Creato da massenziocaravita il 26/01/2009 |
Post n°739 pubblicato il 16 Maggio 2010 da massenziocaravita
(
'E bbarriere architettoniche.... Ce stanno duje tipe ‘e barriere una è anormale, chell’ata è mentale: ‘a primma che v’aggia dicere… ce stanno ll’ascensore,‘e sscale, ‘e marciapiede, ‘e pale miez’a via, te bloccano e nun te fanno cammenà, ‘e mmachine, e motorine! Mamma mia so’ ‘e patrune, e nun te fanno passà! Pe’ sta gente è nu fatto normale se penzano ‘e cummannà ‘a città,! Po’ ce stanno ‘e barriere mentale… fatta ‘e gente ca nun sape campà , sò senza scrupole e senz’ammore. e nun teneno un pizzico d’umanità, ce maltrattano, e songhe senza core… arrobbano, ce sanno sulamente sfruttà! Ma grazie a Dio ce stà ata gente che ce aiuta cu tanta umiltà, lloro nun te cercano niente, e nun ce ‘a fanno sentì ‘a disabiltà so’ perzone sincere, semplice e ce ridanno ‘a vera dignità!... ca “cierte” perzone infelice… nun ce hanno maje saputo dà! MASSENZIO CARAVITA PREMIATO con la poesia "viecchio" 8anziano)CON IL TERZO POSTO AL CONCORSO DI PORSIA "SALVATORE CERINO" SVOLTASI A NAPOLI IL 08 MAGGIO 2010)...ANCHE I DISABILI HANNO UN CUORE |
Post n°738 pubblicato il 12 Maggio 2010 da massenziocaravita
Pianefforte ‘e juorno
j' ca stò passianno pe’ chesta via shhh, sento nu pianefforte ‘e sunà, j' che bella armunia! è na melodia M’è venuto ‘o desiderio ‘e me fermà,
ll’aria è cupa e fina e doce doce ‘a musica jesce ‘a dint’ ‘a fenesta… nun ce stà ‘a cumpagnia d’ ‘a voce… 'sta musica è bellapare na festa,
j’, zittu zittu voglio tuzzulià ‘a porta pe’ dicere: - “Cuntinua pure a sunà… è bella chesta musica ‘e pianefforte!”-
Ma penzo: nun ‘a voglio disturbà! C’aggia fà? ‘a musica me trasporta…. pare 'e stà a Napule ‘e faciteme sunnà!
MASSENZIO CARAVITA
Dedicata con stima, amicizia e simpatia a ...
Rosalba Jervolino
è proprio vero che a Caravita con questa musica c’è vita!
Caravita- Cercola –Na- 12 maggio 2010 Via nuova Caravita - Caravita - Cercola Na |
Post n°737 pubblicato il 08 Maggio 2010 da massenziocaravita
Dedicata mia madre
‘A festa d’ ‘a mamma
Maggio, pe’ dint’ ‘all’aria quanta felicità, sulo ‘a festa d’ ‘a mamma c’ammore, te dà,
Ma, sulo ‘o core mio allero nun stà, e chi ha perzo ‘a mamma ragione me dà.
Sultanto nu ricordo m’hè rimasto… nu ritratto cu na faccia ‘e festa.
Ah, che pavasso pe’ m’abbraccià, e che facesso pe’ m’’’a vasà!
Chisà si ‘a cielo tu vide a stu figlio tuojo… cerca ‘a mamma! Na gioja ca nun tene cchiù.
Che bella festa ‘o mese ‘e Maggio ce dà… Biato a chi na rosa ‘a mamma ce po’ purtà!
tuo figlio (uno dei dodici)
|
Post n°736 pubblicato il 06 Maggio 2010 da massenziocaravita
per te mamma Ll’ angelo d’‘a casa
‘A mamma è ll’angelo d’ ‘a casa pecchè sape e conosce tutt’‘e ccose, a ‘e figlie ‘e ddà ‘e cunziglie e mantene aunita tutt’‘a famiglia.
E quanno ‘e piccirille stanno malate ‘a mamma stà sempe preoccupata, chist’angelo ‘e stà sempe vicino… p’ ‘e figlie è ‘a meglia medicina.
‘A mamma ‘e figlie ‘e cresce è chella ca cchiù ‘e capisce, ‘e chella ca cchiù ‘e ccunosce… dice ‘e bbuscie e nun ‘e tradisce!
‘A mamma è ll’unico ammore vero è ‘o cchiù carnale e ‘o cchiù sincero! Nun ce stà parola cchiù bella ‘e mamma pecchè addò staje staje, ‘ a chiamme.
Già ‘a quanno staje dint’‘e fasce… ‘a vocca chianu chiano tu aunisce… e quanno ‘a chiamme essa giuisce, pecchè mamma ‘a dint’ ‘o core jesce.
Massenzio Caravita AUGURI A TUTTE LE MAMME |
Post n°735 pubblicato il 05 Maggio 2010 da massenziocaravita
|
Post n°734 pubblicato il 01 Maggio 2010 da massenziocaravita
PER TUTTE LA DONNE........ È trasuto Maggio
Io ca d’ ‘e sciure so’ n’amante, quanno t’affacciave ‘a fenesta t’ammiravo comme n’incanto... pe’ cchesto facevo sempe festa, e cu ‘e vviole e ‘e ciclamine p’ ‘a gioja me mettevo abballà, cu ‘e mmargarite… ‘a matina me mettevo a ridere e a pazzià. È trasuto ‘o mese ‘e Maggio!... schioppano tutt’ ‘e sciure… ‘e sciure ‘e ll’ammore. Fuje ‘e ‘stu mese addiruso ca ‘e te... m’annummaruje! Tu bella comme na rosa... tu...na margarita cianciosa... tu... c’‘o prufumo d’ ‘a viola... tu ‘a cchiù bella, ire na cosa sola: “Nu sciore ‘e Maggio” Sì!...È trasuto Maggio! Schioppano ‘e sciure ‘e sciure ‘e ll’ammore, fuje ‘e ‘stu mese addiruso ca ‘e te m’annammuraje e dimme tu…c’aggia fa’… si chisti sciure j’ nun te faccio maje mancà!
Massenzio Caravita
|
Post n°733 pubblicato il 29 Aprile 2010 da massenziocaravita
‘A vasinicola …(il basilico) |
Post n°732 pubblicato il 27 Aprile 2010 da massenziocaravita
comme facette mammeta Chsta sì ca era na bella canzone proprio comme l’ha fatto mammà. ‘e gguaglione erano acqua e sapone ‘a faccella era bella fatta pe’ vasà,
mmo so’ tuttte quante chin’e silicone… femmene originale …nun ce ne stanno cchiù, si nun te staje accorte dint’a na brutta situazione …e nun fa’ o fesso, te puo’m truvà pure tu.
Mmo conto chello che m’è capitato però stu fatto sulo a me puteva capità: ‘Ncoppe ‘a spiaggia m’ero ‘ncuntrato cu na femmena c’a capa te faceva girà.
“Permette signorina?” Lle dicette sottovoce “Se mi siedo accanto a lei, le offro un caffè?” E essa cu na voce fina fina e doce doce … “Ma prego si accomodi pure,che male c’è?”
E ‘o bbarrista se facette na resatella e me guardava strano, si proprio a me ma gli risposi con un occhietto : “È bella! chesta dolce donzella fa proprio pe’ me!”
E chiano chianu…senza fare rumore la feci accomodare sulla mia Chevrolè e di corsa giungemmo in un motel a ore… io abbracciavo a essa e essa abbracciaje a me
quando giungemmo nella stanza la fatidica numero centoventitrè lei mi solleticò sulla mia panza e mi disse: Girati nun te voglio fa vedè…
ma io ca so’ capa tosta e cchiù curioso ‘e essa allungaje ‘e mmane, dicette:Famme tuccà! Essa prese le mie mani e le mise sulla sua *sguessa… cu na voce doppia disse :Se vuo’ tuccà... hè aspettà!
‘A verità? me facetto piccirillo piccirillo…. e me passaje tutta ‘a voglia ‘e sfrennesià, chella femmena nun era chella… ma chillo! Era tutto truccato e teneva silicone ‘n quantità!
Accussì mesto mesto pavaje ‘o cunto ‘o purtiere… E dicette a chillo: “Me so’ sbagliato c’aggia fa?” Io ca me credevo uno esperto del mestiere… Ma custi tiempe nun abbasta ‘a carta d’identità!
Mmo aggiu capito ‘o bbarrista e ‘a resatella … mannaggia a me, ca nun me ne accurgette! Accussì me ne turnaje zittu zitto e chin’e paura addu Elisabetta ca ncoppe ‘a spiaggia ancora m’aspetta! e so’ sicuro…cu essa vaco sicuro!
morale della favola: nun cagnà maje ‘e vvie vecchie p’ ‘e vvie nove… saje chello che lasse e nun saje chello che truove!!-
*sguessa = mento lungo Massenzio Caravita
|
Post n°731 pubblicato il 21 Aprile 2010 da massenziocaravita
na lenza ‘e luna “ Ah! che bell’aria fresca c’addore ‘e malvarosa. e tu durmenno staje!”…. Te ricuorde era ‘a canzona nosta.
‘Ncielo doje stelle splennente stasera me fanno cumpagnia… cu na lenza ‘e luna tutta lucente… ma me manche tu ammore mio.
Te vurria tenè ‘int’ e bbraccia pe’ m’astregnere ‘mpietto a tte… te vurria guardà chesta faccia.. e tu nun ce staje vicino a mme!
Sulo ‘e llacreme me sò rimaste… me vurria tanto scurdà ‘e te, ma torno a guardà areto ‘e lastre speranno ca tuorne addu me!
Sento, sento pe’ dint’‘a ll’aria na canzone ‘e tantu tiempo fa, è nu vecchio mutivo napulitano che strano è proprio chella llà…
‘a cantavo cu te mano e mmano “ Io, io te vurria vasà…” ‘E penziere, ‘e penziere tornano… e tu…e tu addò staje? chi sà!
Ciro Borrelli in arte Massenzio Caravita
|
Post n°730 pubblicato il 19 Aprile 2010 da massenziocaravita
‘a partita ‘e pallone Lazio - Roma 1-2
‘A gente ncopp’‘e ttribbune aspetta p’‘a retrocessione o p’‘o scudetto: ‘A Roma ha vinciuto , Lazio ha perduto Doje a uno …chist’è ‘o risultato finale. Ma ahimè! È stato comme nu signale… dint’ attimo accummencia ‘a battaglia! ‘e siggiuline pareno colpe ‘e mitraglia! "Guarda papà se stanno scannanno. tengo paura stongo tremmanno!" Dico vicin’‘o guaglione “Fujmmo luntano… facimmo ampresso…damme ‘a mano mettimmece llà… areto a chillu muro… speranno a Dio ca stamme cchiù sicuro! ‘E tifose…armat e catene e curtielle… ‘e poliziotte cu ‘e scude e ‘e mazzarielle! Quanta mazzate, Giesù e che mazzate! Fore ‘o campo, macchine appicciate, ‘e pputeche arapute cu ‘e vetre sfunnate… guaglione che ca fujeno, ‘a polizia che corre… butteglie rotte, sanghe pe’ terra… sirene ca sonano, ambulanze che volano! Accussì m’appresento ‘a casa c’‘o guaglione muorto ‘e paura e doppo quatt’ ore senza sciato e cu ‘a lengua ‘a fore… Muglierema ca è stata che cummuzzione… tutt’‘o tiempo ‘nnanze‘a televisione… Chiagnenno a tutt’‘e duje…ce abbraccia…. Po’ me dice mentre me guarda ‘nfaccia: “Ma vaffanculo tu… e ‘a partita ‘e pallone! Che dicite tene tuorto? O tene raggione?!
Ciro Borrelli in arte Massenzio Caravita
|
Post n°728 pubblicato il 19 Aprile 2010 da massenziocaravita
|
Post n°727 pubblicato il 15 Aprile 2010 da massenziocaravita
solo per ricordarlo.....
‘o quinnece aprile… D’‘o 1967 (dedicata a Totò)
‘A quanno ce lassato caro Totò da chillu juorno fino a mmò sò passate tante primmavere. Nun me pozzo maje scurdà… ero guaglione e m’allicordo: “ è muorto Totò! ” Tutta Napule se fermaje‘int’‘a ‘n attimo tristeaddiventaje. ‘E viecchie ‘e giuvane ‘e ccriature... e pure ‘e camurriste... chiagnevano p’‘o cchiù Grand’Artista! ‘O 15 abbrile d’‘o 1967… pe’ nuje napulitane e pe’ tutte chille ca te vonno bene fuje na jurnata amara! Ma, ‘ncielo ‘int’‘o Paraviso... ll’Angeli, ‘e Sante...t’aspettavano... se scerjavano ‘e mmane! Pe’ lloro fuje na jurnata allera! “Amico mio cu chille llà... tu ce rimmarraje in eterno! Totò...t’immagino accussì: “Facenno fà quatte resate a ll’Angeli, ‘e Santi e ‘o Pataterno!”
Ciro Borrelli in arte Massenzio Caravita da alcune testimonianze Cara Buona Anima di Totò, Principe Antonio De Curtis… Pasquale Cardone, Notaro Silvana, Conte Eugenio, Cardone Elena, Ti augurano pace e riposo eterno…e non ti dimenticare di aiutarci…, Facci vincere una fortunata somma di soldi!…,ne abbiamo bisogno! (Totò!…, nun t’‘e scurdà e Cardone Pascale!) dom.29 ottobre 2000 Caro Totò, tanti auguri anche se sei morto , però noi Festeggeremo sempre. Tu sei molto bravo io ti guardo sempre I tuoi film, tanti auguri! Da Angelo a Totò! 15/02/1999 Scuola P.Giovanni “23 a” 3 a
Caro Totò, a mi avrebbe piaciuto conoscerti,per sapere veramente Come sei di carattere, e per sapere qual’cosa in più su di te. Io di te so qualc’ cosa come quella che sei un grande attore della sceneggiata ma anche una persona che in tutti i suoi film ha fatto sempre ridere, e questo è vero! Perché ogni volta che ho visto tutti i tuoi film mi sono messa a ridere, perciò per me sei grande con affetto Lucia Gallotti….W TOTO’
|
Post n°726 pubblicato il 12 Aprile 2010 da massenziocaravita
‘a rosa blu
Mme so' scetato cu nu bello penziero: Ammore mio, na rosa te voglio purta'! So' ghiuto addo sciuraro,erano fernute!
Aummo aummo , me vulevo arrubba' na bella rosa 'a ncoppe a nu balcone comme na pazza 'a patrona s'mise allucca' !
Mentre cammenavo sotto 'o chiovère, ll'uocchie mieje s'hanno appujate ncoppe a na busta, sbattuta d' 'o viento.
Ce steva scritto: Rose che belli rrose fiori secchi , ninnole e bomboniere e me so'fatto na passiata senza ce penza',!
Int' a chillu negozio quanta rose e ruselle mamma mia... m'hanno fatto annammura'! Argentate, porcellanate, rose 'e carta rosse e blu!
Pure se so' finte 'sti sciure so' nu bisciu'! Accussì una me l'aggio accattata,'a verita' era a cchiu' sempilce, bella comme si tu,
c''o stelo argentato e c' 'o bucciuolo blu' proprio comme' e' chella ca piace a te! So' sicuro ca quanno te porto 'sta rosa..
Nun 'a tiene dnt'a n'angulo abbandunata... miez' 'a tante inutile cose scurdate Anzi,t' 'a miette ncopp' 'o cummo'
e chi 'o ssà si tu distrattamente pienze a mme, e guardanno 'stu sciore... te vene 'o vulio e f… ll'ammore!
Massenzio Caravita |
Post n°725 pubblicato il 08 Aprile 2010 da massenziocaravita
|
Post n°724 pubblicato il 18 Marzo 2010 da massenziocaravita
E ‘a munnezza stà sempe cca!
Pe’ colpa ‘e na maniata ‘e fetiente c’ ‘a p’ ‘a munezza nun sanno c’hanna fà, simmo ‘a barzelletta ‘e tuitt’ ‘o munno c’affacciato ‘a fenesta stà a guardà.
Napule e ‘a Campania sò na fogna e p’ ‘e strate nun se po’ cchiù risciatà, è na vera tragedia chesta vergogna d’ ‘a puzza nisciuno se vò accustà!
Na vota sentevamo ‘e manduline pe’ chesti vie alleramente ‘e sunà, mmo ‘mmeece siente tutt’ ‘e mmatine ‘o popolo inutilmente ‘e prutestà.
“Cierte Pulitece” ‘a chiste paiese sulamente chiacchere sanno fà, penzano ‘e denare ‘a fine ‘o mese…. e ‘a munnezza stà sempe cca!!!
PE' NUN CE SCURDA'! MASSENZIO CARAVITA (scritta nel 2007)
|
Post n°723 pubblicato il 15 Marzo 2010 da massenziocaravita
‘A primmavera
Stammatina ‘o sole ha lassato ‘o posto a na nuvola tutta nera, me pare nu quadro appriparato criato apposta p’‘a primavera:
Chest’è na nuvola ‘e passaggio e mentre ‘o sole trase e ghiesce… schezzechea accussì: p’arraggio! Po’ dint’‘a n’attimo tutto fernesce.
Pe’ dint’‘all’aria rinfrescata Se sente n’addore ‘e terra prufumata, mentre nu raggio ‘e sole curiuso brilla ‘ncopp’a na rosa tutta ‘nfosa.
E rrondine n’cielo svulazzano cantanno, na mamma guarda ‘a nenna e s’arrecrja, pecchè dint’‘o turreno stà pazzianno tene na maruzza mano ca scapuzzeja.
‘A nenna cu ‘e mmane sporche ‘e turreno guarda ‘o cielo e dice tutta allera: “Mammà guarda è asciuto l’arcobaleno! “Nennè pe' chesto è bella 'a primmavera!”
Ciro Borrelli in arte Massenzio Caravita
|
Post n°722 pubblicato il 12 Marzo 2010 da massenziocaravita
È primmavera
‘A rugiada brilla pe’ ccampagne, ‘a neve se scioglie ncopp’‘e muntagne;
‘o sole vicino ‘e llastre stà pronto pe’ trasì ce tuzzeleja a festa… aspetta ca vac’ arrapì,
fore ‘ o balcone levo ‘e mmimose e appriparo na testa fatta tutta ‘e rose,
veco na rondine pe’ ncielo ‘e vulà, stà cercanno ‘o nido ca ce llasaje cca
e dint’ ‘a ll’aria sento ‘e cantà, mierole e cardille ce vonno annuncià
ca ‘a primmavera è arrivata, stà ccà! E nzieme a ll’aucielle canto pur’io p’’a felicità!
Massenzio Caravita
|
Post n°721 pubblicato il 05 Marzo 2010 da massenziocaravita
Non ci sono ne giorni ne mesi e ne anni, averti accanto per me …è sempre festa, grazie a Dio che esisti. Sai, non bastano per te cento alberi di mimose con mille fasci di rose per dir che sei la cosa più cara e preziosa! Donna sei bella, bella come una stella, mi basta vederti apparir ed esplode in me il sentimento più bello, riaccendi nel mio cuor tanta fantasia… facendo di te la più bella poesia!
8 marzo 2010
Ciro borrelli in arte Massenzio Caravita Questa mia lirica va a tutte le DONNE sia come mamma, moglie, amica ecc... ecc.. ma, sopratutto a tutte quelle donne che soffrono, subiscono maltrattementi ed indifferenza da parte dell'uomo e dalla società io non mi stanchero mai di onorarla!! massenzio |
Post n°720 pubblicato il 04 Marzo 2010 da massenziocaravita
‘a pasta e fasule
‘E tiempe ‘e mo ‘e ccose sò cagnate sò poche chille ca usano ‘a pignata, ‘e fasule de’ buccacce sò belle e fatte uno ‘e chisto basta pe’ quatte piatte.
Sulo ll’addore pa’ casa me fà cuntento, e p’appriparà ‘e fasule nun ce vo’ niente: Nu poco ‘e lardo, ‘o prutesino e ll’aglio, se scamazza e se votte dint’‘a ll’ uoglio…..
e se mette a friere ‘nziemme cu ‘a pelata, po’ se vòtte na vrancata ‘e pasta ammiscata! A mme pure cu ‘e tubbettune me piace… nu bello piatto e c’ ‘o stommaco stò pace!
Chist’è overo nu piatto puveriello.. e è cchiù bello si ce stà ‘a cutunella, M’ ‘o cunzuglia pure ‘o miereco me dice: < Magnate ‘e fasule e c’‘a panza sì felice!>
Massenzio Caravita
|
Post n°719 pubblicato il 02 Marzo 2010 da massenziocaravita
La mosca
Oh, mosca mia mosca bella, che lentamente ti sei poggiata sulla mia spalla, e cammini facilmente senza far rumore tra l’ascella piena di sudore, ma io ti prendo soavemente con la mano e ti porto leggermente verso la finestra, verso la libertà… ma ti dico dolcemente: - Amica mia, và, và và a scassà ‘o cazzo ‘a n’ata parte ..và!-
MASSENZIO CARAVITA
|
AREA PERSONALE
TAG
MENU
I MIEI BLOG AMICI
- annavera
- gioiadivivere
- LUNA...
- SeMpLiCeMeNtE Io
- ...NONSOLOIMMAGINI..
- dolci sensazioni
- LA MENTE & IL CUORE
- Donne
- PAROLE E PENSIERI!
- FRAMMENTI DI DONNA
- E Dio creò la donna!
- Lady Ete
- Rinascita...
- Al femminile
- Appunti di volo....
- LANIMA IN UN BLOG..
- Napoletanità....
- Napoli Tivù
- vivere è bello
- Vivi e lascia vivere
- la normalità è?
- Ginevra...
- viva la vita
- ACQUABLU67
- la femme chic
- Comunicare è vivere
- Le cose della vita
- il mio blog
- IL NOSTRO MONDO
- DOLCE PASSIONE
- dolci sensazioni 3
- luce e ombra
- la mia essenza
- FINO ALLAMORE...TU.
- amante degli animali
- langelodeisogni
- LANTICUOCA
- Amore
- Lady Pensieri
- una donna sola
- DOLCISSIMO
- Fuori dal cuore
- pescatore di stelle
- rincorrendo la luna
- tarantellanapoletana
- PENSIERI ED ALTRO 2
- PENSIERI ED ALTRO...
- AZAHAR
- MA CHE FILM LA VITA
- €T€RNA IN§TABiL€
- il mare infinito
- libera di amare
- Essere Donna
- Range random
- racconti
- LADY NOTTE
- IRENE
- FELICITA
- @Ascoltando il Mare@
- VITE
- io solo io
- NAPOLIE
- Perchè son quì?
- io..Asja 2008
- come me...io solo...
- un passo dallanima
- Frammenti demozione
- UN MONDO INCANTATO..
- MIUJACQUELINE BLACK
- vita in agrodolce
- ilgiardino dellavita
- nidodamore
- CHE MONDO DI CARTA!
- DEDICATO A ,,,,,,
- Lucilla: le sue luci
- IL MONDO DI VETRO
- HAPPY HOUR
- vient e mare!!!
- Tatuaggi dellanima
- la mia vita
- SOLITUDINE
CERCA IN QUESTO BLOG
CONTATTA L'AUTORE
Nickname: massenziocaravita
|
|
|
![]() ![]() ![]() ![]() Età: 69 Prov: NA |
Inviato da: National Forecast
il 28/06/2018 alle 09:15
Inviato da: National Forecast
il 28/06/2018 alle 09:14
Inviato da: Pogoda
il 28/06/2018 alle 09:13
Inviato da: Test di velocità
il 28/06/2018 alle 09:13
Inviato da: Sat24, Sat 24
il 28/06/2018 alle 09:12