Il tuo dilemma

Buon Anno!

Mamma mea beddha quante emozioni intra sti giurni ca aggiu bbutu,

me sentu lu core leggermente affaticatu,

sulamente cu pensi ca n'annu arredu comu osci stia allu spidale de gaddhipuli ca sta me facine ssire paccia pe via dell'elettrocardio meu ca era nu sali scindi continu,nu sacciu ncora se foe l'ascensore ca me paria de stare 

intra lu film quiddhu comu se chiama,spetta ah si Serendipity,me l'aggiu vistu nu saccu de fiate,ci risi o era ca ncerane duttori mutu beddhi ca meiu cu nu be dicu de cchiui.

Sicuramente se ricordane de me,n'annu lu scianucchiu,n'annu la caviglia,

n'annu addhe cose mutu intime,n'annu lu puzzu mo speramu stannu cu nu me succede nienzi cchiu.

Nu su suta ancora de casa,ae de la sera de Natale ca su sciuta a messa ca nu essu,a parte cu ba fatiu.

Nu maggiu dati l'auguri mancu cu le amiche mei ,li vicini mei de casa

ciuieddhi,nu ndimu viste poi cchiui.

Quandu rriane le feste se sape ca ognunu tene de fare pe fatti soi.

Ma l'addhu giurnu ci risi,va me telefona ziama de dassusu a Milanu.

Ulia cu sape se era fattu le pittule.Certu te paria ca nu facia le pittule pe li fiji mei e marituma? E se no ci lu sente quiddhu,cu la oce soa de trombone.

L'aggiu fatte cu lu caulu,le paparine,la cicora,la pizzaiola,bianche ma nu tania lu cottu e m'aggiu prasciata per la provvidenza ca lu Signore ha donatu alla famiglia mea.

Poi tegnu n'addha zia benadica,m'ha dispiaciutu ca è caduta,pe furtuna nu è successu nienti.

Le zie mei se pensane ca su sempre piccicca,allora ieu le nsurtu,ndaggiu dittu ca nu me troane mai a casa ca m'aggiu zitata e me nde vau sempre a passeggiu.

Aggiu bbutu poi pe fine annu na sorpresa,na telefonata della tata mea.Mo sta be dummandati ci gghiè la tata

La tata ede quiddha cristiana ca te vide nascire e te crisce,te insegna mute cose de la vita.Sa fatta grande paru cu lu maritu sou,nu cristianu grande ca fatiava paru cu sirama.Pace all'anima soa.Mane telefonatu de Vittorio Veneto,lu paese meu cu me facene l'auguri pe lu nuovu annu,uline cu sapene ci tegnu ntenzione cu vau cu li trou a dassusu.

Addhai alla montagna ci suntu l'aquile reali.Be ricurdati ca aggiu scrittu puru na poesia dedicata a iddhe!

Ci su belle e maestose,cu d'ali perte ca rriane an cielu.

Vicinu allu Signore!

Poi n'addha fiata be cuntu puru de iddhe.Nu me pozzu emozionare mutu

poi me sale la pressione e tocca cu riposu 

Buon anno a tutti

quelli belli e quelli brutti

non abbiate pena

sono sempre io

la Marilena

Mi piace parlare a volte il mio dialetto che non conosco bene

ma scorre nelle mie vene

E poi la chiusa a questo discorso

la troverò in un secondo momento

Be mintu na canzone rilassante

ci gghiè beddhu no?

Nu be mozzacati li mani me raccumandu

Nu salutu alle amiche mei

Me raccumandu nu be viditi tutti l'episodi

sulu la canzone tocca cu be santiti

Buon fine settimana

be oiu sempre bene

Mari