La poesia napoletana

SENZA PIZZA NON PUO' STARE....

‘A pizza Margherita

‘A Rigina Margherita tant’anne fà

se fermaje a chesta bella città,

e dicette accussì vicino ‘o Rre:

“Tengo ‘o desiderio ‘e me magnà

na pizza, fermammece ccà Umbe’”!

‘E pizzajuolo  cu genialità

E in onore suojo ‘nventaje

na pizza bella assaje:

“Pigliaje na fronna ‘e vasinicola

e ll’aunette c’‘a muzzarella

chella ‘e bufalo… ‘a cchiù bella,

e c’‘o zuco d’‘a pummarola

e cu passione e fantasia

a spannette ncopp‘a pizza…

cu tant’ammore !

E comm’è na poesia

criaje  ‘a pizza  tricolore.

Accussì cu grazia e cu maniera

ce ‘a presentaje annanze ‘a Riggina...

comme se presenta ‘a banniera.

Essa tutta felice e cuntenta

dicette : “Guaglio’ è sapurita!

Comme se chiamma ‘sta nuvità?”

“ ‘A pizza Margherita!…

L’aggiu miso ‘o nomme Vuosto

                                   ....Maestà!”

Ciro Borrelli in arte Massemio Caravita