Demm’essi pensau crasi de m’agattai in cosas aicci!!, ecco su pensamentu fattu in su momentu chi mi seo accattau de tenni a issa in fundu a su coru e su cerbeddu…sa femmina chi m’ adi postu a pensai.

Una vida curri curri in pizzus de nudda, arrangendi e sconcendi, sa vida mia e sa de is attrus commenti ‘nu coettu, e immoi  paridi de bivi ind’ unu film, prima intendisi su sonu in su coro sbuidu sciuscendi sa corriera, poi sa conca si  prenidi mentre chi intendis is fueddus, “giù la testa”, e abbascia is alas si olis chistionai paris, chistionaus e in cussu momentu appu cummenzau a bivi.

Po da serrai in curzu pensammu, “chini poridi essi custa femmina accuada, narada e non narada, ndi sci duas arrigas” e atturammu aicci ettottu castiendi e iscurtendidda, tenidi dus ogus de sin ci perdidi aintru, pensammu, “ma ci poris contai chi d’ollu connosci”.

Su pensamentu sighiara e sighiara ancora, su cerbeddu mi narada, “banda beni, attura attentu però!” e ci seu arruttu cun tottu is cambas in intru, su coru immoi mi narada “la chi sesi commenti  ‘na pigna chi circada arrobba, si ti mancara o issa ista mali..deus tindi campidi!!!  e cust’istoria crescidi.

Connosci connosci non donasa occasioni, anzisi, stuggiasa ognia cosa si poridi stuggiai po da fai arriri, in custu momentu s’unica cosa chi di serbidi esti su stentu, no a circai contus de attras cosa, e pensai sempri de prusu, banda beni diacci, su bagamundu fiara sparessendi e fia nascendi forzisi un ommini.

Immoi si presentai fendi e narendi americanadasa de orrob’e galera mi paria stranu meda, cun issa mi paridi d’essi in sa dommu aundi seo cresciu, custu non porid essi ‘nu corp’e conca, o accollada e paulesu, s’arrespettu po sa persona ‘nda pigau tottu e ha postu in motu attras cosas.

De is fueddus naus ai cussa manera, a is fueddus contausu e pesausu commenti si deppiri, su presciu chi si podi donai non torra mai su prattu chi s’arrecidi dogna diri, fetti pensendidda, paridi de biviri in paris, e mi torrat in menti s’amigu chi mi narà sempri “ma, castia tui”, e castiendi castiendi appu scobertu chi castiada mellus issa e s’intendia su sonu “giù la testa”