CARMEN AULETTA

TENGO NU GATTO

Tengo nu gatto

Tengo nu gatto tutto speciale,

nun’o vulevo ve lo confesso,

ora capisco quand’è carnale

e quanto bene gli voglio adesso.

Me facette pietà quann’o vediette,

tremolante e muort’e famme ,

m’o scarfaje, nzino’e ‘mpietto

e pensaje ‘e ce fà da mamma!

Quando me guarda cu chella faccia

ca sta nervuso e tutto stuorto,

nun resisto, mo piglio ‘mbraccia

e  fa fint ca iss’è muorto.

Ve dico ca nun’aggio mai visto

nu gatto accussì ‘ntelligente.

‘O ssapite ca ‘ è proprio  ‘nsisto

e ssape leggere int’a mente?

Capitaje nu bellu juorno

ca me pigliaje ‘a nervatura,

‘o gatto se guardaje attuorno

e facetta la bravura.

Vedette na mucella

dal balcone dirimpetto

ca facev’a a sciumulella

e miagolava per dispetto.

‘O gatto me guardaje’a sott’e scelle,

dint’o pensiero me liggette:

‘o ssaje ca me piace ‘a guagliuncella,

proprio questo me dicette.

Oramai avevo gia capito

che chella cummarella

lo aveva proprio scimunito

cu chella faccia'e munecacella.

E’ inutile ca io  mò m’ ‘o chiagne,

pure si tengo  nu dolore ‘mpietto,

penso che se l’aveva fa na cumpagna,

me so’ rrassignata e aspetto sulo ‘e cunfiette.

Camen Auletta