CARMEN AULETTA

CORE SCURO

Voglio condividere con voi questa poesia scritta in un

momento particolare in ospedale.

.

Core scuro

Pecchè tengo stu core accussì scuro?

Tengo ‘e mutive pe sta pure allera,

sarrà pecchè penso sempe ‘o futuro

e al mio passato che era “quel che era”.

M’aregno ‘a capa ‘e tutte sti ccanzone

e pare ca me passa ‘a malincunia,

m’accorgo invece ch’è sulo illusione,

doppo nu poco me torna ‘a nustalgia.

Non saccio che cos’è chello ca me piglia,

vulesse ca nisciuno maje  tenesse

na cosa comme a chesta o ce ‘ assumiglia

e che nu bellu juorne scumparesse.

E menu male, io sempe me ripiglio,

‘a vita è bella pure cu ‘a sofferenza

e si ce sta n’ora bona...io m 'ha piglio        

 ‘e campà meglio  nun perdo ‘a speranza.

Carmen Auletta