi và ficada, coa farina và misiada, sensa farghe far i grumi, meti al fogo par tri quarti d’ora , là xè cota cò i arsimi i sé spaca e ricorda “la patona l’è bona freda” Ma se’l governador, la putana vesentina, povarina vol tastar… Né à cacliera gài da metar le farine, parti dò de jala, e una de bianca, sal, un cuciar de lievito par ogni meso kilo de farina, po’ tì boji con brodo de museto tanto dò olte le farine in peso, ben scrumae, cosi par mesa ora.. Cò dal fogo t’à cavà, zonteghe miel, ueta pasa, pinoli, cicioli e quel che in casa gàtu. Varda però dè nò pasar via el peso, dè lè dò farine ! Mìsia forte forte e cosi ancora par diese minuti, rebaltala sula panara e come’là scominsia a sugar Coversela cò è foje de brocolo e metila soto le bronse, o se ti vole rebaltala in’tun stampo onto col buter e lasala nel forno fin che’l fa la grosta. Baso e man, fagò a riverenza, me scuso tosati se dè batone e putane gavemo ciacoà, ma cussita fasendo à boca pì dolze sè ghemo catà, sgarbemola dai cò à graspa par ben. E sé jera transesual ….. la sgnapa ancora và ben, vorà dir …. che dà nà mota e nà val ven fora un gualivo. |
Post n°75 pubblicato il 28 Ottobre 2009 da diaolo
Jer sera dopo tre ore pasade al dù leoni, stufo e straco, d’aver aver meso fiori novi, cavà erba e lustràr vestii dè piera, ripensando a mama papà e noni, ai scufioti ciapadi pai disastri fati’n joventù, Tornando a casa sora ‘n cartelon te vedo scrito “ festa dè Halowin entrata libera tuta note se bee e magna a volontà” Ciò gò pensà …. Varda tì la globalisasion …. ‘nà festa celtica chì dà noaltri ! Che confusion che gran casin càa fà jori à fasea par paura, del scuro dè là piova e del vento del jorno che sé more Noantri invese doresimo in stò dì ricordar… i nostri pori morti, ….. E’lora cosa caso centra la festa ? ….jori beea e s’imbriagava par paura e noaltri parche ? Forse che i xè morti imbriaghi ? Ma si alà ‘ndè tuti in mona, ghe sempre e solo vja de far festa e de magnar sensa laorar. Bè par tirarme su, nò savì che jero zò, gò pensà de farme en dolze par hallowin, de stà stajon ghe xè e patate americane la zuca, l’ueta pasa, i canditini e i pinoli, ben gò dito e sentendome cò‘nà stria un vecio libro gò vardà ……. Lesàde meso kilo de patate e ‘neto da suca jala, dentro ‘nà tarina tuto gò schisà, zontandoghe un cuciaro de farina, un de zucaro e un bicer de late, dù vovi, cedro candio, uveta pasa e pignoi ghè gò smisià, ‘nà prese de sale zontà Dentro a’n stampo de buter ben lustrà el paston gò rebaltà e in forno gò cazà a dozento de potensa fin che’l steco suto xè vignù su, dè gril un colpo eeeee ecolo pronto, Nel fratempo par nò perdar tenpo, gò fato un desfritin a l’oio cò zeola bianca, sedano e nà carotina tuto tajado belo fin, drento sie costine con dei taji gò rosolà colorandole par ben, un schiseto de balsamico, zinque centimetri de concentrato, vin bianco e pomodori ò zontà, tuto belo incovercia par mesora ò cusina, giustà de sal coi fasioi o maridà e’ mes’ora’ncora cusinà, cavà dal fogo ben pepà e de parsemolo trita consà, in tola ò portà. Tri diei me son rosegà, tirando su col pan stò bel toceto dopo averghe le costine rivorà , con ‘n bosa de roso vecio, rotondo in boca de udor de viola e savor de ua e in fondo quel gustin de là bota che reclama el so intervento, La patona infine gò tastà, bona dal saor antico, ma boja eva a là prosima ghè zonto un fià de graspa profumada ! Cò la sgnapa nel goto ò meso, el tg strombetava de politica e de schei ………. Ma ‘ndè in mona tuti quanti fra dù giorni xè hallowin, tuti in festa, nò piansemo gnanca i morti ,….sherseto o dolzeto ??? |
Post n°74 pubblicato il 17 Ottobre 2009 da diaolo
Cosa me disio sè femo’n zugheto, su come vivemo adeso ? Primi quatro argomenti de discusion : 1 Pensè, cà sé sàsinen’l figà, cò là nouvelle cousine o da makdonald, (cosa ne pensate che ci roviniamo il fegato con la nouvelle cousinne (metaforicamente) o da makdonald) 2 S’impelandrimo nando in otomobile o cò l’asensor, (ci impigriamo andando in auto o usando l’ascensore) 3 Nò capimo pì ‘n càso dè cosa sémo drio magnar, parchè vardemo lè monae che dis el tg, (non riusciamo più a capire cosa stiamo mangiando perche ascoltiamo le stupidaggini dette nel telegiornale) 4 La note non trombemo pì, par vardar tete e culi ne à tivi. (La notte non coitiamo più per guardare le soubrettes mezze nude in televisione) ben e dèso disì la vostra che mi gò dito la mia e speto tanti discorsi. ( bene adesso dite la vostra che io ho detto la mia e aspetto tanti commenti) |
MENU
AREA PERSONALE
CONTATTA L'AUTORE
Nickname: diaolo
|
|
Sesso: M Età: 17 Prov: EE |
Inviato da: gallovil
il 02/04/2012 alle 18:06
Inviato da: gallovil
il 02/04/2012 alle 18:05
Inviato da: gallovil
il 01/04/2012 alle 18:03
Inviato da: diaolo
il 01/04/2012 alle 14:00
Inviato da: gallovil
il 01/04/2012 alle 11:56